ଷ୍ଟାର୍ଟ ଅପ୍ ମହାକୁମ୍ଭରେ ପିଏମ୍ ରଖିଲେ ଭାରତୀୟ ଅର୍ଥନୀତିର ବ୍ଲୁ ପ୍ରିଣ୍ଟ
ଅର୍ଗସ ବ୍ୟୁରୋ : ୨୦୪୭ ସୁଦ୍ଧା ବିକଶିତ ଭାରତ ଗଠନର ଲକ୍ଷ୍ୟ । ନରେନ୍ଦ୍ର ମୋଦିଙ୍କ ଦୃଢ଼ ନେତୃତ୍ବରେ ଆଗକୁ ବଢୁଛି ଦେଶ । ଆତ୍ମନିର୍ଭର ହେଉଛି ଭାରତ । ଏ ଦିଗରେ ବଡ଼ ଭୂମିକା ତୁଲାଉଛି ପ୍ରଧାନମନ୍ତ୍ରୀଙ୍କ ଷ୍ଟାର୍ଟ ଅପ୍ ଇଣ୍ଡିଆ କ୍ୟାମ୍ପେନ୍ । ଏହି ଧାରାରେ ଯୋଡ଼ି ହୋଇଛି ଆଉ ଏକ ଅଧ୍ୟାୟ । ନୂଆଦିଲ୍ଲୀର ଭାରତ ମଣ୍ଡପମରେ ଷ୍ଟାର୍ଟ ଅପ୍ ମହାକୁମ୍ଭର ଉଦଘାଟନ କରିଛନ୍ତି ପ୍ରଧାନମନ୍ତ୍ରୀ । ମୋଦି କହିଛନ୍ତି ୨୦୪୭ରେ ବିକଶିତ ଭାରତର ରୋଡ଼ମ୍ୟାପ୍ ଉପରେ କାମ ଚାଲିଛି । ସାରା ବିଶ୍ବ ଭାରତର ଯିୁବପୀଢ଼ିଙ୍କ ଶକ୍ତି ଓ ସାମର୍ଥ୍ୟ ଦେଖୁଛି ।
ଏହି ସାମର୍ଥ୍ୟ ଉପରେ ଭରସା ରଖି ଦେଶରେ ଷ୍ଟାର୍ଟ ଅପ୍ ଇକୋସିଷ୍ଟମ ନିର୍ମାଣ ଲାଗି ବହୁ ପଦକ୍ଷେପ ନିଆଯାଉଛି । ଇନୋଭେଟିଭ୍ ଇଣ୍ତିଆକୁ ଏକ ନୂଆ ପ୍ଲାଟଫର୍ମ ଦେଇଛି ଷ୍ଟାର୍ଟ ଅପ୍ ଇଣ୍ଡିଆ ଅଭିଯାନ । କେବଳ ବଡ଼ ସହର ଭିତରେ ସୀମିତ ନାହିଁ ଦେଶର ଷ୍ଟାର୍ଟ ଅପ୍ ଇକୋସିଷ୍ଟମ୍ । ଛୋଟ ସହରର ଯୁବକଙ୍କ ଦ୍ୱାରା ବି ପରାଚାଳିତ ହେଉଛି ଭାରତର ଷ୍ଟାର୍ଟଅପ୍ ବିପ୍ଳବ । ଷ୍ଟାର୍ଟ ଅପ୍ ମହାକୁମ୍ଭରେ ଏଆଇର ବଢୁଥିବା ବ୍ୟବହାର ଓ ଲୋକପ୍ରିୟତା ସମ୍ପର୍କରେ କହିଛନ୍ତି ପ୍ରଧାନମନ୍ତ୍ରୀ । ନିର୍ବାଚନ ପ୍ରଚାର ବେଳେ ଭାଷାକୁ ନେଇ ସମସ୍ୟା ହେଲେ ଏଆଇ ସହାୟତାରେ ସବୁ ଭାଷାରେ ସେ ନିଜ କଥା ଲୋକଙ୍କ ପାଖରେ ପହଞ୍ଚାଇ ପାରୁଛନ୍ତି ।
ଅଧିକ ପଢନ୍ତୁ ଭାରତ ଖବର
ଭାରତରେ ପ୍ରଥମଥର ହୋଇଛି ଷ୍ଟାର୍ଟ ଅପ୍ ମହାକୁମ୍ଭର ଆୟୋଜନ । ଦେଶର ୨ ହଜାରରୁ ଅଧିକ ଷ୍ଟାର୍ଟ ଅପ୍, ଏକ ହଜାରରୁ ଅଧିକ ନିବେଶକ, ୧୦୦ରୁ ଅଧିକ ୟୁନିକର୍ଣ୍ଣ, ୩୦୦ରୁ ଅଧିକ ଇନକ୍ୟୁବେଟର ଓ ଏକ୍ସଲେଟର ନିଜ ଆଇଡିଆ ନେଇ ଏଥିରେ ସାମିଲ ହୋଇଛନ୍ତି । ୧୦ରୁ ଅଧିକ ଦେଶର ପ୍ରତିନିଧି ମଣ୍ଡଳୀ ବି ଏଥିରେ ଯୋଗ ଦେଇଛନ୍ତି । ବିକଶିତ ଭାରତ ଲାଗି ଷ୍ଟାର୍ଟଅପ୍ ମହାକୁମ୍ଭର ରହିଛି ଅନେକ ମହତ୍ୱ । ଭାରତ ଆଇଟି ଓ ସଫ୍ଟୱେୟାର କ୍ଷେତ୍ରରେ ବିଶ୍ବରେ ସ୍ବତନ୍ତ୍ର ପରିଚୟ ସୃଷ୍ଟି କରିସାରିଥିବା ଭାରତରେ ଏବେ ଷ୍ଟାର୍ଟଅପ୍ ଓ ଇନୋଭେସନ କଲଚରର ଟ୍ରେଣ୍ତ୍ ଲଗାତାର ବୃଦ୍ଧି ପାଉଥିବାର ଦେଖିବାକୁ ମିଳୁଛି ।
