ଆଜି ପ୍ରଚାର ମଇଦାନକୁ ଓହ୍ଲାଇବେ ପିଏମ୍ ମୋଦି । ବିହାରର ଦୁଇଟି ସ୍ଥାନରେ ବିଶାଳ ଜନସଭାକୁ ସମ୍ବୋଧନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବିହାରର ପୂର୍ବତନ ମୁଖ୍ୟମନ୍ତ୍ରୀ ତଥା ଭାରତରତ୍ନ କର୍ପୁରୀ ଠାକୁରଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ସହ ପ୍ରଚାର ଶୁଭାରମ୍ଭ କରିବେ ମୋଦି ।

ଏହାପରେ ମଧ୍ୟାହ୍ନ ୧୨ଟା ୧୫ରେ ସମସ୍ତିପୁର ଜନସଭାକୁ ସମ୍ବୋଧନ କରିବେ । ଏହାପରେ ବେଗୁସରାଇରେ ମଧ୍ୟ ପ୍ରଚାର କରିବେ । ବିହାର ମୁଖ୍ୟମନ୍ତ୍ରୀ ନିତୀଶ କୁମାର ମଧ୍ୟ ମୋଦିଙ୍କ ସହ ଜନସଭାକୁ ସମ୍ବୋଧନ କରିବେ । କେନ୍ଦ୍ର ଗୃହମନ୍ତ୍ରୀ ଅମିତ ଶାହ ବିହାରର ସିଓ୍ବାନ ଓ ବକ୍ସରରେ ଦୁଇଟି ଜନସଭାକୁ ସମ୍ବୋଧିତ କରିବେ ।
ଘମଣ୍ଡୀ, ଭ୍ରଷ୍ଟାଚାରୀ, ମାନସିକତା ଉପରେ କରିବେ ପ୍ରଚଣ୍ଡ ପ୍ରହାର । ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି. ନଡ୍ଡା ବୈଶାଳୀରେ ପ୍ରବୁଦ୍ଧ ଜନ ବୈଠକରେ ସାମିଲ ହେବେ । ଆସନ୍ତା ୩୦, ନଭେମ୍ବର ୨ ଓ ୩ରେ ମଧ୍ୟ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିବେ ମୋଦି ।

ଏଥିସହ ପଢ଼ନ୍ତୁ: ଫୁଲ ଦମ୍‌ରେ ପ୍ରଚାର ମୈଦାନରେ BJP, ଆଗକୁ ବଢ଼ିପାରୁନି ମହାଗଠବନ୍ଧନ !

ପ୍ରଥମ ପର୍ଯ୍ୟାୟ ମତଦାନ ପୂର୍ବରୁ, ପ୍ରଧାନମନ୍ତ୍ରୀ ମୋଦି ୨୮ ଅକ୍ଟୋବରରେ ଦରଭଙ୍ଗା, ମୁଜାଫରପୁର ଏବଂ ପାଟନାରେ ରାଲି କରିବେ। ତା’ପରେ ସେ ୧ ନଭେମ୍ବରରେ ଛାପ୍ରା ଏବଂ ପୂର୍ବ ଚମ୍ପାରଣରେ ରୋଡ୍ ଶୋ କରିବେ। ଏହା ପରେ, ୩ ନଭେମ୍ବରରେ, ପ୍ରଧାନମନ୍ତ୍ରୀ ପଶ୍ଚିମ ଚମ୍ପାରଣ, ସହରସା ଏବଂ ଆରାରିଆରେ ପ୍ରଚାର କରିବେ।

ଅମିତ ଶାହ ମଧ୍ୟ ରାଲି ମାଧ୍ୟମରେ NDA କର୍ମୀଙ୍କୁ ଉତ୍ସାହିତ କରିବେ। ଏହା ସେମାନଙ୍କ ଉତ୍ସାହକୁ ଆହୁରି ବୃଦ୍ଧି କରିବ । ଅମିତ ଶାହ ବିଭିନ୍ନ ଦିନରେ ରାଜ୍ୟର ବିଭିନ୍ନ ସ୍ଥାନରେ ମୋଟ ୨୫ ରାଲି କରିବେ । ସେ ୧୨ ଟି ସାଧାରଣ ସଭାକୁ ମଧ୍ୟ ସମ୍ବୋଧିତ କରିବେ । ରାଜନାଥ ସିଂହ ଏବଂ ନୀତିନ ଗଡକରୀ ମଧ୍ୟ ତାଙ୍କ ସହିତ ସାଧାରଣ ସଭାରେ ଯୋଗଦେବେ।

ଅଧିକ ପଢ଼ନ୍ତୁ ଭାରତ ଖବର...