ବେଲଜିୟମ ପ୍ରଧାନମନ୍ତ୍ରୀଙ୍କ ସହ କଥା ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

ଅର୍ଗସ ବ୍ୟୁରୋ : ବେଲଜିୟମ ପ୍ରଧାନମନ୍ତ୍ରୀ ଆଲେକଜାଣ୍ଡର ଡି କ୍ରୁଙ୍କ ସହ ଫୋନରେ କଥା ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦ୍ୱିପାକ୍ଷିକ ସମ୍ପର୍କକୁ ଆହୁରି ସୁଦୃଢ଼ କରିବା ଉପରେ ନେତାମାନେ ଆଲୋଚନା କରିଥିଲେ । ପ୍ରଥମ ଆଣବିକ ଶକ୍ତି ଶିଖର ସମ୍ମିଳନୀର ସଫଳ ଆୟୋଜନ ପାଇଁ ପ୍ରଧାନମନ୍ତ୍ରୀ ଡି କ୍ରୁଙ୍କୁ ଅଭିନନ୍ଦନ ଜଣାଇଥିଲେ । 

ଉଭୟ ନେତା ପାରସ୍ପରିକ ସ୍ୱାର୍ଥ ଥିବା ଆଞ୍ଚଳିକ ଏବଂ ବୈଶ୍ୱିକ ସମସ୍ୟା ଉପରେ  ମତ ବିନିମୟ କରିଥିଲେ । ଉଭୟ ନେତା ଭାରତ ଓ ବେଲଜିୟମ ମଧ୍ୟରେ ଉତ୍ତମ ସମ୍ପର୍କର ସମୀକ୍ଷା କରିଥିଲେ । ବାଣିଜ୍ୟ, ନିବେଶ, ସ୍ୱଚ୍ଛ ପ୍ରଯୁକ୍ତିବିଦ୍ୟା, ସେମିକଣ୍ଡକ୍ଟର, ଔଷଧ, ସବୁଜ ହାଇଡ୍ରୋଜେନ, ଆଇଟି, ପ୍ରତିରକ୍ଷା, ବନ୍ଦର ଆଦି ବିଭିନ୍ନ କ୍ଷେତ୍ରରେ ଦ୍ୱିପାକ୍ଷିକ ଭାଗିଦାରୀକୁ ଆହୁରି ସୁଦୃଢ଼ କରିବା ଉପରେ ସେମାନେ ଆଲୋଚନା କରିଥିଲେ । 

ଅଧିକ ପଢନ୍ତୁ ଭାରତ ଖବର

ଉଭୟ ନେତା  ୟୁରୋପୀୟ ସଂଘର ପରିଷଦର ଚାଲିଥିବା ବେଲଜିୟମ ଅଧ୍ୟକ୍ଷତା ଅଧୀନରେ ଭାରତ-ୟୁରୋପୀୟ ସଂଘ ରଣନୈତିକ ଭାଗିଦାରୀକୁ ଆହୁରି ସୁଦୃଢ଼ କରିବା ପାଇଁ ପ୍ରତିଶ୍ରୁତିବଦ୍ଧତା ଦୋହରାଇଥିଲେ । ସେମାନେ ଆଞ୍ଚଳିକ ଏବଂ ବୈଶ୍ୱିକ ବିକାଶ ଉପରେ ମତ ବିନିମୟ କରିଥିଲେ । ପଶ୍ଚିମ ଏସିଆ ଅଞ୍ଚଳରେ ଶାନ୍ତି ଓ ନିରାପତ୍ତା ଶୀଘ୍ର ପୁନରୁଦ୍ଧାର ଏବଂ ରୁଷ୍-ୟୁକ୍ରେନ୍ ସଂଘର୍ଷ ପାଇଁ ସହଯୋଗ ଓ ସମର୍ଥନ ବୃଦ୍ଧି କରିବାର ଆବଶ୍ୟକତା ଉପରେ ସେମାନେ ସହମତ ହୋଇଥିଲେ ।