ପଶ୍ଚିମବଙ୍ଗରେ ମହାମହିମ ରାଷ୍ଟ୍ରପତିଙ୍କୁ ତୃଣମୂଳ କଂଗ୍ରେସର ଅପମାନ ପ୍ରସଙ୍ଗରେ କ୍ଷୁବ୍ଧ ହୋଇଛନ୍ତି ପ୍ରଧାନମନ୍ତ୍ରୀ । ନରେନ୍ଦ୍ର ମୋଦି ସୋସିଆଲ୍ ମିଡିଆରେ ପୋଷ୍ଟ କରି TMC ଉପରେ ଜୋରଦାର ବର୍ଷିଛନ୍ତି । ସେ କହିଛନ୍ତି, ରାଷ୍ଟ୍ରପତିଙ୍କୁ TMC ସରକାର ଅପମାନ କରିବା ଲଜ୍ଜାଜନକ ଏବଂ ଅସାମ୍ବିଧାନିକ । ଗଣତନ୍ତ୍ରରେ ବିଶ୍ବାସ କରୁଥିବା ବ୍ୟକ୍ତିମାନଙ୍କ ପାଇଁ ଏହା କଷ୍ଟଦାୟକ । ଏହାଯୋଗୁଁ ଆଦିବାସୀ ସଶକ୍ତିକରଣରେ ବିଶ୍ୱାସ ରଖୁଥିବା ବ୍ୟକ୍ତି ହତାଶ ହୋଇଛନ୍ତି । ଆଦିବାସୀ ସମାଜରୁ ଆସିଥିବା ରାଷ୍ଟ୍ରପତି ନିଜେ ଦୁଃଖ ପ୍ରକାଶ କରିଛନ୍ତି । ଏପରି ଆଚରଣ ଭାରତର ଲୋକଙ୍କ ମନରେ ବହୁତ କଷ୍ଟ ଦେଇଛି । ପଶ୍ଚିମବଙ୍ଗର TMC ସରକାର ପ୍ରକୃତରେ ସବୁ ସୀମା ଅତିକ୍ରମ କରିଛନ୍ତି । ରାଷ୍ଟ୍ରପତିଙ୍କୁ ଅପମାନ ପାଇଁ ସେଠାକାର ପ୍ରଶାସନ ଦାୟୀ ବୋଲି ଲେଖିଛନ୍ତି ପ୍ରଧାନମନ୍ତ୍ରୀ ।

This is shameful and unprecedented. Everyone who believes in democracy and the empowerment of tribal communities is disheartened.

The pain and anguish expressed by Rashtrapati Ji, who herself hails from a tribal community, has caused immense sadness in the minds of the people… https://t.co/XGzwMCMFrT

— Narendra Modi (@narendramodi) March 7, 2026

ସେହିପରି ରାଷ୍ଟ୍ରପତିଙ୍କୁ TMCର ଅପମାନ ନେଇ ସମାଲୋଚନା କରିଛନ୍ତି କେନ୍ଦ୍ର ଗୃହମନ୍ତ୍ରୀ । ସୋସିଆଲ୍ ମିଡିଆ ପ୍ଲାଟଫର୍ମ 'X'ରେ ଅମିତ୍ ଶାହ ଲେଖିଛନ୍ତି, TMC ସରକାର ମହାମହିମ ରାଷ୍ଟ୍ରପତିଙ୍କୁ ଅପମାନିତ କରିଛି । TMC ସରକାର ରାଷ୍ଟ୍ରପତିଙ୍କ ପ୍ରୋଟୋକଲ ପ୍ରତି ସ୍ପଷ୍ଟ ଅବମାନନା କରିଛି । ଏହା ଅତି ଅଶୋଭନୀୟ ଆଚରଣ । ଭାରତର ସର୍ବୋଚ୍ଚ ସାମ୍ବିଧାନିକ ପଦବୀ ପ୍ରତି ଅସମ୍ମାନ । ସାମ୍ବିଧାନିକ ମୂଲ୍ୟବୋଧ ପ୍ରତି ଅପମାନ । ଗଣତନ୍ତ୍ରରେ ବିଶ୍ୱାସ କରୁଥିବା ପ୍ରତିଟି ନାଗରିକ ଗଭୀର ଭାବେ ମର୍ମାହତ ।

The TMC Government in West Bengal today hit a new low in its anarchic behaviour by humiliating the President of India with its glaring disregard for protocol.

This lays bare the rot in the TMC Government which not only violates the constitutional rights of citizens at will but…

— Amit Shah (@AmitShah) March 7, 2026

ଅନ୍ୟପଟେ ରାଷ୍ଟ୍ରପତିଙ୍କୁ ମମତା ସରକାରର ଅପମାନ ପ୍ରସଙ୍ଗରେ ସୋସିଆଲ୍ ମିଡିଆ `X'ରେ କଡ଼ା ସମାଲୋଚନା କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ । ଧର୍ମେନ୍ଦ୍ର ପ୍ରଧାନ କହିଛନ୍ତି, ଦେଶର ସର୍ବୋଚ୍ଚ ସାମ୍ବିଧାନିକ କାର୍ଯ୍ୟାଳୟ ପ୍ରତି ଘୋର ଅପମାନ । ଏହା TMC ସରକାରର ସମ୍ବେଦନହୀନତାକୁ ପ୍ରତିଫଳିତ କରେ । ରାଷ୍ଟ୍ରପତି ପଶ୍ଚିମବଙ୍ଗର ପ୍ରଶାସନିକ ବ୍ୟବସ୍ଥା ଉପରେ ଦୁଃଖ ପ୍ରକାଶ କରିଛନ୍ତି । ଏହା କର୍ତ୍ତୃପକ୍ଷଙ୍କ ଆଚରଣ ଏବଂ ପ୍ରସ୍ତୁତି ଉପରେ ଗମ୍ଭୀର ପ୍ରଶ୍ନ ଉଠାଇଛି । ପଶ୍ଚିମବଙ୍ଗ ସରକାର ଏପରି ସ୍ଥିତି କାହିଁକି ସୃଷ୍ଟି କଲେ ଜବାବ ଦେବାକୁ ହେବ । ରାଷ୍ଟ୍ରପତିଙ୍କ କାର୍ଯ୍ୟାଳୟ ପ୍ରତି ଅସମ୍ମାନ ଏବଂ ରାଷ୍ଟ୍ରର ଗରିମାକୁ କ୍ଷୁଣ୍ଣ କରୁଛି । ସାମ୍ବିଧାନିକ କାର୍ଯ୍ୟାଳୟର ପବିତ୍ରତା ରାଜନୀତିର ଊର୍ଦ୍ଧ୍ୱରେ ରହିବା ଉଚିତ୍ । ଆଦିବାସୀ ସମ୍ପ୍ରଦାୟକୁ ସମ୍ମାନ ଦେବାକୁ ଉପଯୁକ୍ତ ସମନ୍ୱୟ ଆବଶ୍ୟକ । ମହାମହିମ ରାଷ୍ଟ୍ରପତିଙ୍କ ମନରେ ନିରାଶା ଭାବ ଜାଗ୍ରତ କରିବା ଅନୁଚିତ୍ ବୋଲି କେନ୍ଦ୍ର ଶିକ୍ଷା ମନ୍ତ୍ରୀ କହିଛନ୍ତି ।

The concerns expressed by Hon’ble President Droupadi Murmu ji @rashtrapatibhvn during her visit to Darjeeling reflect a deeply unfortunate lapse in administrative sensitivity and respect for the highest constitutional office of the country. When the President herself is compelled… https://t.co/GbbIRZjPsd

— Dharmendra Pradhan (@dpradhanbjp) March 7, 2026

ସୂଚନା ଅନୁସାରେ, ଶନିବାର ପଶ୍ଚିମବଙ୍ଗର ଦାର୍ଜିଲିଂରେ ଆୟୋଜିତ ଅନ୍ତର୍ଜାତୀୟ ସାନ୍ତାଳି ସମ୍ମିଳନୀରେ ଯୋଗ ଦେବାକୁ ପହଞ୍ଚିଥିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଏହି ଅବସରରେ ତାଙ୍କୁ ସ୍ବାଗତ କରିବାକୁ ନା ଆସିଥିଲେ ମମତା ନା ଆସିଥିଲେ ତାଙ୍କ ମନ୍ତ୍ରୀମଣ୍ଡଳର ନେତା । ଯାହାକୁ ନେଇ ଗଭୀର ଅସନ୍ତୋଷ ଝାଡ଼ିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଭାରତୀୟ ସମ୍ବିଧାନ ଆଧାରିତ ଶାସନ ଗାଦିରେ ବସି ରାଷ୍ଟ୍ରପତିଙ୍କ ଗସ୍ତର ପ୍ରୋଟୋକଲକୁ କେମିତି ଜଣେ ମୁଖ୍ୟମନ୍ତ୍ରୀ ଭଙ୍ଗ କରିପାରନ୍ତି ।

ସ୍ବାଗତ ତ କଲେ ନାହିଁ ରାଷ୍ଟ୍ରପତିଙ୍କୁ ଅସମ୍ମାନ କରିବାରେ ବି ପଛଘୁଞ୍ଚା ଦେଇ ନାହାନ୍ତି ମମତା । ରାଷ୍ଟ୍ରପତିଙ୍କ ଗସ୍ତ ପରେ ହଠାତ୍ ଅନ୍ତର୍ଜାତୀୟ ସାନ୍ତାଳୀ ସମ୍ମିଳନୀର ସ୍ଥାନ ପରିବର୍ତ୍ତନ କରାଯାଇଛି । କୌଣସି ପ୍ରାକ୍ ସୂଚନା ନଥାଇ ଏଭଳି କରାଯାଇଥିବା ଅଭିଯୋଗ ହୋଇଛି । ଏମିତି କି ଏହି ପରିବର୍ତ୍ତନର ଆବଶ୍ୟକତା ନଥାଇ କାହିଁକି ଏମିତି କରାଗଲା ବୋଲି ପ୍ରଶ୍ନ କରିଛନ୍ତି ରାଷ୍ଟ୍ରପତି ।