ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପୂର୍ବୋଦୟ ମିଶନ । ମିଜୋରାମ ପରେ ମଣିପୁରରେ ବିଭିନ୍ନ ପ୍ରକଳ୍ପର ଉଦଘାଟନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରତିକୂଳ ପାଗ ଯୋଗୁଁ ପ୍ରଧାନମନ୍ତ୍ରୀ ହେଲିକ୍ୟାପ୍ଟରରେ ଯାଇ ପାରି ନଥିଲେ । ସେ ସଡକ ପଥରେ ମଣିପୁରର ଚୁରାଚନ୍ଦନପୁରରେ ପହଞ୍ଚିଥିଲେ । ରାସ୍ତାର ଉଭୟ ପାର୍ଶ୍ବରେ ହଜାର ହଜାର ଲୋକ ତାଙ୍କୁ ସ୍ବାଗତ ସମ୍ବର୍ଦ୍ଧନା ଜଣାଇଥିଲେ । ମଣିପୁରେ ପ୍ରଧାନମନତ୍ରୀ ୭ହଜାର କୋଟି ମୂଲ୍ୟର ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଶିଳାନ୍ୟାସ ଓ ଉଦଘାଟନ କରିଛନ୍ତି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଣିପୁରର ଚୁରାଚାନ୍ଦପୁରରେ ପହଞ୍ଚି ସେଠାରେ ହିଂସା ଦ୍ୱାରା ପ୍ରଭାବିତ ଲୋକଙ୍କୁ ଭେଟିଥିଲେ। ସେ ରାଜ୍ୟରେ ଶାନ୍ତି, ବିକାଶ ଏବଂ ବିଶ୍ୱାସର ବାର୍ତ୍ତା ଦେଇଥିଲେ । ସେ ମଣିପୁରର ସାମାଜିକ ଏବଂ ଆର୍ଥିକ ବିକାଶ ପାଇଁ ଭାରତ ସରକାରଙ୍କ ଦ୍ୱାରା କରାଯାଉଥିବା ପ୍ରୟାସ ଉପରେ ମଧ୍ୟ ଆଲୋକପାତ କରିଥିଲେ। ପ୍ରଧାନମନ୍ତ୍ରୀ କହିଥିଲେ ଯେ ଏବେ ମଣିପୁରର ପ୍ରତ୍ୟେକ ନାଗରିକ ବିକାଶ ପଥରେ ଆଗକୁ ବଢ଼ୁଛନ୍ତି ଏବଂ ଏହି ରାଜ୍ୟ ଆଶାର ଏକ ନୂତନ ଉଦାହରଣ ପାଲଟିଛି।

Development of the Northeast is a priority for us and this is seen in our work across different sectors. pic.twitter.com/MyVzP9agqJ

ଚୁରାଚାନ୍ଦପୁରରେ ପ୍ରଧାନମନ୍ତ୍ରୀ ମଣିପୁରର ଯୁବକମାନଙ୍କ ପାଇଁ ନୂତନ ନିଯୁକ୍ତି ସୁଯୋଗ ଉପରେ ମଧ୍ୟ ଗୁରୁତ୍ୱାରୋପ କରିଥିଲେ । ସେ କହିଥିଲେ ଯେ ସରକାର ମଣିପୁରର ପ୍ରତ୍ୟେକ ନାଗରିକ ବିକାଶର ଲାଭ ଅନୁଭବ କରିବାକୁ ଚେଷ୍ଟା କରୁଛନ୍ତି । ସେ ଏହା ମଧ୍ୟ କହିଥିଲେ ଯେ ମଣିପୁରର ନାମରେ ହିଁ 'ମଣି' ରହିଛି, ଯାହା ସମଗ୍ର ଉତ୍ତର-ପୂର୍ବ ଅଞ୍ଚଳର ଉଜ୍ଜ୍ୱଳତା ବୃଦ୍ଧି କରିବ ।

ପ୍ରଧାନମନ୍ତ୍ରୀ ମୋଦି କହିଥିଲେ ଯେ ମଣିପୁରରେ ହିଂସା ଏହି ଅଞ୍ଚଳକୁ ପ୍ରଭାବିତ କରିଥିଲା, କିନ୍ତୁ ଏବେ ସମସ୍ତ ସମ୍ପ୍ରଦାୟ ଶାନ୍ତି ପଥରେ ଆଗକୁ ବଢ଼ୁଛନ୍ତି। ସେ ସମସ୍ତ ସଂଗଠନ ଏବଂ ଗୋଷ୍ଠୀକୁ ସାମାଜିକ ସଦ୍ଭାବନା ଏବଂ ପାରସ୍ପରିକ ବୁଝାମଣା ସହିତ ଆଗକୁ ବଢ଼ିବାକୁ ଆହ୍ୱାନ କରିଥିଲେ। ଅନେକ ଗୋଷ୍ଠୀ ମଧ୍ୟରେ ମଧ୍ୟ ଚୁକ୍ତିନାମା ହୋଇଛି। ପ୍ରଧାନମନ୍ତ୍ରୀ ଆଶ୍ୱାସନା ଦେଇଛନ୍ତି ଯେ ଭାରତ ସରକାର ଏବଂ ମଣିପୁର ସରକାର ବିସ୍ଥାପିତ ଲୋକଙ୍କୁ ଉପଯୁକ୍ତ ସ୍ଥାନରେ ବସତି ସ୍ଥାପନ କରିବା ପାଇଁ ମିଳିତ ଭାବରେ କାର୍ଯ୍ୟ କରୁଛନ୍ତି। ପ୍ରଧାନମନ୍ତ୍ରୀ ମୋଦି ମଣିପୁରର ଲୋକମାନଙ୍କୁ ୮୫୦୦ କୋଟି ଟଙ୍କାର ବିକାଶ ପ୍ରକଳ୍ପର ଉପହାର ସ୍ୱରୂପ ଅନେକ ପ୍ରକଳ୍ପର ଉଦଘାଟନ କରିଛନ୍ତି। ମୋଦି ଆହୁରି କହିଛନ୍ତି ଯେ ମଣିପୁର ଦ୍ରୁତ ଗତିରେ ବିକାଶ କରୁଛି ଏବଂ ରାଜ୍ୟର ପ୍ରତ୍ୟେକ କୋଣରେ ବିକାଶ କାର୍ଯ୍ୟ ଚାଲିଛି।

ପ୍ରଧାନମନ୍ତ୍ରୀ କହିଛନ୍ତି, "ଆମେ ସନ୍ତୁଷ୍ଟ ଯେ ସମ୍ପ୍ରତି ପାହାଡ଼ ଏବଂ ଉପତ୍ୟକାର ବିଭିନ୍ନ ସଂଗଠନ ସହିତ ଚୁକ୍ତି ପାଇଁ ଆଲୋଚନା ହୋଇଛି। ଏହା ଭାରତ ସରକାରଙ୍କ ପ୍ରୟାସର ଏକ ଅଂଶ, ଯେଉଁଥିରେ ଆଲୋଚନା, ସମ୍ମାନ ଏବଂ ପାରସ୍ପରିକ ବୁଝାମଣାକୁ ଗୁରୁତ୍ୱ ଦେଇ ଶାନ୍ତି ପ୍ରତିଷ୍ଠା ପାଇଁ କାର୍ଯ୍ୟ କରାଯାଉଛି। ମୁଁ ସମସ୍ତ ସଂଗଠନକୁ ଶାନ୍ତି ପଥରେ ଆଗକୁ ବଢ଼ିବା ଏବଂ ସେମାନଙ୍କର ସ୍ୱପ୍ନ ପୂରଣ କରିବାକୁ ନିବେଦନ କରିବି। ମୁଁ ଆପଣଙ୍କ ସହିତ ଅଛି, ଭାରତ ସରକାର ମଣିପୁରର ଲୋକଙ୍କ ସହିତ ଅଛି।"