ପିଲା ଦିନର କଥା ମନେ ପକାଇ ଭାବବିହ୍ବଳ ହୋଇ ପଡ଼ିଲେ ପିଏମ୍

ଅର୍ଗସ ବ୍ୟୁରୋ : ପ୍ରଧାନମନ୍ତ୍ରୀଙ୍କ ଆଖିରେ ଲୁହ । ପିଲା ଦିନର କଥା ମନେ ପକାଇ ଭାବବିହ୍ବଳ ହୋଇ ପଡ଼ିଲେ ପିଏମ୍ । ମହାରାଷ୍ଟ୍ରରେ ଆଜି ଗରିବ ହିତାଧିକାରୀଙ୍କୁ ଘର ଚାବି ପ୍ରଦାନ ଅବସରରରେ ପିଏମ କହିଛନ୍ତି, ଆବାସ ଯୋଜନା ଅଧୀନରେ ନିର୍ମିତ ଘରଗୁଡ଼ିକୁ ଦେଖିବା ପରେ ମୁଁ ଅନୁଭବ କଲି ଯେ ମୁଁ ମଧ୍ୟ ମୋର ପିଲାଦିନେ ଏପରି ଘରେ ରହିଥାଆନ୍ତି କି । 

ମହାରାଷ୍ଟ୍ରର PMAY-ସହରୀ ଯୋଜନା ଅଧୀନରେ ପ୍ରସ୍ତୁତ ଘର ବିଷୟରେ କଥାବାର୍ତ୍ତା ବେଳେ ସେ ଭାବପ୍ରବଣ ହୋଇଥିଲେ । ମହାରାଷ୍ଟ୍ରର ସୋଲାପୁରରେ ପ୍ରଧାନମନ୍ତ୍ରୀ କହିଛନ୍ତି, ଦୀର୍ଘ ଦିନ ଧରି ଆମ ଦେଶରେ ଦାରିଦ୍ର୍ୟ ଦୂରୀକରଣ ସ୍ଲୋଗାନ ଦିଆଯାଇଥିଲା କିନ୍ତୁ ଦାରିଦ୍ର୍ୟ ଦୂର କରାଯାଇ ନଥିଲା । ଗରିବଙ୍କ ନାମରେ ଯୋଜନା ପ୍ରସ୍ତୁତ କରାଯାଇଥିଲା, କିନ୍ତୁ ଗରିବ ଲୋକ ସେମାନଙ୍କ ସୁବିଧା ପାଇଲେ ନାହିଁ ।  

ଅଧିକ ପଢନ୍ତୁ ଭାରତ ଖବର

ମଧ୍ୟସ୍ଥିମାନେ ସେମାନଙ୍କର ଉପଯୁକ୍ତ ଟଙ୍କା ଲୁଟ କରୁଥିଲେ । ପୂର୍ବ ସରକାରଙ୍କ ନୀତି, ଉଦ୍ଦେଶ୍ୟ ଏବଂ ନିଷ୍ଠା କାଠଗଡାରେ ଥିଲା । ସେ କହିଛନ୍ତି, ୨୦୧୪ରେ ସରକାର ଗଠନ ହେବା ମାତ୍ରେ ମୁଁ କହିଥିଲି ଯେ ମୋ ସରକାର ଗରିବଙ୍କ ପାଇଁ ଉତ୍ସର୍ଗୀକୃତ ସରକାର । ତେଣୁ, ଆମେ ଗୋଟିଏ ପରେ ଗୋଟିଏ ଏଭଳି ଯୋଜନା କାର୍ଯ୍ୟକାରୀ କଲୁ, ଯାହା ଗରୀବ ଲୋକଙ୍କ ଅସୁବିଧାକୁ ହ୍ରାସ କରିବ ଏବଂ ସେମାନଙ୍କ ଜୀବନକୁ ସହଜ କରିବ ।