PM Modi-Putin: ଏକାଠି କାରରେ ଗଲେ ମୋଦି-ପୁଟିନ୍, ଫଟୋ ଦେଖି ବଢ଼ିଯିବ ଟ୍ରମ୍ପଙ୍କ ଟେନସନ୍ !
Key Points
SCO ସମ୍ମିଳନୀ ଶେଷ ପରେ ଏକାଠି କାରରେ ଗଲେ ମୋଦି-ପୁଟିନ୍। ଦୁଇ ଦିଗଜଙ୍କ ମଧ୍ୟରେ ହେଲା ଦ୍ବିପାକ୍ଷିକ ଆଲୋଚନା । ଡିସେମ୍ବରରେ ୨୩ତମ ସମିଟ୍ ପାଇଁ ପୁଟିନଙ୍କୁ ମୋଦିଙ୍କ ନିମନ୍ତ୍ରଣ।
ଚୀନର ତିଆନଜିନ୍ ସହରରେ ଶେଷ ହୋଇଛି ସାଂଘାଇ ସହଯୋଗ ସଂଗଠନ (SCO) ଶିଖର ସମ୍ମିଳନୀ । ସୋମବାର ଦିନ ଏହି ଶିଖର ସମ୍ମିଳନୀର ସବୁଠାରୁ ଗୁରୁତ୍ୱପୂର୍ଣ୍ଣ ଅଧିବେଶନ ଅନୁଷ୍ଠିତ ହୋଇଥିଲା । ଯେଉଁଥିରେ ଭାରତ, ଚୀନ୍, ଋଷ, ପାକିସ୍ତାନ, ଇରାନ ଏବଂ ମଧ୍ୟ ଏସୀୟ ଦେଶ ସମେତ ସମସ୍ତ ସଦସ୍ୟ ଦେଶର ନେତାମାନେ ସାଧାରଣ ସ୍ୱାର୍ଥ ଏବଂ ବର୍ତ୍ତମାନର ବିଶ୍ୱ ଚ୍ୟାଲେଞ୍ଜ ବିଷୟରେ ଆଲୋଚନା କରିଥିଲେ। ଏହି ଅଧିବେଶନ ପରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ ଗୋଟିଏ କାରରେ ବସି ବାହାରକୁ ଆସିବା ସମୟରେ ଏକ ଅନନ୍ୟ ଦୃଶ୍ୟ ଦେଖିବାକୁ ମିଳିଥିଲା ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲରେ କାରରେ ଯାଉଥିବାର ଏକ ଫଟୋ ମଧ୍ୟ ସେୟାର କରିଥିଲେ । ଯେଉଁଥିରେ PM ମୋଦି ଲେଖିଛନ୍ତି, 'SCO ଶିଖର ସମ୍ମିଳନୀ କାର୍ଯ୍ୟକ୍ରମ ପରେ, ଋଷ ରାଷ୍ଟ୍ରପତି ପୁଟିନ ଏବଂ ମୁଁ ଏକାଠି ଆମର ଦ୍ୱିପାକ୍ଷିକ ବୈଠକ ସ୍ଥାନକୁ ଯାଇଥିଲୁ । ତାଙ୍କ ସହିତ ଆଲୋଚନା ସର୍ବଦା ବହୁତ ସୂଚନାପ୍ରଦ' ।
After the proceedings at the SCO Summit venue, President Putin and I travelled together to the venue of our bilateral meeting. Conversations with him are always insightful. pic.twitter.com/oYZVGDLxtc
📱 Get Argus News App
✨ତେବେ ଏହି ଫଟୋକୁ ଭାରତ-ଋଷ ସମ୍ପର୍କର ଶକ୍ତିର ପ୍ରତୀକ ଭାବରେ ବିବେଚନା କରାଯାଉଛି । ଏହି ଦୁଇ ନେତାଙ୍କ ମଧ୍ୟରେ ଦ୍ୱିପାକ୍ଷିକ ଆଲୋଚନା ହୋଇଛି । ଏହି ବୈଠକ ଏପରି ସମୟରେ ହେଉଛି ଯେତେବେଳେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ଭାରତ ଉପରେ ଚାପ ବୃଦ୍ଧି କରାଯାଉଛି । ଟ୍ରମ୍ପ ପ୍ରଶାସନ ଅଭିଯୋଗ କରିଛି ଯେ ଭାରତ ଋଷରୁ ତେଲ କିଣି ଆମେରିକୀୟ କଟକଣା ଉଲ୍ଲଂଘନ କରୁଛି । ଏଥିପାଇଁ ଭାରତ ଉପରେ ଆମେରିକା ୫୦ ପ୍ରତିଶତ ଟାରିଫ୍ ଲାଗୁ କରିଛି ।
ସୂଚନା ଅନୁସାରେ, ରବିବାର SCO ସମ୍ମିଟ ଆରମ୍ଭ ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚୀନ୍ ରାଷ୍ଟ୍ରପତି ସି ଜିନପିଙ୍ଗଙ୍କୁ ଭେଟି ଦ୍ୱିପାକ୍ଷିକ ଆଲୋଚନା କରିଥିଲେ। ଏହି ବୈଠକରେ ଦୁଇ ଦେଶ ମଧ୍ୟରେ ସହଯୋଗ ବୃଦ୍ଧି ଏବଂ ପାରସ୍ପରିକ ସମ୍ପର୍କକୁ ଆଗକୁ ନେବା ଉପରେ ଆଲୋଚନା ହୋଇଥିଲା। ଭାରତ, ଋଷ ଏବଂ ଆମେରିକା ମଧ୍ୟରେ ବଦଳୁଥିବା ସମୀକରଣ ମଧ୍ୟରେ ଏହି ବୈଠକକୁ ଏକ ଗୁରୁତ୍ୱପୂର୍ଣ୍ଣ କୂଟନୈତିକ ବାର୍ତ୍ତା ଭାବରେ ବିବେଚନା କରାଯାଉଛି।