ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ଗୁଜରାଟ ଗସ୍ତର ଦ୍ୱିତୀୟ ଦିନରେ ସୋମନାଥରେ ପହଞ୍ଚି ଶୌର୍ଯ୍ୟ ଯାତ୍ରାରେ ସାମିଲ ହୋଇଥିଲେ । ସୋମନାଥ ମନ୍ଦିରକୁ ସୁରକ୍ଷା ଦେବା ପାଇଁ ପ୍ରାଣବଳି ଦେଇଥିବା ସାହସୀ ଯୋଦ୍ଧାମାନଙ୍କୁ ଶ୍ରଦ୍ଧାଞ୍ଜଳି ଜଣାଇବା ପାଇଁ ଏହି ଯାତ୍ରାର ଆୟୋଜନ କରାଯାଇଥିଲା । ଶୌର୍ଯ୍ୟ ଯାତ୍ରାରେ ୧୦୮ଟି ଘୋଡା ମଧ୍ୟ ସାମିଲ ହୋଇଥିଲେ । ଯାହାକୁ ସାହସ, ବୀରତ୍ୱ ଏବଂ ବଳିଦାନର ପ୍ରତୀକ ଭାବରେ ବିବେଚନା କରାଯାଏ ।

#WATCH | Gujarat | PM Narendra Modi offers prayers at Somnath Temple.

Source: DD pic.twitter.com/KV7CgXMupL

— ANI (@ANI) January 11, 2026

ଯାତ୍ରାରେ ଅଂଶଗ୍ରହଣ କରିବା ପରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମନାଥ ମନ୍ଦିରରେ ପୂଜାର୍ଚ୍ଚନା କରିଥିଲେ । ପ୍ରଧାନମନ୍ତ୍ରୀ ମୋଦୀ "ଶୌର୍ଯ୍ୟ ଯାତ୍ରା"ର ନେତୃତ୍ୱ ନେଇଥିଲେ । ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲ ଏବଂ ଉପମୁଖ୍ୟମନ୍ତ୍ରୀ ହର୍ଷ ସାଂଘଭି ମଧ୍ୟ ଉପସ୍ଥିତ ଥିଲେ । ଶୌର୍ଯ୍ୟ ଯାତ୍ରା ସାହସ, ତ୍ୟାଗ ଏବଂ ଶତାବ୍ଦୀର କଷ୍ଟ ସତ୍ତ୍ୱେ ସୋମନାଥକୁ ରକ୍ଷା କରିଥିବା ଅଦମ୍ୟ ଆତ୍ମାର ପ୍ରତୀକ । ଏହି ଯାତ୍ରାରେ ସାମିଲ ହୋଇଥିବା ଭକ୍ତଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଡମରୁ ବଜାଇ ଭକ୍ତ ଓ ଲୋକଙ୍କୁ ସ୍ବାଗତ କରିଥିଲେ ।

#WATCH | Gujarat | PM Narendra Modi pays floral tributes to the statue of Veer Hamirji Gohil, who sacrificed his life defending the Somnath Temple in 1299 A.D. from Zafar Khan's invasion.

Source: ANI/ DD pic.twitter.com/ax4Xoom98p

— ANI (@ANI) January 11, 2026

ପ୍ରଧାନମନ୍ତ୍ରୀ ଏହା ପରେ ସୋମନାଥ ମନ୍ଦିରରେ ଦର୍ଶନ ଏବଂ ପୂଜା କରିଥିଲେ । କାର୍ଯ୍ୟକ୍ରମର ଅଂଶ ଭାବରେ ସେ ଏକ ସାଧାରଣ ସଭାରେ ମଧ୍ୟ ଅଂଶଗ୍ରହଣ କରିବେ ଏବଂ ଏକ ସାଧାରଣ ସମାବେଶକୁ ସମ୍ବୋଧିତ କରିବେ । ତାଙ୍କ ଭାଷଣରେ ସେ ମନ୍ଦିର ଉପରେ ବିଦେଶୀ ଆକ୍ରମଣ, ସେହି ବୀରମାନଙ୍କ ବଳିଦାନ ଏବଂ ମନ୍ଦିର ପୁନଃନିର୍ମାଣରେ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ଐତିହାସିକ ଅବଦାନ ବିଷୟରେ ଉଲ୍ଲେଖ କରିପାରିପାରନ୍ତି । ଏହି ଉତ୍ସବ ଜାନୁଆରୀ ୮ ରୁ ୧୧ ତାରିଖ ପର୍ଯ୍ୟନ୍ତ ପାଳନ କରାଯାଉଛି ।

ଶୋଭା ଯାତ୍ରାରେ ଅଂଶଗ୍ରହଣ କରିବା ପରେ, ପ୍ରଧାନମନ୍ତ୍ରୀ ମୋଦି ବୀର ହମିରଜୀ ଗୋହିଲଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ । ଯିଏ ୧୨୯୯ ଖ୍ରୀଷ୍ଟାବ୍ଦରେ ଜାଫର ଖାନଙ୍କ ଆକ୍ରମଣରୁ ସୋମନାଥ ମନ୍ଦିରକୁ ରକ୍ଷା କରି ନିଜ ଜୀବନ ବଳିଦାନ ଦେଇଥିଲେ ।