ଅର୍ଗସ ବ୍ୟୁରୋ : ଆଜି ୧୯୬୨ ଫାର୍ମର୍ ଆପ୍ ଲଞ୍ଚ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଭାରତୀୟ ଚାଷୀଙ୍କ ତଥ୍ୟ ଯେଭଳି ସରକାରଙ୍କ ନିକଟରେ ସଠିକ ଭାବେ ଉପଲବ୍ଧ ହେବ ସେନେଇ ପ୍ରୟାସ କରିଛନ୍ତି ମୋଦି ସରକାର । ଭାରତୀୟ ପଶୁଧନ ଡାଟାବେସ୍ ଅଧିନରେ ଏହି ଆପ ପ୍ରସ୍ତୁତ ହୋଇଛି । ନ୍ୟାସନାଲ ଡିଜିଟାଲ ଲାଇଭ୍ ଷ୍ଟକ୍ ମିଶନ ଅଧିନରେ ଏହି ଡାଟାବେସ୍ ପ୍ରସ୍ତୁତ କରାଯାଇଛି । 

ତେବେ ଆଜି ପଶ୍ଚିମବଙ୍ଗ ଓ ବିହାରରେ ବିଭିନ୍ନ କାର୍ଯ୍ୟକ୍ରମରେ ସାମିଲ ହେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସକାଳ ୧୦ଟା ୩୦ରେ ପଶ୍ଚିମବଙ୍ଗର କୃଷ୍ଣା ନଗରରେ ୨୨ ହଜାର କୋଟି ଟଙ୍କାର ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଲୋକାର୍ପଣ ଓ ଶିଳାନ୍ୟାସ କରିବେ । ଏହା ପରେ ଦିନ ୧୧ଟା ୧୫ରେ ଏକ ଜନସଭାକୁ ସମ୍ବୋଧିତ କରିବେ । ପରେ ଅପରାହ୍ନରେ ବିହାର ଗସ୍ତରେ ଯିବେ ପିଏମ ମୋଦି । 

ଅଧିକ ପଢନ୍ତୁ ଭାରତ ଖବର 

ବିହାରର ଔରଙ୍ଗାବାଦରେ ୨୧ ହଜାର ୪୦୦ କୋଟି ମୂଲ୍ୟର ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଲୋକାର୍ପଣ ଓ ଶିଳାନ୍ୟାସ କରିବାର କାର୍ଯ୍ୟକ୍ରମ ରହିଛି । ସନ୍ଧ୍ୟାରେ ବିହାରର ବେଗୁସରାଏରେ ମଧ୍ୟ ୧୩ ହଜାର ୪ ଶହ କୋଟି ମୂଲ୍ୟର ବିଭିନ୍ନ ପ୍ରକଳ୍ପର ଶିନ୍ୟାସ କରିବେ ପିଏମ ମୋଦି । ଏହା ପରେ ୧୯୬୨ ଫାର୍ମର୍ ଆପ୍ ଲଞ୍ଚର କାର୍ଯ୍ୟକ୍ରମ ରହିଛି ।