ଅର୍ଗସ ବ୍ୟୁରୋ : ଲୋକସଭାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଭିଭାଷଣ । ରାଷ୍ଟ୍ରପତିଙ୍କ ଅଭିଭାଷଣର ଉତ୍ତର ରଖିଛନ୍ତି ପ୍ରଧାନମନ୍ତ୍ରୀ । ପ୍ରଧାନମନ୍ତ୍ରୀ କହିଛନ୍ତି, "ରାଷ୍ଟ୍ରପତି ଆମ ସମସ୍ତଙ୍କୁ ମାର୍ଗଦର୍ଶନ ଦେଇଛନ୍ତି । ରାଷ୍ଟ୍ରପତି ସଂସଦର ଗାରିମା ବୃଦ୍ଧି କରିଛନ୍ତି । ଗୃହରେ ଅନେକ ଗୁରୁତ୍ବପୂର୍ଣ୍ଣ ପ୍ରସଙ୍ଗ ଉଠାଇଛନ୍ତି । ଦେଶରେ ଏକ ସଫଳ ନିର୍ବାଚନ ଅନୁଷ୍ଠିତ ହୋଇଯାଇଛି । ଦେଶରେ ଜନତା ଆମକୁ ପୁଣିଥରେ ସୁଯୋଗ ଦେଇଛନ୍ତି । ଦଶର ୨୫ କୋଟି ଜନତା ଗରିବୀରୁ ମୁକ୍ତି ପାଇଛନ୍ତି । " ଜନତା ତୃତୀୟ ଥର ପାଇଁ ମୋଦି ସରକାର ବାଛିଥିବାରୁ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି ମୋଦି ।

ଅଧିକ ପଢନ୍ତୁ : ଆଜି ଲୋକସଭାରେ ଅଭିଭାଷଣ ରଖିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

ସେହିପରି ବିରୋଧୀ ଦଳଙ୍କ ଉପରେ ଖୁବ ବର୍ଷିଛନ୍ତି ପ୍ରଧାନମନ୍ତ୍ରୀ । ସେ କହିଛନ୍ତି, କିଛି ଲୋକଙ୍କ ପୀଡା ମୁଁ ବୁଝି ପାରୁଛି । ସେମାନଙ୍କର ପରାଜୟର ପୀଡା ମୁଁ ବୁଝିପାରୁଛି । ଦୁର୍ନୀତି ପ୍ରତି 'ଶୂନ୍ୟ ସହ୍ୟ' ନୀତି ରହିବ ବୋଲି ପ୍ରଥମରୁ କହିଥିଲି । "
ତେବେ ବିରୋଧୀଙ୍କ ଜୋରଦାର ହଙ୍ଗାମା ପରେ ବିରୋଧୀଙ୍କୁ ତାଗିଦ କରିଛନ୍ତି ବାଚସ୍ପତି । ବିରୋଧୀଙ୍କୁ ଗୃହର ମଧ୍ୟ ଭାଗକୁ ଆସିବାକୁ ଉସୁକାଇବା ନେଇ ତାଗିଦ କରିଛନ୍ତି ବାଚସ୍ପତି । ଏହା ବିରୋଧୀ ଦଳ ନେତାଙ୍କ ମର୍ଯ୍ୟାଦାକୁ ଶୋଭା ପାଉନି ବୋଲି କହିଛନ୍ତି ବାଚସ୍ପତି ।