E20 Ethanol Policy / E-20 ନୀତି ସମର୍ଥନରେ ଆସିଲେ ପଞ୍ଜାବ ଚାଷୀ; କହିଦେଲେ ମନର କଥା

Punjab Farmer on E20 Ethanol: E-20 ପେଟ୍ରୋଲ୍ ମିଶ୍ରଣକୁ ନେଇ ସାରା ଦେଶରେ ରାଜନୀତି ଜାରି ରହିଛି। ଆଉ ଏହା ମଧ୍ୟରେ E-20 ନୀତି ସମର୍ଥନରେ ଆସିଛନ୍ତି ପଞ୍ଜାବ ଚାଷୀ। ସେମାନେ ଏହି ନୀତିକୁ ସମର୍ଥନ ଜଣାଇଛନ୍ତି। ଇଥାନଲ୍ କାର୍ଯ୍ୟକ୍ରମରେ କୌଣସି ପ୍ରତିବନ୍ଧକ ଲଗାଇବାକୁ ସେମାନେ ବିରୋଧ କରୁଛନ୍ତି। ସେମାନଙ୍କର ଯୁକ୍ତି ହେଉଛି ଯେ ଏହି ନୀତି ସେମାନଙ୍କ ପାଇଁ ଆୟର ଏକ ଉତ୍ସ ପାଲଟିଛି। ଚାଷୀଙ୍କ ଯୁକ୍ତି ହେଉଛି ଯେ ଏହି ନୀତି ସେମାନଙ୍କୁ ଭଲ ମୂଲ୍ୟ ପ୍ରଦାନ କରି ମକା ଚାଷ କରିବାକୁ ଉତ୍ସାହିତ କରିଛି।

E-20 ନୀତି ସମର୍ଥନରେ ପଞ୍ଜାବ ଚାଷୀ
ଏହି ସମ୍ପୂର୍ଣ୍ଣ ପ୍ରସଙ୍ଗ ଆମ ଆଦମୀ ପାର୍ଟି (ଆପ୍) ପ୍ରତିଷ୍ଠାତା ଅରବିନ୍ଦ କେଜ୍ରିୱାଲଙ୍କ ଦ୍ୱାରା ହେଉଥିବା ଦାବି ସହ ଜଡ଼ିତ। କେନ୍ଦ୍ର ସରକାରଙ୍କ E-20 ଇଥାନଲ୍ ମିଶ୍ରଣ ନୀତି ବିରୋଧର ରହିଛି ଦଳ। ଏନେଇ କୁହାଯାଇଥିଲା ଯେ ଏହି ଇନ୍ଧନ ଦ୍ୱାରା ପୁରୁଣା ଗାଡ଼ିର ଇଞ୍ଜିନ୍ କ୍ଷତିଗ୍ରସ୍ତ ହୋଇପାରେ ଏବଂ ଏହାର ମାଇଲେଜ୍ ହ୍ରାସ କରିପାରେ। ଜନସାଧାରଣଙ୍କ ପାଖରେ ଏହାର ବିକଳ୍ପ ରହିବା ଆବଶ୍ୟକ। ହେଲେ ତଥାପି ଆପ୍ ଶାସିତ ପଞ୍ଜାବର ଆଖୁ ଏବଂ ମକା ଚାଷୀ E-20 ନୀତିକୁ ଖୋଲାଖୋଲି ସମର୍ଥନ କରିଛନ୍ତି। ଏନେଇ ସେମାନେ କହିଛନ୍ତି ଯେ ଇଥାନଲ୍ ନୀତି ସେମାନଙ୍କ ମକା ଏବଂ ଆଖୁର ଚାହିଦା ଏବଂ ମୂଲ୍ୟକୁ ଯଥେଷ୍ଟ ବୃଦ୍ଧି କରିଛି। ଯାହା ଧାନ ଚାଷର ବିକଳ୍ପ ଭାବରେ ସେମାନଙ୍କ ପାଇଁ ଆୟର ଏକ ପ୍ରମୁଖ ଉତ୍ସ ପାଲଟିଛି। E-20 ନୀତିକୁ ବିରୋଧ କରିବା ଦ୍ୱାରା ସେମାନଙ୍କ ଜୀବନ ଜୀବିକା ପ୍ରଭାବିତ ହୋଇପାରେ।

ଏହା ସହ ପଢନ୍ତୁ: ମହଙ୍ଗା ପଡ଼ିଲା ଗୁଜବ; ଇଥାନଲ୍ ପେଟ୍ରୋଲ ପାଇଁ ୪ ୟୁଟ୍ୟୁବରଙ୍କ ବିରୋଧରେ ମାମଲା ରୁଜୁ

ଚାଷୀଙ୍କ ପରେ ସମର୍ଥନରେ ଆସିଲା ପଞ୍ଜାବ କୃଷକ ସଙ୍ଗଠନ
ପଞ୍ଜାବର ମାଝା ଜୋନ୍ ଆର୍ଥିଆ ଆସୋସିଏସନ ସଭାପତି ନରେନ୍ଦ୍ର ଭେଲ, ଯିଏ ପେସାରେ ନିଜେ ଜଣେ ଚାଷୀ ସେ କହିଛନ୍ତି ଯେ E-20 କାର୍ଯ୍ୟକ୍ରମର ବିରୋଧ ଚାଷୀଙ୍କ ମଧ୍ୟରେ ଅନିଶ୍ଚିତତା ସୃଷ୍ଟି କରୁଛି। ଏହି ନୀତି ଚାଷୀଙ୍କୁ ଭଲ ମୂଲ୍ୟ ପ୍ରଦାନ କରି ମକା ଚାଷ କରିବାକୁ ଉତ୍ସାହିତ କରିଛି। ଏହା ବ୍ୟତୀତ, ଆକବରପୁରା ଗ୍ରାମର ଜଣେ ଚାଷୀ ଦିଦାର ସିଂହ କହିଛନ୍ତି ଯେ ଉନ୍ନତ ଆୟ ଯୋଗୁଁ ସେ ଧାନ-ଗହମ ଚାଷରୁ ଦୂରେଇ ଯାଇ ମକା ଚାଷ କରିବା ଆରମ୍ଭ କରିଛନ୍ତି। ଭୂର୍ଲି ଗାଁର ଜଗରୂପ ସିଂହ ଏବଂ ଚାଷୀ ଜଗଜିତ ସିଂହ ମଧ୍ୟ କହିଛନ୍ତି ଯେ ଇଥାନଲ୍ ମିଲ୍ ମକା କିଣିବା ପର ଠାରୁ ଏହାର ମୂଲ୍ୟରେ ଉନ୍ନତି ଆସିଛି। ଯାହା ଛୋଟ ଚାଷୀଙ୍କୁ ସେମାନଙ୍କ ପାରିବାରିକ ଖର୍ଚ୍ଚ ଉଠାଇବାରେ ଯଥେଷ୍ଟ ସାହାଯ୍ୟ କରୁଛି।

ଇଥାନଲ୍ ମିଶ୍ରଣ ଉପରେ ରାଜନୀତି
ସରକାର ଦାବି କରୁଛନ୍ତି ଯେ ଇଥାନଲ୍ ମିଶ୍ରଣ କାର୍ଯ୍ୟକ୍ରମ ଅଶୋଧିତ ତୈଳ ଆମଦାନି ହ୍ରାସ କରୁଛି, ପ୍ରଦୂଷଣ ହ୍ରାସ କରୁଛି ଏବଂ ଚାଷୀଙ୍କ ଉତ୍ପାଦ ପାଇଁ ଏକ ନୂତନ ବଜାର ସୃଷ୍ଟି କରୁଛି। ସରକାର ଏହା ମଧ୍ୟ ଦାବି କରୁଛନ୍ତି ଯେ E-20 ଇନ୍ଧନର ବ୍ୟାପକ ପରୀକ୍ଷଣ କରାଯାଇଛି ଏବଂ ଏହା ବହୁ ବର୍ଷ ଧରି ଦେଶବ୍ୟାପୀ ଲକ୍ଷ ଲକ୍ଷ ଯାନବାହନ ଦ୍ୱାରା ବ୍ୟବହୃତ ହୋଇଆସୁଛି। ପଞ୍ଜାବର କୃଷକ ସଙ୍ଗଠନ ରାଜ୍ୟ ସରକାରଙ୍କୁ ଏହି ପ୍ରସଙ୍ଗକୁ ରାଜନୀତିକରଣ କରିବା ବନ୍ଦ କରିବାକୁ ଏବଂ କୃଷକଙ୍କୁ ଲାଭଦାୟକ ଆୟ ପ୍ରଦାନ କରୁଥିବା କେନ୍ଦ୍ର ସରକାରଙ୍କ ଏହି ନୀତିକୁ ଜାରି ରଖିବାକୁ ନିବେଦନ କରିଛି।