ପଞ୍ଜାବରେ ମହିଳା ସଶକ୍ତିକରଣର ଏକ ଉଦାହରଣ ଦେଖିବାକୁ ମିଳିଛି। ଖଣ୍ଡା ଧରି ଛିନତାଇ ଉଦ୍ୟମ କରୁଥିବାବେଳେ ଦୁଇ ଜଣ ମହିଳା ଟିକେ ବି ବ୍ୟସ୍ତ ବିବ୍ରତ ହୋଇ ନ ଥିଲେ। ଆଉ ୨ ଦୁର୍ବୃତ୍ତଙ୍କୁ ସାମ୍ନା କରି ପାନେ ଦେଇଥିଲେ। ସମ୍ପୃକ୍ତ ୨ ଅଭିଯୁକ୍ତ ଛିନତାଇ କରିବାରେ ବିଫଳ ହୋଇଥିଲେ।
ପଞ୍ଜାବର ଲୁଧିଆନାରେ ଦୁଇଜଣ ମହିଳା ଏକ ଛିନତାଇ ପ୍ରୟାସକୁ ବିଫଳ କରି ବାଇକରେ ଥିବା ଆକ୍ରମଣକାରୀଙ୍କୁ ଘଉଡାଇ ଦେଇଛନ୍ତି। ସିସିଟିଭିରେ କଏଦ ହୋଇଥିବା ଏହି ଘଟଣାରୁ ଜଣାପଡିଛି ଯେ ମହିଳାମାନେ ଧାରୁଆ ଅସ୍ତ୍ର ଧରି ଡକାୟତଙ୍କ ସହ ମୁକାବିଲା କରୁଛନ୍ତି ଏବଂ ସେମାନଙ୍କର ମୂଲ୍ୟବାନ ଜିନିଷପତ୍ର ଲୁଟ ହେବାରୁ ବଞ୍ଚାଇଦେଉଛନ୍ତି।

ଏହାସହ ପଢ଼ନ୍ତୁ: ସହିପାରୁ ନ ଥିଲେ ଆଉ କାହାର ସୁନ୍ଦର ଚେହେରା: ନିଜ ଛୁଆ ସହ ୪ଜଣଙ୍କୁ ପାଣିରେ ବୁଡ଼ାଇ ମାରିଦେଲେ

ଶୁକ୍ରବାର ସନ୍ଧ୍ୟା ପ୍ରାୟ ସାଢ଼େ ୬ଟାରେ ଦୁଇଜଣ ମହିଳା ଏକ ଆକ୍ଟିଭା ଚଳାଉଥିବା ବେଳେ ପାଖ ବାଇକରେ ଦୁଇଜଣ ପୁରୁଷ ସେମାନଙ୍କୁ ଘେରିଯାଇଥିଲେ। ପଛପଟୁ ବସିଥିବା ବ୍ୟକ୍ତି ଜଣକ ମହିଳା ଡ୍ରାଇଭରଙ୍କ ବ୍ୟାଗ ଛଡ଼ାଇ ନେବାକୁ ଚେଷ୍ଟା କରିଥିଲେ। ମହିଳା ଭାରସାମ୍ୟ ହରାଇ ସ୍କୁଟରରୁ ଓହ୍ଲାଇ ପଡ଼ିଲେ କିନ୍ତୁ ତାଙ୍କ ବ୍ୟାଗକୁ ବଞ୍ଚାଇବାରେ ସଫଳ ହେଲେ।

ସିସିଟିଭି ଫୁଟେଜ୍ ଅନୁଯାୟୀ, ମହିଳା ଜଣକ ଏକ କ୍ରସବଡି ବ୍ୟାଗ ଧରିଥିଲେ। ଡକାୟତ ବ୍ୟାଗର ଫିତା ଟାଣିବା ସମୟରେ, ସେ ବ୍ୟାଗଟିକୁ ଧରିପାରିଲେ ନାହିଁ କାରଣ ଏହା ଗୋଟିଏ ପାର୍ଶ୍ୱରୁ ଅଲଗା ହୋଇଯାଇଥିଲା।

ଏଥିସହ ପଢ଼ନ୍ତୁ: ବହରାଇଚ ସାମ୍ପ୍ରଦାୟିକ ହିଂସା: ରାମଗୋପାଳ ମିଶ୍ର ହତ୍ୟାକାଣ୍ଡ ମାମଲାର ମୁଖ୍ୟ ଅଭିଯୁକ୍ତ ସରଫରାଜଙ୍କୁ ଫାଶୀ ଦଣ୍ଡ

ଏତିକିବେଳେ ପଛପଟୁ ବସିଥିବା ବ୍ୟକ୍ତି ବାଇକରୁ ଓହ୍ଲାଇ ଏକ ଖଣ୍ଡା ବାହାର କରି ମହିଳାମାନଙ୍କୁ ଆକ୍ରମଣ କରିବାକୁ ଧମକ ଦେଇଥିଲେ। ତଥାପି, ମହିଳା ଡ୍ରାଇଭର ଜଣକ ସ୍କୁଟର ଛାଡି ଦୌଡ଼ି ପଳାଇବାକୁ ଚେଷ୍ଟା କରିଥିଲେ। ଅନ୍ୟ ଜଣେ ମହିଳା ନିଜକୁ ରକ୍ଷା କରିବାକୁ ଚେଷ୍ଟା କରିଥିଲେ ଆଉ ସଫଳ ହୋଇଥିଲେ। ଦୁର୍ବୃତ୍ତ ମାନେ ଭାବିଲେ ମହିଳା ମାନେ ବହୁତ ଶକ୍ତିଶାଳୀ ଅଛନ୍ତି ସେଥିପାଇଁ ୨ ଦୁର୍ବୃତ୍ତ ବାଇକରେ ଗୋଟିଏ ମିନିଟ୍ ମଧ୍ୟରେ ଉକ୍ତ ସ୍ଥାନରୁ ଚମ୍ପଟ ମାରିଥିଲେ।

ସନ୍ଦିଗ୍ଧଙ୍କୁ ଠାବ କରିବା ପାଇଁ ପୋଲିସ ସିସିଟିଭି ଫୁଟେଜ୍ ଯାଞ୍ଚ କରୁଛି ଏବଂ ସେମାନଙ୍କୁ ଗିରଫ କରିବା ପାଇଁ ଯେକୌଣସି ସୂଚନା ପାଇଁ ଜନସାଧାରଣଙ୍କୁ ନିବେଦନ କରିଛି। ତେବେ ଏପର୍ଯ୍ୟନ୍ତ କୌଣସି ଲିଖିତ ଅଭିଯୋଗ ଦାଖଲ ହୋଇନାହିଁ, କିନ୍ତୁ ପୋଲିସ ଘଟଣାର ତଦନ୍ତ କରୁଛି।