ଦିନେ ପୋଲିସ୍‌କୁ ଦେଇଥିଲା ଖୋଲା ଚ୍ୟାଲେଞ୍ଜ । 'IPS ଅଜୟ ପାଲ୍‌ ଶର୍ମା ସିଂଘମ ହେଲେ ମୁଁ ପୁଷ୍ପା' ବୋଲି କହି ପୋଲିସ୍‌କୁ ଖୋଲାଖୋଲି ଭାବେ ଧମକ ଦେଇଥିଲା ଟିଏମ୍‌ସି ନେତା ଜାହାଙ୍ଗୀର ଖାନ୍‌ । କିନ୍ତୁ ପଶ୍ଚିମବଙ୍ଗରେ ବିଜେପି ସରକାର ଆସିବା ପରଠୁ ମମତାଙ୍କ ସେହି ପୁଷ୍ପାର ଦବଙ୍ଗଗିରି ଭାଙ୍ଗିପଡ଼ିଛି । ନେପାଳ ସୀମାରୁ ଗିରଫ ହେବା ପରେ ଫାଲଟାର ରାଜରାସ୍ତାରେ ଜାହାଙ୍ଗୀର ଖାନ୍‌ଙ୍କୁ ହାଫ୍‌ ପ୍ୟାଣ୍ଟ ପିନ୍ଧାଇ ପରେଡ୍‌ କରିଛି ପୋଲିସ୍‌ । ଯାହାର ଭିଡିଓ ଏବେ ସୋସିଆଲ ମିଡିଆରେ ବେଶ୍‌ ଭାଇରାଲ ହେବାରେ ଲାଗିଛି ।

ପଶ୍ଚିମବଙ୍ଗର ଫାଲଟାରେ ଟିଏମସି ପ୍ରାର୍ଥୀ ଜାହାଙ୍ଗୀର ଖାନଙ୍କୁ ହାଫ୍ ପ୍ୟାଣ୍ଟ ପିନ୍ଧି ପରେଡ୍ କରାଇଛି । ଗତ ମାସରେ ଅନୁଷ୍ଠିତ ହୋଇଥିବା ଫାଲଟାରେ ଉପ-ନିର୍ବାଚନ ଟିଏମ୍‌ସିରୁ ପ୍ରାର୍ଥୀ ହୋଇଥିଲା ଜାହାଙ୍ଗୀର ଖାନ୍‌ । କିନ୍ତୁ ଭୋଟ୍‌ର ଦୁଇ ଦିନ ପୂର୍ବରୁ ନିର୍ବାଚନରୁ ଓହରି ଯାଇଥିଲା ମମତାଙ୍କ ପୁଷ୍ପା । ଆଉ ସେହିଦିନଠୁ ହିଁ ସେ ଫେରାର ରହିଥିଲା । କିନ୍ତୁ ସ୍ପେଶାଲ ଟାସ୍କ ଫୋର୍ସ ଜାହାଙ୍ଗୀର ଖାନ୍‌ଙ୍କୁ ନେପାଳ ସୀମାରୁ ଗିରଫ କରିଥିଲା । ଜାହାଙ୍ଗୀରଙ୍କ ବିରୁଦ୍ଧରେ ଅନେକ FIR ରୁଜୁ କରାଯାଇଥିଲା । ଯେଉଁଥିରେ ଦକ୍ଷିଣ ୨୪ ପ୍ରଗଣା ନିର୍ବାଚନମଣ୍ଡଳୀରେ ବିଜେପିର ନିର୍ବାଚନ ଚିହ୍ନକୁ ଟେପ୍ ଦ୍ୱାରା ଘୋଡ଼ାଇ ଇଭିଏମ୍ ସହିତ ହେରଫେର କରିବା ଅଭିଯୋଗ ମଧ୍ୟ ସାମିଲ ଥିଲା । ଆଉ ଏବେ ଗିରଫ କରିବା ପରେ ଫାଲଟାରେ ହାଫ୍ ପ୍ୟାଣ୍ଟ ପିନ୍ଧାଇ ଜାହାଙ୍ଗୀର ଖାନଙ୍କୁ ପରେଡ୍‌ କରିଛି ପୋଲିସ୍ ।

Falta, West Bengal: Police escorted controversial local figure Jahangir Khan on foot through the Sahararhat area as part of an ongoing investigation. Dressed in shorts, Jahangir Khan was taken around the locality while investigators carried out inquiry-related procedures.… pic.twitter.com/031Ki9ZZNN

— IANS (@ians_india) June 11, 2026

ଅନେକ ଅନିୟମିତତା ଏବଂ ଅଭିଯୋଗ ଯୋଗୁଁ ନିର୍ବାଚନ କମିଶନ ବିଧାନସଭା ନିର୍ବାଚନ ଫଳାଫଳର ମାତ୍ର ଦୁଇ ଦିନ ପୂର୍ବରୁ ଫାଲଟା ବିଧାନସଭା କ୍ଷେତ୍ରରେ ପୁନଃନିର୍ବାଚନ ପାଇଁ ନିର୍ଦ୍ଦେଶ ଦେଇଥିଲେ। ବଙ୍ଗଳାର ୨୯୩ ଆସନର ଫଳାଫଳ ମେ' ୪ ରେ ଘୋଷଣା କରାଯାଇଥିବା ବେଳେ ନିର୍ବାଚନ କମିଶନ "ଗମ୍ଭୀର ନିର୍ବାଚନ ଅପରାଧ ଏବଂ ଗଣତାନ୍ତ୍ରିକ ପ୍ରକ୍ରିୟାକୁ ନଷ୍ଟ କରିବା" ଅଭିଯୋଗରେ ଫାଲଟା ବିଧାନସଭା କ୍ଷେତ୍ରରେ ଭୋଟ୍ ବାତିଲ କରିଥିଲେ ।

ପୋଲିସ ପର୍ଯ୍ୟବେକ୍ଷକ ଅଜୟ ପାଲ ଶର୍ମାଙ୍କୁ ଚ୍ୟାଲେଞ୍ଜ କରିବା ପାଇଁ 'ପୁଷ୍ପା' ନାମ ଗ୍ରହଣ କରିଥିବା ଜାହାଙ୍ଗୀରଙ୍କୁ ଏହି ଅଭିଯୋଗରେ ନେପାଳ ସୀମା ନିକଟରୁ ବେଙ୍ଗଲ ସ୍ପେଶାଲ୍ ଟାସ୍କ ଫୋର୍ସ (STF) ଗିରଫ କରିଥିଲା । ପୂର୍ବରୁ ସେ କିଛି ସପ୍ତାହ ପାଇଁ ପଳାତକ ଥିବା ରିପୋର୍ଟ କରାଯାଇଥିଲା ।

ନିର୍ବାଚନ ପୂର୍ବରୁ, ଯେତେବେଳେ ଅଜୟ ପାଲ ଶର୍ମା ଜାହାଙ୍ଗୀର ଖାନଙ୍କ ଘରକୁ ଯାଇ ତାଙ୍କ ପରିବାରକୁ ନିର୍ବାଚନ ଦିନ ଭୋଟରମାନଙ୍କୁ ଭୟଭୀତ ନ କରିବାକୁ ଚେତାବନୀ ଦେଇଥିଲେ, ଜାହାଙ୍ଗୀର ଖାନ ଜବାବ ଦେଇଥିଲେ, "ଯଦି ସେ ସିଂଘମ, ତେବେ ମୁଁ ପୁଷ୍ପା ।"

ଜାହାଙ୍ଗୀରଙ୍କ ବିରୋଧରେ ଫାଲଟା ପୋଲିସ ଷ୍ଟେସନରେ ପ୍ରାୟ ସାତଟି ଏଫଆଇଆର ରୁଜୁ ହୋଇଛି। କଲିକତା ହାଇକୋର୍ଟ ତୃଣମୂଳ କଂଗ୍ରେସ ନେତାଙ୍କୁ ଦିଆଯାଇଥିବା ଗିରଫଦାରୀରୁ ମଧ୍ୟବର୍ତ୍ତୀକାଳୀନ ସୁରକ୍ଷା ପ୍ରତ୍ୟାହାର କରିବା ପରେ ଜାହାଙ୍ଗୀର ଖାନଙ୍କୁ ଗିରଫ କରାଯାଇଥିଲା ।