ଅର୍ଗସ ବ୍ୟୁରୋ : ଭାରତୀୟ ସି‌ନେମା ଜଗତର ଦୁଇ ସୁପଷ୍ଟାର । ୩୨ ବର୍ଷ ପରେ ପୁଣି ବଡ଼ ପରଦାରେ କରିବେ ଧମାଲ । ଉଭୟ ଗୋଟିଏ ଚଳଚ୍ଚିତ୍ରରେ କରିବେ ଅଭିନୟ । ସେ ଆଉ କେହି ନୁହନ୍ତି ସେ ହେଉଛନ୍ତି ଭାରତୀୟ ଚଳଚ୍ଚିତ୍ର ଜଗତର ଦୁଇ ସୁପରଷ୍ଟାର ଅମିତାଭ ବଚ୍ଚନ ଏବଂ ରଜନୀକାନ୍ତ । ଦୁଇ ମହାନାୟକ ଏକାଠି ନଜର ଆସିବେ ‘ଥଲାଇବର ୧୭୦’ । ଯାହାର ମଧ୍ୟ ପୋଷ୍ଟର ରିଲିଜ ହୋଇଯାଇଛି । ଦୁଇ ଅଭିନେତାଙ୍କ ବ୍ୟତୀତ ଏଥିରେ ତେଲୁଗୁ ଷ୍ଟାର ରାଣା ଡଗୁବତୀ ଏବଂ ମାଲାୟଲାମ ଷ୍ଟାର ଫହାଦ ଫାସିଲଙ୍କୁ ମଧ୍ୟ ଦେଖିବାକୁ ପାଇବେ ଦର୍ଶକ ।

ଅମିତାଭ୍‌ ଏବଂ ରଜନୀକାନ୍ତଙ୍କୁ ପୂର୍ବରୁ ୧୯୯୧ରେ ହିନ୍ଦୀ ସିନେମା ‘ହମ୍‌’ରେ ଏକାଠି ନଜର ଆସିଥିଲେ । ଏହା ପୂର୍ବରୁ ୧୯୮୩ ମସିହାର ହିନ୍ଦୀ ଛବି ‘ଅନ୍ଧା କାନୁନ୍’ରେ ମଧ୍ୟ ରଜନୀକାନ୍ତ ଓ ଅମିତାଭ ଅଭିନୟ କରିଥିଲେ । ତେବେ ଦୁଇ ଅଭିନେତା ପରସ୍ପରର ପ୍ରଶଂସକ ରହି ଆସିଛନ୍ତି । ‘ଥଲାଇବର ୧୭୦’ ସିନେମା ପାଇଁ ଅମିତାଭ ବଚ୍ଚନଙ୍କ ଫଟୋ କଳାଧଳାରେ ଆସିଛି । ସେଥିରେ ଲେଖାଯାଇଛି ‘ଥଲାଇବର ୧୭୦ ଟିମ୍‌’ ।

ଲାଇକା ପ୍ରଡକସନ୍ସ ଏଥିରେ ଲେଖିଛି ଭାରତୀୟ ସିନେମାର ‌ଶାହନଶାହ ଅମିତାଭ ବଚ୍ଚନଙ୍କୁ ‘ଥଲାଇବର ୧୭୦’କୁ ସ୍ବାଗତ । ଅମିତାଭ ଅଭିନୟ କରିବା ଫଳରେ ସିନେମା ନୂଆ ଉଚ୍ଚତାରେ ପହଞ୍ଚିବ ବୋଲି କୁହାଯାଇଛି । ସେହିଭଳି ଫହଦଙ୍କ ପୋଷ୍ଟର ରିଲିଜ କରିବାକୁ ଯାଇ ଲେଖାଯାଇଛି ବହୁତ ଟ୍ୟାଲେଣ୍ଟେଡ ଏବଂ ଭର୍ସାଟାଇଲ ଅଭିନେତା ଫହଦ ଫାସିଲଙ୍କୁ ମଧ୍ୟ ସ୍ବାଗତ । ରାଣା ଡଗୁବାତୀଙ୍କ ଫଟୋରେ ଲେଖାଯାଇଛି ଡେପର ଏବଂ ସୁପରକୁଲ୍ ଟ୍ୟାଲେଣ୍ଟେଡ ରାଣା ଡଗୁବାତୀଙ୍କୁ ୱେଲକମ୍‌ ।

ଏହି ଚଳଚ୍ଚିତ୍ରର ସଂଗୀତ ରଚନା କରିବେ ଅନିରୁଦ୍ଧ ରବିଚନ୍ଦତ । ଏହି ଚଳଚ୍ଚିତ୍ରରେ ରିତିକା ସିଂ, ମଞ୍ଜୁ ୱାରିଅର୍ ଏବଂ ଦୁଶାରା ବିଜୟ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ । ରଜନୀକାନ୍ତଙ୍କୁ ନିକଟରେ ଜେଲରରେ ଦେଖିବାକୁ ମିଳିଥିଲା । ଯାହା ବକ୍ସ ଅଫିସରେ ସଫଳ ହୋଇଥିଲା ।

Argus News | argus news | Odisha Latest News, Breaking News, Trending News, Live TV