Rajnath Slams Congress / ଭୋଟ ଚୋରି ଅଭିଯୋଗ ନେଇ କଂଗ୍ରେସକୁ କଟାକ୍ଷ କଲେ ରାଜନାଥ ସିଂ

ଲକ୍ଷ୍ନୋ,୧୬/୧୦: ଭୋଟ ଚୋରି ଅଭିଯୋଗ ନେଇ କଂଗ୍ରେସକୁ କଟାକ୍ଷ କଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ। ଭୋଟ ଚୋରି ନାଁରେ ଦେଶରେ ତମାସା କରୁଛନ୍ତି ରାହୁଲ ଗାନ୍ଧୀ । ଯୁବପିଢିଙ୍କୁ ରାଜନୀତିର ମୋହରା କରାଯାଉଛି । ବାଲାଂଦେଶ ପରି ଭାରତରେ ଅରାଜକତା ସୃଷ୍ଟି କରିବାକୁ ଉଦ୍ୟମ ହେଉଛି । ଦିନକୁ ଦିନ ଦେଶରେ ସତ୍ତା ହରାଉଛି କଂଗ୍ରେସ । ଲକ୍ଷ୍ନୌରେ ଏକ ସାମ୍ବାଦିକ ସମ୍ମିଳନୀରେ ରାଜନାଥ ସିଂହ କହିଛନ୍ତି ଯେ ରାହୁଲ ବାଂଲାଦେଶ ପରି ଶାସନ ପରିବର୍ତ୍ତନ ପାଇଁ ଚାହୁଁଛନ୍ତି। ତାଙ୍କର ଏକମାତ୍ର ଏଜେଣ୍ଡା ହେଉଛି ଗଣତାନ୍ତ୍ରିକ ପ୍ରତିଷ୍ଠାନଗୁଡ଼ିକୁ ନଷ୍ଟ କରିବା ଏବଂ ଦେଶରେ ନିଆଁ ଲଗାଇବା।

ଏହା ନିର୍ବାଚନ ସଂସ୍କାର ପାଇଁ ଲଢ଼େଇ ନୁହେଁ। ଏହା SIR ପାଇଁ ଲଢ଼େଇ ନୁହେଁ। ଏହା ଜ୍ଞାନେଶ କୁମାରଙ୍କ ପାଇଁ ଲଢ଼େଇ ନୁହେଁ। ଏହା ଯୁବପିଢ଼ିଙ୍କ ଉଜ୍ଜ୍ୱଳ ଭବିଷ୍ୟତ ପାଇଁ ନୁହେଁ। ବରଂ, ଏହା ଦେଶରେ ଅରାଜକତା ସୃଷ୍ଟି କରି କ୍ଷମତା ହାସଲ କରିବାର ଏକ ହୀନ ଉଦ୍ୟମ।

ପଢନ୍ତୁ ଏହି ଖବର: ଅନ୍ୟ ଧର୍ମ ଗ୍ରହଣ କରିଥିବା ବ୍ୟକ୍ତି ପଛୁଆ ବର୍ଗ ସଂରକ୍ଷଣ ପାଇବାକୁ ଯୋଗ୍ୟ ନୁହଁନ୍ତି

ତିନୋଟି ଅକ୍ଷମଣୀୟ ଅପରାଧ କରିଛି କଂଗ୍ରେସ

ରାଜନାଥ ସିଂହ କହିଛନ୍ତି, ଯେ କଂଗ୍ରେସ ଶାସନରେ ତିନୋଟି ବଡ଼ ଅକ୍ଷମଣୀୟ ଅପରାଧ କରାଯାଇଥିଲା। ୧୯୭୫ରେ ଇନ୍ଦିରା ଗାନ୍ଧୀଙ୍କ ଦ୍ୱାରା ଲାଗୁ ହୋଇଥିବା ଜରୁରୀକାଳୀନ ପରିସ୍ଥିତି, ଦ୍ୱିତୀୟ ଅକ୍ଷମଣୀୟ ଅପରାଧ ଥିଲା ୧୯୮୪ରେ କଂଗ୍ରେସ ଦଳର ପୃଷ୍ଠପୋଷକତାରେ ଶିଖ ଭାଇଭଉଣୀଙ୍କ ନରସଂହାର, ଏବଂ ତୃତୀୟ ଅକ୍ଷମଣୀୟ ଅପରାଧ ଥିଲା ୧୯୯୦ରେ ରାମ-ଭକ୍ତ କରସେବକଙ୍କ ରକ୍ତପାତ କରିଥିବା ଲୋକଙ୍କୁ ସମର୍ଥନ କରି ସେମାନଙ୍କ ସରକାରକୁ ବଞ୍ଚାଇବା।

ଇତିହାସକୁ ମନେ ପକାଇଲେ ରାଜନାଥ

୧୯୯୩ ମସିହାରେ କଂଗ୍ରେସ ସରକାର ହଠାତ୍ ନିର୍ବାଚନ କମିଶନରେ ଅଦଳବଦଳ କରିଥିଲେ। ରାତାରାତି ସେମାନେ ଦୁଇଜଣ ନୂତନ ନିର୍ବାଚନ କମିଶନରଙ୍କୁ ନିଯୁକ୍ତ କରିଥିଲେ। ସେ ଅଭିଯୋଗ କରିଥିଲେ ଯେ ଚାୱଲା କଂଗ୍ରେସ ନେତାମାନଙ୍କ ସହିତ ସମ୍ବେଦନଶୀଳ ନିର୍ବାଚନ କମିଶନର ସୂଚନା ସେୟାର କରିଥିଲେ।  ଯେତେବେଳେ ମୁଖ୍ୟ ନିର୍ବାଚନ କମିଶନର ଏନ. ଗୋପାଳସ୍ୱାମୀ ରାଷ୍ଟ୍ରପତିଙ୍କୁ ଚିଠି ଲେଖି ନିର୍ବାଚନ କମିଶନର ସଦସ୍ୟ ନବୀନ ଚାୱଲାଙ୍କୁ ବହିଷ୍କାର କରିବାକୁ ସୁପାରିଶ କରିଥିଲେ। କିନ୍ତୁ କଂଗ୍ରେସ କେବଳ ଚାୱଲାଙ୍କୁ ସୁରକ୍ଷା ଦେଇନଥିଲା, ବରଂ ତାଙ୍କୁ ମୁଖ୍ୟ ନିର୍ବାଚନ କମିଶନର ମଧ୍ୟ ନିଯୁକ୍ତ କରିଥିଲା ବୋଲି ଅଭିଯୋଗ କରିଛନ୍ତି  ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ।