Argus News - କାହିଁକି ରାଘବ ଚଡ୍ଡାଙ୍କୁ ରାଜ୍ୟସଭା ଉପନେତା ପଦରୁ ହଟାଇଲା AAP; କହିଲା କାରଣ

ଆମ ଆଦମୀ ପାର୍ଟି ବରିଷ୍ଠ ରାଜନେତା ରାଘବ ଚଡ୍ଡାଙ୍କୁ ରାଜ୍ୟସଭାର ଉପନେତା ପଦରୁ ହଟାଇ ଦେଇଛି । ରାଜ୍ୟସଭାରେ ରାଘବ ୨୦୨୩ରୁ ଆପ୍‌ର ଉପନେତା ଭାବେ କାମ କରୁଥିବାବେଳେ ଦଳ ତାଙ୍କୁ ହଠାତ୍‌ ଉପନେତା ପଦରୁ ହଟାଇ ଦିଆଯିବାକୁ ନେଇ ବେଶ ଚର୍ଚ୍ଚା ହେଉଥିଲା । ଏବେ ଦଳ ଏହି ଚର୍ଚ୍ଚା ଉପରେ ପ୍ରତିକ୍ରିୟା ରଖି ରାଘବଙ୍କୁ ଟାର୍ଗେଟ କରିଛି । ରାଘବ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଡରୁଛନ୍ତି ଓ ତାଙ୍କ ବିରୁଦ୍ଧରେ କହିବାକୁ ମିଳୁଥିବା ସମୟକୁ ସିଙ୍ଗଡ଼ା ଶସ୍ତା କରିବା ଉପରେ ବ୍ୟୟ କରୁଛନ୍ତି । ସେପଟେ ରାଘବ ମଧ୍ୟ ପ୍ରତିକ୍ରିୟା ରଖିଛନ୍ତି । ସେ ନୀରବ ଅଛନ୍ତି, ହେଲେ ହାରିଯାଇନାହାନ୍ତି ବୋଲି କହିଛନ୍ତି ।

• କଣ କହିଲା ଆପ୍ ?

ଆମ୍ ଆଦମି ପାର୍ଟିର ଜାତୀୟ ମିଡିଆ ପ୍ରଭାରୀ ଅନୁରାଗ ଢାଣ୍ଡା ରାଘବ ଚଡ୍ଡାଙ୍କ ଉପରେ ଅନେକ ଅଭିଯୋଗ ଆଣିଛନ୍ତି । ରାଘବ ମୁଖ୍ୟ ପ୍ରସଙ୍ଗରୁ ହଟି ସାଧାରଣ ପ୍ରସଙ୍ଗ ଉପରେ ଧ୍ୟାନ ଦେଉଛନ୍ତି । ସେ ଆଉ ଅରବିନ୍ଦ କେଜ୍ରିୱାଲଙ୍କ ସିପାହୀ ନାହାନ୍ତି ବୋଲି ମଧ୍ୟ କହିଛନ୍ତି । ଏ ନେଇ ଅନୁରାଗ କହିଛନ୍ତି, "ଆମେ ସମସ୍ତେ କେଜ୍ରିୱାଲଙ୍କ ସିପାହୀ । ଆମର ପ୍ରଥମ ପରିଚୟ ହେଉଛି ନିର୍ଭୟତା । ଯଦି କେହି ମୋଦିଙ୍କୁ ଡରୁଛି ତେବେ କିପରି ଦେଶ ପାଇଁ ଲଢିବ ? ସଂସଦରେ ଦେଶର ସମସ୍ୟା ଉଠାଇବା ଲାଗି କିଛି ସମୟ ମିଳିଥାଏ, ସେଥିରେ ମୁଖ୍ୟ ପ୍ରସଙ୍ଗ ଉଠାଇବା ଆବଶ୍ୟକ ।"

हम केजरीवाल के सिपाही हैं। निडरता पहली पहचान है हमारी।

कोई मोदी से डर जाए तो लड़ेगा क्या देश के लिए?

संसद में थोड़ा सा समय मिलता है बोलने का पार्टी को, उसमें या तो देश बचाने का संघर्ष कर सकते हैं या एयरपोर्ट कैंटीन में समोसे सस्ते करवाने का।

गुजरात में हमारे सैंकड़ों…

— Anurag Dhanda (@anuragdhanda) April 3, 2026

ପଢନ୍ତୁ ଏହି ଖବର: ଆପ୍‌ରେ ବଢିଲା ବିବାଦ....ଦଳ ଉପରେ ବର୍ଷିଲେ ରାଘବ ଚଡ୍ଡା..."ଲୋକଙ୍କ ପାଇଁ ସ୍ବର ଉଠାଇବା କଣ ଅପରାଧ"

ସେ ଆହୁରି କହିଛନ୍ତି, "ଗୁଜୁରାଟରେ ଆମର ଅନେକ କାର୍ଯ୍ୟକର୍ତ୍ତାଙ୍କୁ ପୋଲିସ ଗିରଫ କରିଛି, ଏ ସମ୍ପର୍କରେ ସଂସଦରେ ସାଂସଦ କିଛି କହିଛନ୍ତି କି ? ପଶ୍ଚିମବଙ୍ଗରେ ଭୋଟ ଅଧିକାରକୁ ଛଡ଼ାଇ ନିଆଯାଉଛି, ହେଲେ ସାଂସଦ ଏହା ଉପରେ କିଛି କହୁନାହାନ୍ତି । ଯେତେବେଳେ ସଂସଦରେ CEC ବିରୋଧରେ ପ୍ରସ୍ତାବ ଆସିଥିଲା, ସେତେବେଳେ ସାଂସଦ ରାଘବ ଚଡ୍ଡା ହସ୍ତାକ୍ଷର କରିବାକୁ ମନା କରିଦେଇଥିଲେ ।"

• 'ମୋଦିଙ୍କୁ ଡରିଯାଇଛନ୍ତି ରାଘବ ଚଡ୍ଡା'

ଆପ୍ ରାଘବ ଚଡ୍ଡାଙ୍କ ବିରୁଦ୍ଧରେ ବଡ଼ ଅଭିଯୋଗ ଆଣିଛି । 'ରାଘବ ମୋଦିଙ୍କୁ ଡରିଯାଇଛନ୍ତି । ମୋଦିଙ୍କ ବିରୁଦ୍ଧରେ ସଂସଦରେ କହିବାକୁ ଡରୁଛନ୍ତି । ଦେଶର ପ୍ରମୁଖ ପ୍ରସଙ୍ଗ ଉପରେ ସଂସଦରେ କହିବାକୁ ଡରୁଛନ୍ତି ' ବୋଲି ଆପ୍ କହିଛି । ତେବେ ଏହା ଉପରେ ଆସିଛି ରାଘବ ଚଡ୍ଡାଙ୍କ ପ୍ରତିକ୍ରିୟା । ସେ ଏକ୍ସରେ ଏକ ପୋଷ୍ଟ କରି କହିଛନ୍ତି, "ଯେତେବେଳେ ମୋତେ ସୁଯୋଗ ମିଳେ, ସେତେବେଳେ ମୁଁ ଅଣଦେଖା କରାଯାଉଥିବା ପ୍ରସଙ୍ଗକୁ ସାମ୍ନାକୁ ଆଣେ । ତେବେ କଣ ସାଧାରଣ ଜନତାଙ୍କ ସମସ୍ୟା ଉପରେ କହିବା ଅପରାଧ ? ମୁଁ କଣ କେଉଁ ଅପରାଧ କରିଛି ?" ବୋଲି ସେ ପ୍ରଶ୍ନ କରିଛନ୍ତି । ଏହାସହିତ ପୂର୍ବପରି ଜନତାଙ୍କ ସମର୍ଥନ ଲୋଡିଛନ୍ତି ।

Silenced, not defeated

My message to the ‘aam aadmi’
—
खामोश करवाया गया हूँ, हारा नहीं हूँ

'आम आदमी’ को मेरे संदेश pic.twitter.com/poUwxsu0S3

— Raghav Chadha (@raghav_chadha) April 3, 2026