ଅର୍ଗସ ବ୍ୟୁରୋ : ପେଟିଏମକୁ ଲାଗିଲା ବଡ଼ ଝଟକା । କଟକଣା ଲଗାଇଲା ଆରବିଆଇ । ଯାହା ଫଳରେ ପେଟିଏମରେ ଆଉ ଯୋଡ଼ି ହୋଇ ପାରିବେନି ନୂଆ ଗ୍ରାହକ । ଫେବ୍ରୁଆରୀ ୨୯ ପରଠୁ ପେଟିଏମ୍‌ରେ ହୋଇପାରିବନି ନେଣଦେଣ । ତେବେ ପେଟିଏମ୍‌ରେ ଥିବା ଟଙ୍କା ସରିବା ଯାଏଁ ବ୍ୟବହାର ହୋଇପାରିବ । ଭାରତୀୟ ରିଜର୍ଭ ବ୍ୟାଙ୍କ ପ୍ରତିଷ୍ଠିତ କମ୍ପାନି ପେଟିଏମ୍ ପେମେଣ୍ଟସ୍ ବ୍ୟାଙ୍କକୁ ନୂଆ ଗ୍ରାହକ ଯୋଡ଼ିବା ଉପରେ ପ୍ରତିବନ୍ଧକ ଲଗାଇଛି ।

ଅଧିକ ପଢନ୍ତୁ ଭାରତ ଖବର

ବୁଧବାର କେନ୍ଦ୍ରୀୟ ବ୍ୟାଙ୍କ କହିଛି ଯେ ବ୍ୟାଙ୍କ ଅନେକ ନିୟମ ଉଲ୍ଲଂଘନ କରୁଛି । ଅଡିଟ୍ ରିପୋର୍ଟରେ ଏହା ପ୍ରକାଶ ପାଇଛି । ଏହି ନିଷେଧାଦେଶ ପରେ ଗ୍ରାହକମାନେ ନିଜ ଆକାଉଣ୍ଟରେ ଟଙ୍କା ଜମା କରିପାରିବେ ନାହିଁ ଏବଂ ଆରବିଆଇ ୱାଲେଟ, ଫାସ୍ଟ୍ୟାଗ୍ ଏବଂ ଏନସିଏମସି କାର୍ଡ ଟପ୍ ଅପ୍ କରିପାରିବେ ନାହିଁ । ତେବେ ଗ୍ରାହକଙ୍କୁ ଟଙ୍କା ଉଠାଇବା ପାଇଁ ଅନୁମତି ଦିଆଯାଇଛି ।