ଭାରତରେ ଯୁବପିଢିଙ୍କ ମଧ୍ୟରେ ଅଚାନକ ହେଉଥିବା ମୃତ୍ୟୁକୁ ନେଇ ଅନେକ ସମୟରେ ଚିନ୍ତା ପ୍ରକାଶ ପାଉଥିବାବେଳେ ଏହା ପଛରେ କୋଭିଡ୍ ଟୀକା ଥିବା କେତେକ ସ୍ଥାନରେ ବିତର୍କ ହୋଇଛି । କିନ୍ତୁ ଏମ୍ସ-ଆଇସିଏମଆର ପକ୍ଷରୁ କରାଯାଇଥିବା ଏକ ଅଧ୍ୟୟନରେ ଏହାକୁ ଖାରଜ କରାଯାଇଛି । ଏଥିରେ ସ୍ପଷ୍ଟ ଭାବରେ କୁହାଯାଇଛି ଯେ, କୋଭିଡ୍ ଟୀକା ଏବଂ ଯୁବକ ମାନଙ୍କ ମଧ୍ୟରେ ହଠାତ୍ ମୃତ୍ୟୁ ମଧ୍ୟରେ କୌଣସି ସିଧାସଳଖ ସମ୍ପର୍କ ନାହିଁ। AIIMS ଦିଲ୍ଲୀର ପ୍ରଫେସର ଡକ୍ଟର ସୁଧୀର ଆରୋରା ଏହି ଅଧ୍ୟୟନର ପ୍ରାରମ୍ଭିକ ଫଳାଫଳ ସେୟାର କରିଛନ୍ତି।

ସୂଚନାନୁଯାୟୀ AIIMS ଦିଲ୍ଲୀର ପ୍ରଫେସର ଡକ୍ଟର ସୁଧୀର ଆରୋରାଙ୍କ ଅନୁଯାୟୀ, ସେମାନଙ୍କର ପ୍ରାଥମିକ ଅଧ୍ୟୟନରୁ ଜଣାପଡିଛି ଯେ, କୋଭିଡ୍ ଟୀକା କିମ୍ବା କୌଣସି ସମ୍ପର୍କିତ ଜଟିଳତା ହଠାତ୍ ମୃତ୍ୟୁରେ କୌଣସି ଭୂମିକା ଗ୍ରହଣ କରେ ନାହିଁ । ବିଶେଷକରି ଯୁବକ ମାନଙ୍କ ମଧ୍ୟରେ । ସେ ଆହୁରି କହିଛନ୍ତି ଯେ ଭାରତରେ ଯୁବକ ମାନଙ୍କ ମଧ୍ୟରେ ହଠାତ୍ ମୃତ୍ୟୁ ଉପରେ ବହୁତ କମ୍ ଗବେଷଣା କରାଯାଇଛି, ଯେତେବେଳେ କିଛି ଅଧ୍ୟୟନ ପାଶ୍ଚାତ୍ୟ ଦେଶ ଗୁଡ଼ିକରେ କରିଛି । ଏହାକୁ ଧ୍ୟାନରେ ରଖି, AIIMS-ICMR ଗବେଷଣା କରିଥିଲା।

ଏଥିସହ ପଢ଼ନ୍ତୁ: ଗ୍ରାପ-୪ କଟକଣା କ'ଣ ? ଜାଣନ୍ତୁ...

ଯଦି କୋଭିଡ୍ ନୁହେଁ, ତେବେ ହଠାତ୍ ମୃତ୍ୟୁର କାରଣ କ’ଣ ?
ଡକ୍ଟର ସୁଧୀର ଆରୋରା କହିଛନ୍ତି ଯେ ଏହି ଅଧ୍ୟୟନରୁ ଜଣାପଡିଛି ଯେ ଏହି ମୃତ୍ୟୁ ଗୁଡ଼ିକ କୋଭିଡ୍-19 ସହିତ ଜଡିତ ନୁହେଁ । ସେ କହିଛନ୍ତି ଯେ, ଖରାପ ଜୀବନଶୈଳୀ ଏବଂ କାର୍ଯ୍ୟ ଅଭ୍ୟାସ ଏହାର ପଛର କାରଣ ହୋଇଥାଇପାରେ। ଅନେକ ଯୁବକ ମଦ୍ୟପାନ ଏବଂ ଧୂମପାନ ନିଶାରେ ପୀଡିତ, ଯାହା ସିଧାସଳଖ ଧମନୀ ରୋଗ ଭଳି ଗମ୍ଭୀର ରୋଗରେ ପରିଣତ କରିପାରେ ।

ଡାକ୍ତର ଆହୁରି କହିଛନ୍ତି ଯେ, ଯୁବକ ମାନଙ୍କୁ ସେମାନଙ୍କର ଜୀବନଶୈଳୀ ପ୍ରତି ଧ୍ୟାନ ଦେବା ଆବଶ୍ୟକ । ସୁସ୍ଥ ଅଭ୍ୟାସ, ମଦ୍ୟପାନରୁ ଦୂରେଇ ରହିବା ଏବଂ ନିୟମିତ ବ୍ୟାୟାମ ଏପରି ଘଟଣା ଗୁଡ଼ିକୁ ରୋକିବାର ସବୁଠାରୁ ପ୍ରଭାବଶାଳୀ ଉପାୟ ହୋଇପାରେ । ଏହି ଅଧ୍ୟୟନ କେବଳ ଟୀକା ବିଷୟରେ ଭୟ ଦୂର କରେ ନାହିଁ ବରଂ ସ୍ୱାସ୍ଥ୍ୟ ପ୍ରତି ସଚେତନ ହେବାର ଆବଶ୍ୟକତାକୁ ମଧ୍ୟ ବଢ଼ାଇଥାଏ । ତେବେ ଭଲରେ ଅଧିକ ଦିନ ବଞ୍ଚିବା ପାଇଁ ନିଜର ଜୀବନଶୈଳୀକୁ ପ୍ରଥମେ ଠିକ୍ କରିବା ଆବଶ୍ୟକ ।

ଅଧିକ ପଢ଼ନ୍ତୁ ଦେଶ ଖବର...