ବଦଳିଲା କର୍ଣ୍ଣାଟକ ରାଜନୀତିର ଦୃଶ୍ୟ । ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ ସିଦ୍ଦରମୈୟା । ଦୀର୍ଘ ଦିନର ବିବାଦ ଏବଂ ଆରୋପ ପ୍ରତ୍ୟାରୋପ ପରେ ଶେଷରେ କର୍ଣ୍ଣାଟକରେ କ୍ଷମତା ଛାଡିଲେ ସିଦ୍ଦରମୈୟା । ବେଙ୍ଗଲୁରୁ ରାଜଭବନ ଯାଇ ଇସ୍ତଫା ପତ୍ର ଦେଇଛନ୍ତି ସିଦ୍ଦରମୈୟା । ଏନେଇ ପ୍ରେସମିଟ୍‌ କରି ସୂଚନା ଦେଇଛନ୍ତି କର୍ଣ୍ଣାଟକ ମୁଖ୍ୟମନ୍ତ୍ରୀ ।

#BreakingNews | Karnataka CM Siddaramaiah submitted his resignation to Prabhu Shankar, Special Secretary to Karnataka Governor.

Governor Thaawarchand Gehlot, who is out of the state, is returning tonight.#Siddaramaiah #Karnataka #KarnatakaCM pic.twitter.com/6sNFj2Vv7v

— DD News (@DDNewslive) May 28, 2026

Bengaluru: Karnataka CM Siddaramaiah says, "I have submitted my resignation today after the high command told me earlier to resign. I am fully confident that the Governor will accept it when he comes because it has to be done according to the Constitution...We are in the absolute… pic.twitter.com/zY2OT4B69d

— ANI (@ANI) May 28, 2026

ଇସ୍ତଫା ଦେବା ପରେ କରିଥିବା ପ୍ରେସମିଟ୍‌ରେ ସେ କହିଛନ୍ତି, କଂଗ୍ରେସ ହାଇକମାଣ୍ଡ ମୋତେ ଇସ୍ତଫା ଦେବା ପାଇଁ କହିଥିଲେ । ମୁଖ୍ୟମନ୍ତ୍ରୀ ଭାବେ ସୁଯୋଗ ଦେଇଥିବାରୁ ସୋନିଆ ଗାନ୍ଧି, ମଲ୍ଲିକାର୍ଜୁନେ ଖଡଗେ ଓ ରାହୁଲ ଗାନ୍ଧିଙ୍କୁ ସେ କୃତଜ୍ଞତା ଜଣାଇଛନ୍ତି । ସିଦ୍ଦରମୈୟାଙ୍କ ଇସ୍ତଫା ପରେ ଡିକେ ଶିବକୁମାର କର୍ଣ୍ଣାଟକର ପରବର୍ତ୍ତୀ ମୁଖ୍ୟମନ୍ତ୍ରୀ ଭାବେ ଶପଥ ନେବେ ବୋଲି ଚର୍ଚ୍ଚା ହେଉଛି ।

କର୍ଣ୍ଣାଟକ ମୁଖ୍ୟମନ୍ତ୍ରୀ ପଦରୁ ଇସ୍ତାଫ ଦେବା ପୂର୍ବରୁ ସିଦ୍ଧରମୈୟା ବେଙ୍ଗାଲୁରୁରେ ତାଙ୍କର ଶେଷ କ୍ୟାବିନେଟ୍ ବୈଠକ କରିଥିଲେ । ଏହି ବୈଠକ ସମୟରେ ସିଦ୍ଧରମୈୟା ଭାବପ୍ରବଣ ହୋଇ ପଡ଼ିଥିଲେ। ସେ ତାଙ୍କର କ୍ୟାବିନେଟ୍ ସହଯୋଗୀମାନଙ୍କୁ କହିଥିଲେ ଯେ ଗତ ୨୦ ବର୍ଷ ମଧ୍ୟରେ ମୁଁ ଆପଣମାନଙ୍କ ଉପରେ ଚିତ୍କାର କରିଛି ଏବଂ ରାଗିଛି । କିନ୍ତୁ ସେ ଦଳର ଲାଭ ପାଇଁ ଏସବୁ କରିଛନ୍ତି । ଏଥିରେ ବ୍ୟକ୍ତିଗତ କିଛି ନଥିଲା । ମୁଁ ଦଳ ଏବଂ ସରକାରଙ୍କ ସ୍ୱାର୍ଥ ପାଇଁ ଏହା କରିଛି। ଏହା ପଛରେ କୌଣସି ବ୍ୟକ୍ତିଗତ ଉଦ୍ଦେଶ୍ୟ ନଥିଲା । ଆପଣମାନେ ଏତେ ବର୍ଷ ଧରି ମୋତେ ସମର୍ଥନ କରିଆସୁଛନ୍ତି, ଆପଣମାନଙ୍କୁ ସମସ୍ତଙ୍କୁ ଧନ୍ୟବାଦ।"

ଇସ୍ତଫା ପରେ ବେଙ୍ଗାଲୁରୁରେ ଏକ ସାମ୍ବାଦିକ ସମ୍ମିଳନୀରେ ସିଦ୍ଧରମୈୟା କହିଥିଲେ, "ମୁଁ ଲୋକଭବନରେ କର୍ଣ୍ଣାଟକର ମୁଖ୍ୟମନ୍ତ୍ରୀ ପଦରୁ ମୋର ଇସ୍ତଫା ପ୍ରଦାନ କରିଛି । ରାଜ୍ୟପାଳ ଏଠାରେ ନାହାନ୍ତି। ମୋତେ କୁହାଯାଇଛି ଯେ ସେ ଆଜି ରାତିରେ ଫେରି ଆସୁଛନ୍ତି ।" ଇସ୍ତଫା ପତ୍ର ତାଙ୍କ କାର୍ଯ୍ୟାଳୟକୁ ପଠାଯାଇଛି ।

ସେ ଆହୁରି କହିଥିଲେ, "ମୁଁ ଆପଣମାନଙ୍କୁ ଅନେକ ଥର କହିଛି ଯେ ଯେତେବେଳେ ହାଇକମାଣ୍ଡ ମୋତେ ଇସ୍ତଫା ଦେବାକୁ କହିବେ, ମୁଁ ଇସ୍ତଫା ଦେବି । ଦୁଇ ଦିନ ପୂର୍ବରୁ ହାଇକମାଣ୍ଡ ମୋତେ ଇସ୍ତଫା ଦେବାକୁ କହିଥିଲେ । ମୁଁ ସେମାନଙ୍କୁ କହିଥିଲି ଯେ ମୁଁ ଆଜି ଇସ୍ତଫା ଦେବି । ତେଣୁ, ମୁଁ ଇସ୍ତଫା ଦେଇଛି ।"