ମାତା–ପିତାଙ୍କ ସ୍ୱପ୍ନ ପୂରଣ କରିବା ଅନେକ ସନ୍ତାନଙ୍କ ଜୀବନର ସବୁଠୁ ବଡ଼ ଲକ୍ଷ୍ୟ ରହିଥାଏ । ଆଉ ଏମିତି ଏକ ହୃଦୟସ୍ପର୍ଶୀ ଘଟଣା ଏବେ ସୋସିଆଲ ମିଡିଆରେ ଲୋକଙ୍କ ମନ ଜିତିଛି । ଜଣେ ଭାରତୀୟ ଯୁବକ ନିଜ ମାତା–ପିତାଙ୍କୁ ପ୍ରଥମଥର ପାଇଁ ବିମାନ ଯାତ୍ରା କରାଇଥିବା ଭିଡିଓ ଏବେ ଇନ୍‌ଷ୍ଟାଗ୍ରାମରେ ଦ୍ରୁତ ଗତିରେ ଭାଇରାଲ ହେବାରେ ଲାଗିଛି ।

ଏହି ଭିଡିଓଟି ‘ବିଷ୍ଣୁ’ ନାମକ ଜଣେ ଯୁବକ ନିଜ ଇନ୍‌ଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ଭିଡିଓରେ ବିଷ୍ଣୁ ତାଙ୍କ ପିତାମାତାଙ୍କ ସହିତ ଇଣ୍ଡିଗୋ ବିମାନ ସମ୍ମୁଖରେ ଗର୍ବର ସହିତ ଠିଆ ହୋଇଥିବାର ଦେଖାଯାଉଛି । ପରେ, କ୍ଲିପ୍‌ରେ ସେମାନେ ବିମାନବନ୍ଦରରେ ଚାଲିବା ଏବଂ ପ୍ରତ୍ୟେକ ମୁହୂର୍ତ୍ତକୁ ଉପଭୋଗ କରୁଥିବାର ଦେଖାଯାଉଛି ।
ଆଉ ଏହି ଭିଡିଓରେ ଲେଖା ରହିଛି, “ପ୍ରତ୍ୟେକ ପୁଅର ସ୍ୱପ୍ନ, ଆଜି ପୂରଣ ହେଲା,” । ସେହିପରି ବିଷ୍ଣୁ କ୍ୟାପ୍ସନରେ ଲେଖିଛନ୍ତି, “ଶେଷରେ ସ୍ୱପ୍ନ ସାକାର ହେଲା ।” ମାତା–ପିତାଙ୍କ ମୁହଁରେ ଖୁସିର ହସ ଦର୍ଶକଙ୍କୁ ଭାବବିହ୍ବଳ କରିଦେଇଛି ।

View this post on Instagram

A post shared by Hey Vishnu👨‍💻 (@vishh.mms)

ଅନେକ ଦର୍ଶକଙ୍କ ପାଇଁ ଭିଡିଓଟି ପିତାମାତାଙ୍କ ବର୍ଷ ବର୍ଷର କଠିନ ପରିଶ୍ରମ ଏବଂ ତ୍ୟାଗକୁ ପ୍ରତିନିଧିତ୍ୱ କରେ । ପିଲାମାନେ ସେମାନଙ୍କ ପିତାମାତାଙ୍କୁ କିଛି ବିଶେଷ ଦେଇ ଖୁସି କରିବାର ଇଚ୍ଛା ମଧ୍ୟ ପ୍ରକାଶ କରିଛନ୍ତି ।

ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଜଣେ ୟୁଜର୍ସ କହିଛନ୍ତି, ଏହା ଗର୍ବର ମୁହୂର୍ତ୍ତ । ଏହା ଦେଖି ବହୁତ ଖୁସି ।" ସେହିପରି ଆଉ ଜଣେ ୟୁଜର୍ସ ଲେଖିଛନ୍ତି, "ଏହା ପ୍ରତ୍ୟେକ ମଧ୍ୟବିତ୍ତ ପରିବାରର ସ୍ୱପ୍ନ,"।