Vande Mataram Controversy / 'ବନ୍ଦେ ମାତରମ'କୁ କଂଗ୍ରେସର ଚରମ ଅସମ୍ମାନ, କିଛି ପଂକ୍ତି ଗାନ ପରେ ବନ୍ଦ କରିବାକୁ ସୋନିଆଙ୍କ ଇସାରା

ସାରାଦେଶ ପାଳନ କରୁଛି ସ୍ବାଧୀନତାର ୮୦ ତମ ପୂର୍ତ୍ତି ସମାରୋହ । ଏଭଳି ସମୟରେ ଜାତୀୟ ଗୀତ ବନ୍ଦେ ମାତରମକୁ କଂଗ୍ରେସ ପକ୍ଷରୁ କରାଯାଇଛି ଅସମ୍ମାନ । କଂଗ୍ରେସ ମୁଖ୍ୟାଳୟରେ ଏକ କଦର୍ଯ୍ୟ ଦୃଶ୍ୟ ଦେଖିବାକୁ ମିଳିଛି । କଂଗ୍ରେସ ଦଳର ସର୍ବୋଚ୍ଚ ନେତ୍ରୀ ସୋନିଆ ଗାନ୍ଧି, ସୁପର ପ୍ରେସିଡେଣ୍ଟ ରାହୁଲ ଗାନ୍ଧି ଏବଂ ବର୍ତ୍ତମାନର ଅଧ୍ୟକ୍ଷ ମଲ୍ଲିକାର୍ଜୁନ ଖର୍ଗେ ପରସ୍ପର ସହ ସାଧାରଣ ଭାବେ କଥା ହେଉଥିଲେ । ଏହା ସେମାନଙ୍କର ବନ୍ଦେ ମାତରମ୍ ପ୍ରତି ଚରମ ଅସମ୍ମାନକୁ ଦର୍ଶାଉଛି । ଗାନ୍ଧି ପରିବାର ଭାରତର ସାଂସୃତିକ ଚେତନାକୁ ଦଳି ଚକଟି ଦେଇଥିବା କହିଲା ବିଜେପି ।

ଆଜି ହର ଘର ତ୍ରିରଙ୍ଗା, ହର ମନ୍ ତ୍ରିରଙ୍ଗା । ସାରାଦେଶ ପାଳନ କରୁଛି ସ୍ବାଧୀନତାର ୮୦ ତମ ପୂର୍ତ୍ତି ସମାରୋହ । ଏଭଳି ସମୟରେ ଜାତୀୟ ଗୀତ ବନ୍ଦେ ମାତରମକୁ କଂଗ୍ରେସ ପକ୍ଷରୁ ଅସମ୍ମାନ କରାଯାଇଛି । ନୂଆଦିଲ୍ଲୀରେ କଂଗ୍ରେସର ମୁଖ୍ୟାଳୟରେ ବନ୍ଦେ ମାତରମ ଗାନ ବେଳେ ସେମାନେ ଏହାକୁ ସହଜରେ ଗ୍ରହଣ କରିପାରି ନଥିଲେ । ବନ୍ଦେ ମାତରମ ଗାନ ଶେଷ ହେବା ପର୍ଯ୍ୟନ୍ତ ସମ୍ମାନ ଦେବା ପରିବର୍ତ୍ତେ ସେମାନେ ପରସ୍ପରକୁ ଇସାରା ଦେଉଥିଲେ । ସେମାନଙ୍କର ଭାବଭଙ୍ଗୀ ଏମତି ଥିଲା ଯେମିତି ସେମାନେ ଗୀତକୁ ବନ୍ଦ କରିବାକୁ ଚାହୁଁଛନ୍ତି ।

କଂଗ୍ରେସର ଏଭଳି ଅସମ୍ମାନକୁ ନେଇ ବର୍ଷିଛି ବିଜେପି । ପ୍ରଥମଥର ପାଇଁ ଜାତୀୟ ଗୀତ ବନ୍ଦେ ମାତରମକୁ କୌଣସି ପ୍ରକାର କାଣ୍ଟଛାଣ୍ଟ ନକରି ଗାନ କରାଯାଉଛି । କିନ୍ତୁ ଏହି ଗାନ ସମୟରେ କଂଗ୍ରେସ ନେତାମାନେ ସାମାନ୍ୟ ଆଗ୍ରହୀ ନଥିଲେ ବୋଲି କହିଛନ୍ତି ବିଜେପି ରାଷ୍ଟ୍ରୀୟ ମୁଖପାତ୍ର ସୁଧାଂଶୁ ତ୍ରିବେଦୀ । କଂଗ୍ରେସ ମୁଖ୍ୟାଳୟରେ ଏକ କଦର୍ଯ୍ୟ ଦୃଶ୍ୟ ଦେଖିବାକୁ ମିଳିଛି । କଂଗ୍ରେସ ଦଳର ସର୍ବୋଚ୍ଚ ନେତ୍ରୀ ସୋନିଆ ଗାନ୍ଧି, ସୁପର ପ୍ରେସିଡେଣ୍ଟ ରାହୁଲ ଗାନ୍ଧି ଏବଂ ବର୍ତ୍ତମାନର ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ପରସ୍ପର ସହ ସାଧାରଣ ଭାବେ କଥା ହେଉଥିଲେ । ଏହା ସେମାନଙ୍କର ବନ୍ଦେ ମାତରମ୍ ପ୍ରତି ଚରମ ଅସମ୍ମାନକୁ ଦର୍ଶାଉଛି ।

ସେପଟେ ଲାଲକିଲ୍ଲାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦେଶବାସୀଙ୍କ ପ୍ରତି ବାର୍ତ୍ତାକୁ ସାରା ଦେଶ ଉତ୍ସୁକତାର ସହ ଅପେକ୍ଷା କରିଥିଲେ । ଏଥିପାଇଁ ସାରା ଦେଶର ବିଶିଷ୍ଟ ଅତିଥିମାନଙ୍କୁ ଦିଆଯାଇଥିଲା ନିମନ୍ତ୍ରଣ । କଂଗ୍ରେସ ଅଧ୍ୟକ୍ଷ ମର୍ଲ୍ଲିକାର୍ଜୁନ ଖଡଗେ ଓ ସାଂସଦ ରାହୁଲ ଗାନ୍ଧିଙ୍କୁ ନିମନ୍ତ୍ରିତ ହୋଇଥିଲେ ମଧ୍ୟ ସେମାନେ ଅନୁପସ୍ଥିତ ଥିଲେ । ଖଡଗେ ରାଜ୍ୟସଭାରେ ବିରୋଧୀ ଦଳ ନେତା ଥିବା ବେଳେ ରାହୁଲ ଲୋକସଭାରେ ବିରୋଧୀ ଦଳ ନେତ ରହିଛନ୍ତି । ଏପରି ସମ୍ମାନଜନକ ପଦବୀରେ ଥିଲେ ମଧ୍ୟ ଲାଲକିଲ୍ଲାରେ ଆୟୋଜିତ ସ୍ବାଧୀନତା ଦିବସ ସମାରୋହରେ ସାମିଲ ନହେବା ଦୁର୍ଭାଗ୍ୟ ଜନକ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଗିରିରାଜ ସିଂ ।

୧୮୭୫ ମସିହାରେ ବଙ୍କୀମ ଚନ୍ଦ୍ର ଚାଟାର୍ଜୀଙ୍କ ଦ୍ବାରା ଲିଖିତ ବନ୍ଦେ ମାତରମ ସ୍ବାଧୀନତା ଆନ୍ଦୋଳନ ବେଳେ ପ୍ରମୁଖ ସ୍ଲୋଗାନ ରହିଥିଲା । କିନ୍ତୁ ପରେ ଏହାର ଦୁଇଟି ପଂକ୍ତିକୁ ରଖାଯାଇ ଅନ୍ୟ ଗୁଡିକୁ ବାଦ ଦିଆଯାଇଥିଲା । କିନ୍ତୁ ବନ୍ଦେ ମାତରମର ୧୫୦ବର୍ଷ ପୂର୍ତ୍ତି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉଦ୍ୟମରେ ପୁଣିଥରେ ପୁରା ଗୀତ ଗାନ କରାଯାଉଛି । ଏପରିକି ଜାତୀୟ ସଂଗୀତ ପରି ଏହାକୁ ସମାନ ମାନ୍ୟତା ଦେବାକୁ ନିଷ୍ପତ୍ତି ହୋଇଛି ।