Supreme Court / ଧର୍ମ ପରିବର୍ତ୍ତନ ସହ ଶେଷ ହୋଇଯିବ ଅନୁସୂଚିତ ଜାତି ମାନ୍ୟତା

ନୂଆଦିଲ୍ଲୀ: ହିନ୍ଦୁ, ଶିଖ୍ ଅଥବା ବୌଦ୍ଧ ଧର୍ମ ଆପଣାଇଲେ ଅନୁସୂଚିତ ଜାତି ମାନ୍ୟତା ମିଳିବ । ଯଦି କେହି ଧର୍ମାନ୍ତରୀକରଣ କରି ଖ୍ରୀଷ୍ଟିଆନ୍ ଧର୍ମ ଗ୍ରହଣ କରିଥିବା ତାହାଲେ ସେ ଅନୁସୂଚିତ ଜାତି ମାନ୍ୟତା ହରାଇବେ । ଏହି ଐତିହାସିକ ନିଷ୍ପତ୍ତି ଶୁଣାଇଛନ୍ତି ସୁପ୍ରିକୋର୍ଟ ।

ସର୍ବୋଚ୍ଚ ଅଦାଲତର ଜଷ୍ଟିସ୍ ପି.କେ ମିଶ୍ରା ଓ ଏନ୍‌.ଭି ଅଞ୍ଜାରୀଙ୍କ ଖଣ୍ଡପୀଠ ଏହି ନିଷ୍ପତ୍ତି ଶୁଣାଇଛନ୍ତି । ଧର୍ମ ପରିବର୍ତ୍ତନ କରି ଖ୍ରୀଷ୍ଟିଆନ୍ ହୋଇଥିବା ଦଳିତ ବର୍ଗର ବ୍ୟକ୍ତିଙ୍କୁ ଅନୁସୂଚିତ ଜାତି ଓ ଅନୁସୂଚିତ ଜନଜାତି (SC/ST) ଆଇନ୍ ଅନୁସାରେ ଲାଭ ମିଳିବ ନାହିଁ ।

ଏଥିସହ ପଢ଼ନ୍ତୁ: ସମୟ ବଦଳିଛି, ଘରକାମରେ ନିଜ ପତ୍ନୀଙ୍କୁ ସାହାଯ୍ୟ କରିବାକୁ ପଡ଼ିବ: ସୁପ୍ରିମକୋର୍ଟ

ଧର୍ମ ପରିବର୍ତ୍ତନ ଉପରେ ଐତିହାସିକ ନିଷ୍ପତ୍ତି ଶୁଣାଇ ସୁପ୍ରିମକୋର୍ଟ କହିଛନ୍ତି, "ଧର୍ମାନ୍ତରୀକରଣ ପରେ ଅନୁସୂଚିତ ଜାତି ମାନ୍ୟତା ମିଳିବ ନାହିଁ । କୌଣସି ବ୍ଯକ୍ତି ହିନ୍ଦୁ, ଶିଖ୍ କିମ୍ବା ବୌଦ୍ଧ ଧର୍ମ ବ୍ୟତୀତ ଅନ୍ୟ ଧର୍ମକୁ ମାନିଲେ ତାଙ୍କୁ ଅନୁସୂଚିତ ଜାତି ସଦସ୍ୟ ଧରାଯିବ ନାହିଁ ।" ଖ୍ରୀଷ୍ଟିଆନ୍ ଧର୍ମ ଗ୍ରହଣ କରିଥିବା ବ୍ୟକ୍ତିଙ୍କୁ SC/ST ଆଇନ୍‌ର ଲାଭ ମିଳିବ ନାହିଁ ବୋଲି ସ୍ପଷ୍ଟ କରିଛନ୍ତି ସୁପ୍ରିମକୋର୍ଟ ।

ସୁପ୍ରିମକୋର୍ଟଙ୍କ ରାୟ ଅନୁସାରେ, ଯେଉଁ ହିନ୍ଦୁ ବ୍ୟକ୍ତି ଧର୍ମ ପରିବର୍ତ୍ତନ କରି ଖ୍ରୀଷ୍ଟିଆନ୍ ହେବେ ତାଙ୍କୁ ଅନୁସୂଚିତ ଜାତିର ସଦସ୍ୟ ଧରାଯିବ ନାହିଁ । ସେ SC/ST ଆଇନ୍‍, ୧୯୮୯ ଅନୁସାରେ ସଂରକ୍ଷଣ ଦାବି କରିପାରିବେ ନାହିଁ ।

ଏଥିସହ ପଢ଼ନ୍ତୁ: ମୁଖ୍ୟମନ୍ତ୍ରୀଙ୍କ ବିରୋଧରେ ସୁପ୍ରିମକୋର୍ଟ ଗଲେ ମହିଳା, କହିଲେ 'ମୋ ସମ୍ପତ୍ତି ନେଇଯିବେ'

ଜଷ୍ଟିସ୍ ପିକେ ମିଶ୍ରା ଓ ଏନ୍‌.ଭି ଅଞ୍ଜାରୀଙ୍କ ଖଣ୍ଡପୀଠ ଆନ୍ଧ୍ରପ୍ରଦେଶ ହାଇକୋର୍ଟ ଦେଇଥିବା ଆଦେଶକୁ ମାନ୍ୟ ରଖିଛନ୍ତି । ଯେଉଁଥିରେ ହାଇକୋର୍ଟ କହିଥିଲେ, କୌଣସି ବ୍ୟକ୍ତି ଖ୍ରୀଷ୍ଟିଆନ୍ ଧର୍ମ ଆପଣାଇ ସକ୍ରିୟ ଥିଲେ ତାଙ୍କୁ ଅନୁସୂଚିତ ଜାତି ସମ୍ପ୍ରଦାୟର ସଦସ୍ୟ କୁହାଯିବ ନାହିଁ । ପାଦ୍ରୀ ଆନନ୍ଦ ୨୦୨୫ ମେରେ ଆନ୍ଧ୍ରପ୍ରଦେଶ ହାଇକୋର୍ଟଙ୍କ ଏହି ନିଷ୍ପତ୍ତି ବିରୋଧରେ ସୁପ୍ରିମକୋର୍ଟରେ ଅପିଲ୍ କରିଥିଲେ ।

ସୁପ୍ରିମକୋର୍ଟ ଆହୁରି କହିଛନ୍ତି ଯେ, ରେକର୍ଡରୁ ଜଣାପଡ଼ୁଛି ଆବେଦନକାରୀ ପ୍ରାୟ ଦଶନ୍ଧି ଧରି ଖ୍ରୀଷ୍ଟିଆନ୍ ଧର୍ମ ପାଳନ କରି ଆସୁଛନ୍ତି । ପାଦ୍ରୀ ଭାବେ ରବିବାର ପ୍ରାର୍ଥନା ମଧ୍ୟ କରୁଛନ୍ତି । ଏହି ତଥ୍ୟକୁ ଦେଖି ସୁପ୍ରିମକୋର୍ଟ ଉକ୍ତ ବ୍ୟକ୍ତିଙ୍କୁ SC/ST ଅତ୍ୟାଚାର ବିରୋଧୀ ଆଇନ୍ ଅନୁସାରେ ସଂରକ୍ଷମ ଦେବାକୁ ମନା କରି ଦେଇଛନ୍ତି ।