ମାତ୍ର ୫ ମିନିଟ୍‌ରେ ଜଣେ କଲେଜ ଛାତ୍ରୀଙ୍କୁ ବାଛିଲେ ଟେକ୍ ସିଇଓ। ଛାତ୍ରୀଙ୍କ ସହ କଥା ହେଲେ ମାତ୍ର ୫ ମିନିଟ୍ ପାଇଁ । ଆଉ ସେତିକିରେ ସେ ଇମ୍ପ୍ରେସ ହୋଇ ତାଙ୍କ କମ୍ପାନୀ ପାଇଁ ସେହି ଛାତ୍ରୀଙ୍କୁ ବାଛିଛନ୍ତି । ଯାହା ଏବେ ଇଣ୍ଟରନେଟ୍‌ରେ ଚର୍ଚ୍ଚାର ବିଷୟ ପାଲଟିଛି ।

'କୋଡ୍ ଅଫ୍ ଅସ୍' କମ୍ପାନୀର ସିଇଓ ସାଣ୍ଡି ସ୍ଲୋନ୍ଜସାକ୍ ତାଙ୍କର 'x' ଆକାଉଣ୍ଟରେ ଏପରି ଏକ ପୋଷ୍ଟ ଶେୟାର କରିଛନ୍ତି । ସେ ଲେଖିଛନ୍ତି ଛାତ୍ରୀଙ୍କ ନମ୍ର, କାର୍ଯ୍ୟପ୍ରତି ଇଚ୍ଛା, ଶିଖିବାର ଇଚ୍ଛା ଦେଖି ସେ ତାଙ୍କୁ ନିଜ କମ୍ପାନୀ ପାଇଁ ଚୟନ କରିଛନ୍ତି ।

ସାଣ୍ଡି ଲେଖିଛନ୍ତି, ଆମ ପାଖରେ ଚାକିରି ପାଇଁ କୌଣସି ଖାଲି ପଦବୀ ନଥିଲା । କିନ୍ତୁ ତାଙ୍କର କାମ କରିବାର ଇଚ୍ଛା ଦେଖି ତାଙ୍କୁ ମୁଁ ମୋ କମ୍ପାନୀରେ ନେବାପାଇଁ ଆଗ୍ରହୀ ହେଲି । ସେ ଲେଖିଛନ୍ତି, ସେହି ଛାତ୍ରୀ ଜଣକ କହିଥିଲେ, ସେ କିଛି ଜାଣିନାହାନ୍ତି । ତାଙ୍କର କାମ କରିବାର ଇଚ୍ଛା ବହୁତ ଅଛି । ତାଙ୍କୁ ଅଧିକ କାମ ଶିଖିବାର ଆଗ୍ରହ ଅଛି । ନିଜର ଅବସର ସମୟରେ ନିଜର ପ୍ରୋଜେକ୍ଟରେ ସେ ଅଧିକ ସମୟ ଦିଅନ୍ତି । ସେ ସ୍ମାର୍ଟ, ନମ୍ର, ଏବଂ କାମ ଶିଖିବାର ଭୋକ ତାଙ୍କ ମଧ୍ୟରେ ଅଛି । ଦରମା ପ୍ରତି ତାଙ୍କର କୌଣସି ବିଶେଷ ଆକର୍ଷଣ ନାହିଁ ।

today i hired a college student after just 5 minutes of talking to her

1. had the guts to send an open letter application although we had no job openings

2. straight up admitted she knows nothing

3. told she’s willing to work as an animal to learn as much as she can

4. open…

— Sandi Slonjšak (@sandislonjsak) October 8, 2025

କେବଳ ୩ ମାସ ମଧ୍ୟରେ ଦକ୍ଷ ହେବାପାଇଁ ସର୍ବନିମ୍ନ ଟଙ୍କା ନେବାକୁ ସେ ରାଜି ଅଛନ୍ତି । ଏବଂ କାଲିଠାରୁ କାମ ଆରମ୍ଭ କରିପାରିବେ ବୋଲି ସେହି ଛାତ୍ରୀ ଜଣକ ସେହି ସିଇଓଙ୍କୁ ଜଣାଇଛନ୍ତି ।ଆଉ ମାତ୍ର ୫ ମିନିଟ୍ କଥା ହେବା ମଧ୍ୟରେ ହିଁ ସାଣ୍ଡି ତାଙ୍କୁ ନିଜ କମ୍ପାନୀ ପାଇଁ ଚୟନ କରିଛନ୍ତି ।

ଅଧିକ ପଢନ୍ତୁ : ପ୍ରେମାନନ୍ଦ ଜୀଙ୍କୁ ହୋଇଥିବା ପଲିସିଷ୍ଟିକ୍ କିଡନୀ ରୋଗ କ'ଣ ? ଏହାର ଲକ୍ଷଣ, କାରଣ ଜାଣନ୍ତୁ...

ତେବେ ଏହି ପୋଷ୍ଟ ଭାଇରାଲ ହେଲାପରେ ଅନେକ ଜଣ ସାଣ୍ଡିଙ୍କୁ ଏବଂ ଏପରି ଦକ୍ଷ ଛାତ୍ରୀଙ୍କୁ ପ୍ରଶଂସା କରିଛନ୍ତି । ଜଣେ ୟୁଜର୍ସ ଲେଖିଛନ୍ତି, "ତୁମେ ସତରେ ଜଣେ ପ୍ରକୃତ ରତ୍ନକୁ ଖୋଜି ପାଇଛ ।