Photo Viral / ବିଦେଶିନୀଙ୍କୁ ବିବାହ କରିବେ ଏହି ନେତା, ରୋମାଣ୍ଟିକ୍ ଫଟୋ ହେଲା ଭାଇରାଲ୍

ମୁମ୍ବାଇ୦୭/୧୦: ତେଜ ପ୍ରତାପ ଯାଦବ ରିଆଲିଟି ଶୋ "ରାଇଜ୍ ଆଣ୍ଡ ଫଲ୍"ରେ ଦର୍ଶକଙ୍କୁ ମନୋରଞ୍ଜନ କରୁଛନ୍ତି। ବିଦେଶୀ ସୁନ୍ଦରୀ ଇରିନା ରୁଡକୋଭାଙ୍କ ସହିତ ତାଙ୍କର ରୋମାଣ୍ଟିକ କେମେଷ୍ଟ୍ରି ଶୋ'ରେ ଶିରୋନାମା ସୃଷ୍ଟି କରୁଛି। ଲାଲୁ ପ୍ରସାଦ ଯାଦବଙ୍କ "ପୁଅ," ତେଜ ପ୍ରତାପ, ବିଦେଶୀ ସୁନ୍ଦରୀ ଇରିନାଙ୍କ ପ୍ରେମରେ ପଡ଼ିଥିବାର ଦେଖାଯାଉଛି। ଦୁହେଁ ପ୍ରାୟତଃ ପରସ୍ପର ସହିତ ଫ୍ଲର୍ଟ କରୁଥିବାର ଦେଖାଯାଆନ୍ତି। ଏବେ, ଶୋ'ରେ, ତେଜ ପ୍ରତାପ ଇରିନାଙ୍କ ସହିତ ବିବାହ ବିଷୟରେ ଲଜ୍ଜିତ ଭାବରେ ଆଲୋଚନା କରୁଥିବାର ଦେଖାଯାଇଥିଲା। 

ରିଆଲିଟି ଶୋ’ ‘ରାଇଜ୍ ଆଣ୍ଡ ଫଲ୍’ରେ ନିଜର ଅଲଗା ଅନ୍ଦାଜରେ ଦର୍ଶକଙ୍କ ମନୋରଞ୍ଜନ କରୁଛନ୍ତି। ତେବେ ଏଥର ତାଙ୍କ ଖେଳ ଅପେକ୍ଷା ଶୋ’ରେ ବିଦେଶୀ ପ୍ରତିଯୋଗୀ ଇରିନା ରୁଡକୋଭାଙ୍କ ସହ ତାଙ୍କର କେମେଷ୍ଟ୍ରି ଅଧିକ ଚର୍ଚ୍ଚା ସାଉଁଟୁଛି। ଶୋ’ରେ ଉଭୟଙ୍କ ମଧ୍ୟରେ ମଜା-ମସ୍ତି, ଫ୍ଲର୍ଟ ଓ ରୋମାଣ୍ଟିକ୍ ମୁହୂର୍ତ୍ତ ଦର୍ଶକଙ୍କ ନଜର ଟାଣୁଛି। ଏବେ ଏକ ନୂଆ ଭିଡିଓ କ୍ଲିପ୍ ସୋସିଆଲ ମିଡିଆରେ ଭାଇରାଲ ହେବା ପରେ ଦୁହିଁଙ୍କ ସମ୍ପର୍କକୁ ନେଇ ଚର୍ଚ୍ଚା ଆହୁରି ବଢ଼ିଛି।

ଇରିନାଙ୍କୁ ପଚାରିଲେ ‘ମୋତେ ବିବାହ କରିବ?’

ଭାଇରାଲ କ୍ଲିପ୍‌ରେ ତେଜ ପ୍ରତାପ ଇରିନାଙ୍କ ସହ ମଜାଳିଆ ଢଙ୍ଗରେ କଥା ହେଉଥିବା ଦେଖାଯାଉଛି। କଥାବାର୍ତ୍ତା ମଧ୍ୟରେ ତେଜ ପ୍ରତାପ ଇରିନାଙ୍କୁ ବିବାହ ବିଷୟରେ ପଚାରୁଛନ୍ତି। ଇରିନା ମଧ୍ୟ ମଜାଳିଆ ଢଙ୍ଗରେ ଏହାର ଉତ୍ତର ଦେଉଥିବା ନଜର ଆସିଛନ୍ତି। ଏହି ଛୋଟ ମୁହୂର୍ତ୍ତଟି ଶୋ’ର ଦର୍ଶକଙ୍କ ମଧ୍ୟରେ ଖୁବ୍ ଚର୍ଚ୍ଚା ସୃଷ୍ଟି କରିଛି। ଦୁହିଁଙ୍କ ମଧ୍ୟରେ ଥିବା ସ୍ୱାଭାବିକ ମଜା-ମସ୍ତି ଓ ଘନିଷ୍ଠତା ଦେଖି ଫ୍ୟାନ୍ସ ମଧ୍ୟ ବେଶ୍ ଉତ୍ସାହିତ ହୋଇଛନ୍ତି।

ପଢନ୍ତୁ ଏହି ଖବର: ରାଜ୍ୟସଭା ଯାଉଛନ୍ତି ଆଉ ଜଣେ ଓଲିଉଡ ଅଭିନେତ୍ରୀ, ବିଜେପି ଟିକେଟରେ ଯାଉଛନ୍ତି ରାଜ୍ୟସଭା

‘ତୁମେ ଚାଲିଗଲେ ମୁଁ କ’ଣ କରିବି?’

କେବଳ ବିବାହ କଥା ନୁହେଁ, ଶୋ’ରେ ଦୁହିଁଙ୍କ ମଧ୍ୟରେ ଆଉ ଏକ ମଜାଦାର ମୁହୂର୍ତ୍ତ ମଧ୍ୟ ଦେଖିବାକୁ ମିଳିଛି। ତେଜ ପ୍ରତାପ ମଜା କରି ଶୋ’ ଛାଡ଼ି ଚାଲିଯିବେ ବୋଲି ଇରିନାଙ୍କୁ କହିଥିଲେ। ଏହାପରେ ସେ ଇରିନାଙ୍କ ହାତ ଧରି, ନିଜେ ଚାଲିଗଲେ ସେ କ’ଣ କରିବେ ବୋଲି ପଚାରିଥିଲେ।

ଇରିନା ମଧ୍ୟ ଭାବପ୍ରବଣ ହେବା ଭଳି ଏକ ମଜାଦାର ଉତ୍ତର ଦେଇଥିଲେ। ଏହାପରେ ଉଭୟ ପରସ୍ପରକୁ ଆଲିଙ୍ଗନ କରୁଥିବା ଦୃଶ୍ୟ ମଧ୍ୟ କ୍ୟାମେରାରେ କଏଦ ହୋଇଥିଲା। ଏହି ଦୃଶ୍ୟ ଏବେ ସୋସିଆଲ ମିଡିଆରେ ଫ୍ୟାନ୍ସଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଛି।

ସ୍ୱରା ଓ ଗୌତମଙ୍କୁ କହିଲେ ଇରିନାଙ୍କ କଥା

ଏହାପରେ ତେଜ ପ୍ରତାପ ଶୋ’ର ଅନ୍ୟ ପ୍ରତିଯୋଗୀ ସ୍ୱରା ଭାସ୍କର ଓ ଗୌତମ ଗୁଲାଟିଙ୍କ ସହ ଇରିନାଙ୍କ ସହ ହୋଇଥିବା କଥାବାର୍ତ୍ତା ବିଷୟରେ ଆଲୋଚନା କରୁଥିବା ଦେଖାଯାଇଥିଲା। ଏହା ଶୁଣି ସ୍ୱରା ମଧ୍ୟ ଆଶ୍ଚର୍ଯ୍ୟ ପ୍ରକାଶ କରିଥିଲେ।

ଶୋ’ରେ ଦୁହିଁଙ୍କ ଏହି ରୋମାଣ୍ଟିକ୍ ମୁହୂର୍ତ୍ତକୁ ନେଇ ଦର୍ଶକଙ୍କ ଉତ୍ସାହ ଏବେ ବଢ଼ିବାରେ ଲାଗିଛି। ତେବେ ଏହା କେବଳ ଶୋ’ର ଅଂଶ ଭାବେ ମଜା-ମସ୍ତି ନା ବାସ୍ତବ ଜୀବନରେ ମଧ୍ୟ ଏହି କେମେଷ୍ଟ୍ରି ଆଗକୁ ବଢ଼ିବ, ତାହା ନେଇ ଦର୍ଶକଙ୍କ ଉତ୍ସୁକତା ବଢ଼ିଛି।

ପାର୍ଟିରେ ମଧ୍ୟ ନଜର ଆସିଥିଲା ରୋମାଣ୍ଟିକ୍ ଅନ୍ଦାଜ

ଏହା ପୂର୍ବରୁ ଶୋ’ର ଏକ ବଲିଉଡ୍ ଥିମ୍ ପାର୍ଟିରେ ମଧ୍ୟ ତେଜ ପ୍ରତାପ ଓ ଇରିନାଙ୍କ ରୋମାଣ୍ଟିକ୍ କେମେଷ୍ଟ୍ରି ଦେଖିବାକୁ ମିଳିଥିଲା। ଉଭୟ ଏକାଠି ନୃତ୍ୟ କରୁଥିବା ନଜର ଆସିଥିଲେ। ଏହି ମୁହୂର୍ତ୍ତର ଭିଡିଓ ଓ ଫଟୋ ମଧ୍ୟ ସୋସିଆଲ ମିଡିଆରେ ଫ୍ୟାନ୍ସଙ୍କ ଧ୍ୟାନ ଆକର୍ଷଣ କରିଥିଲା।

ତେଜ ପ୍ରତାପଙ୍କ ବ୍ୟକ୍ତିଗତ ଜୀବନ ମଧ୍ୟ ଚର୍ଚ୍ଚାରେ

ତେଜ ପ୍ରତାପ ଯାଦବଙ୍କ ବ୍ୟକ୍ତିଗତ ଜୀବନ ପୂର୍ବରୁ ମଧ୍ୟ ଚର୍ଚ୍ଚାରେ ରହିଛି। ୨୦୧୮ରେ ଐଶ୍ୱର୍ଯ୍ୟା ରାୟଙ୍କ ସହ ତାଙ୍କର ବିବାହ ହୋଇଥିଲା। ତେବେ ପରବର୍ତ୍ତୀ ସମୟରେ ଉଭୟଙ୍କ ମଧ୍ୟରେ ଦୂରତା ବଢ଼ିଥିଲା ଏବଂ ଛାଡ଼ପତ୍ର ମାମଲା କୋର୍ଟରେ ପହଞ୍ଚିଥିଲା। ଏବେ ‘ରାଇଜ୍ ଆଣ୍ଡ ଫଲ୍’ ଶୋ’ରେ ଇରିନାଙ୍କ ସହ ତେଜ ପ୍ରତାପଙ୍କ ଏହି ନୂଆ କେମେଷ୍ଟ୍ରି ଦର୍ଶକଙ୍କ ମନରେ ଅନେକ ପ୍ରଶ୍ନ ଉଠାଇଛି। ତେବେ ଶୋ’ରେ ଦେଖାଯାଉଥିବା ଏହି ରୋମାଣ୍ଟିକ୍ ମୁହୂର୍ତ୍ତଗୁଡ଼ିକ ପ୍ରକୃତ ପ୍ରେମ ସମ୍ପର୍କର ସଙ୍କେତ କି ନା କେବଳ ରିଆଲିଟି ଶୋ’ର ମନୋରଞ୍ଜନର ଅଂଶ, ତାହା ଆଗାମୀ ଦିନରେ ହିଁ ସ୍ପଷ୍ଟ ହେବ।