ACB Raid / Jaguar, Audi ସହ ୫୦୦ ଗ୍ରାମ୍ ସୁନା… ସରକାରୀ ଡାକ୍ତରଙ୍କ ଘରେ ରେଡ୍‌ରୁ ୧୦୦ କୋଟିର ସମ୍ପତ୍ତିର ଖୁଲାସା

ହାଇଦ୍ରାବାଦ: ଡାକ୍ତରଙ୍କ ୮ଟି ଠିକଣାରେ ରେଡ୍ । ମିଳିଲା ଜାଗୁଆର୍ ଓ ଅଡି କାର୍ ସହ ସୁନା ଏବଂ ଏକାଧିକ ଫ୍ଲାଟ୍ ଏବଂ କୋଟି କୋଟି ଟଙ୍କାର ନିବେଶ । ହାଇଦ୍ରାବାଦର ଜଣେ ସରକାରୀ ହସ୍ପିଟାଲ୍‌ର ଜଣେ ବରିଷ୍ଠ ଡାକ୍ତରଙ୍କ ଘରେ ତେଲଙ୍ଗାନା ACBର ରେଡ୍‌ରୁ ମିଳିଛି ୧୦୦ କୋଟିର ସମ୍ପତ୍ତି ।

NIMSର ଅତିରିକ୍ତ ଚିକିତ୍ସା ଅଧିକ୍ଷକ ଡକ୍ଟର ନୋରି ଲକ୍ଷ୍ମୀ ଭାସ୍କରଙ୍କ ବିରୋଧରେ ACB ଆୟ ବହିର୍ଭୂତ ସମ୍ପତ୍ତି ଠୁଳ ମାମଲା ରୁଜୁ କରି ତଦନ୍ତ କରୁଛି । ହାଇଦ୍ରାବାଦରେ ନୋରିଙ୍କ ୮ଟି ଠିକଣାରେ ରେଡ୍ କରାଯାଇଛି ।

ଏଥିସହ ପଢ଼ନ୍ତୁ: ଆତ୍ମହତ୍ୟା ନୁହେଁ ହତ୍ୟା; କୀଟନାଶକ ପିଆଇ ଇଞ୍ଜିନିୟରିଂ ଛାତ୍ରୀଙ୍କୁ ମାରିଦେଲେ ଅଧ୍ୟାପକ 

ଚଢ଼ାଉ ବେଳେ ACB ପାଇଛି ୧୦୦ କୋଟିରୁ ଅଧିକ ସମ୍ପତ୍ତି । କାଗଜ ପତ୍ରରେ ଏସବୁ ସମ୍ପତ୍ତିର ମୂଲ୍ୟ ୬ କୋଟି ୧୩ ଲକ୍ଷ ରହିଛି । ଯେତେବେଳେ କି ଏସବୁ ସମ୍ପତ୍ତିର ବଜାର ମୂଲ୍ୟ ୧୦୦ କୋଟିରୁ ଅଧିକ ହେବ ବୋଲି ACB ଆକଳନ କରିଛି । ଯାଞ୍ଚ ବେଳେ ୮ଟି ବହୁମୂଲ୍ୟ ଫ୍ଲାଟ ସହ ୪ଟି ପ୍ଲଟ୍, ବିଶାଖାପାଟ୍ଟଣରେ ୭୧୩୦ ସ୍କୋୟାର୍ ଫୁଟ୍‌ର ପ୍ଲଟ ସହ ବ୍ୟାଙ୍କ, ଡାକଘର ଜମା ଏବଂ ଘରୋଇ ନିବେଶ ସହ ମ୍ୟୁଚୁଆଲ୍ ଫଣ୍ଡ ମିଳିଛି ।

ଡକ୍ଟର ନୋରି ଲକ୍ଷ୍ମୀ ଭାସ୍କରଙ୍କ ପାଖରେ ଗୋଟିଏ 4-BHK ଲକଜୁରି ଫ୍ଲାଟ୍ ସହ ୨ଟି 3-BHK ଓ ପାଞ୍ଚଟି 2-BHK ଫ୍ଲାଟ୍ ରହିଛି । ଏଥିସହ ତାଙ୍କ ଠାରୁ ୫୧୭.୮ ଗ୍ରାମ ସୁନା ସହ ଜାଗୁଆର, ଅଡି ସହ ଟାଟା ନେକ୍ସନ୍ କାର ମଧ୍ୟ ଜବତ କରାଯାଇଛି ।

ଏଥିସହ ପଢ଼ନ୍ତୁ: ‘ହନୁମାନ ଅଂଶ’ ଗୀତରେ ଚମକିଲା ସୁନୀଲଙ୍କ ଭାଗ୍ୟ, ଏବେ ଦେଖିବେ ଦୁନିଆ 

ବ୍ୟାଙ୍କ ଆକାଉଣ୍ଟରେ ୪୧ ଲକ୍ଷ ଟଙ୍କା ଜମି ରହିଥିବା ବେଳେ ପୋଷ୍ଟ ଅଫିସ୍‌ରେ ୧୨ ଲକ୍ଷ ରହିଛି । ଘରୋଇ ନିବେଶ ଫାର୍ମରେ ୩୫ ଲକ୍ଷ ଜମା ରହିଥିବା ବେଳେ ମ୍ୟୁଚୁଆଲ୍ ଫଣ୍ଡରେ ୨୮.୫୫ ଲକ୍ଷ ଟଙ୍କା ଜମା ଥିବା ଠାବ କରିଛି ACB ।

ତଦନ୍ତ ବେଳେ ଜଣାପଡ଼ିଛି ଯେ, DRTର ବିବାଦୀୟ ଫ୍ଲାଟରେ ଡାକ୍ତର ବାବୁ ୧ କୋଟି ୩୦ ଲକ୍ଷ ଟଙ୍କା ନିବେଶ କରିଛନ୍ତି । ଏଥିସହ ଭିନ୍ନ ଭିନ୍ନ ଲୋକଙ୍କୁ ବିନା କାଗଜପତ୍ରରେ ୧ କୋଟି ୩୩ ଲକ୍ଷ ଟଙ୍କା ବ୍ୟକ୍ତିଗତ ଋଣ ମଧ୍ୟ ଦେଇଛନ୍ତି । ଏବେ ACB ମାମଲା ରୁଜୁ କରି ସମ୍ପତ୍ତି ନେଇ ଖୋଳତାଡ଼ ଜାରି ରଖିଛି ।