80 Lakh Murder Case / ଅବସରର ୧୫ ଦିନ ପୂର୍ବରୁ ସ୍ଵାମୀଙ୍କୁ ହେମଦସ୍ତାରେ ଛେଚି ମାରିଦେଲା ସ୍ତ୍ରୀ

ହାଇଦ୍ରାବାଦ: ସ୍ଵାମୀ, ସ୍ତ୍ରୀ ସମ୍ପର୍କ ବେଶ୍ ପବିତ୍ର ହୋଇଥାଏ । ଦୁହେଁ ଦୁହିଁଙ୍କ ସୁଖ, ଦୁଃଖରେ ରହିବାକୁ ପଣ କରିଥାନ୍ତି । ବୟସର ଅପରାହ୍ଣରେ ପରସ୍ପର ପ୍ରତି ଆବେଗ ଆହୁରି ବଢ଼ିଯାଏ । କିନ୍ତୁ, ସମ୍ପତ୍ତି ପାଇଁ ସମ୍ପର୍କ କେବେ କେବେ ତୁଚ୍ଛ ପାଲଟି ଯାଏ ।

ତେଲଙ୍ଗାନାର ସିଦ୍ଦିପେଟ ଜିଲ୍ଲାରୁ ଆସିଛି ଏଭଳି ଚାଞ୍ଚଲ୍ୟକର ମାମଲା । ଯେଉଁଠି ବୃଦ୍ଧାବସ୍ଥାରେ ସ୍ତ୍ରୀ, ସ୍ଵାମୀକୁ ହତ୍ୟା କରିଛି । ସ୍ଵାମୀର ଅବସରକାଳୀନ ଟଙ୍କାକୁ ନେଇ ବିବାଦ ପରେ ସ୍ତ୍ରୀ ନେଇ ଯାଇଛି ସ୍ଵାମୀର ଜୀବନ । ହେମଦସ୍ତାରେ ଛେଚି ସ୍ଵାମୀକୁ ମାରି ଦେଇଛି ।

ଏଥିସହ ପଢ଼ନ୍ତୁ: ବିବାହ ପରେ କଳାକନା ବୁଲାଇଦେଲେ କନ୍ୟା; ତାଜୁବ ହୋଇଗଲେ ଶ୍ଵଶୁର ଘର! 

ସୂଚନା ଅନୁସାରେ, ମୃତକ ଭେଙ୍କଟଶମ ଆସିଫାବାଦରେ ବାଣିଜ୍ୟିକ ଟିକସ ଅଧିକାରୀ ଥିଲେ । ତାଙ୍କ ପତ୍ନୀ ରାଜମଣି ଜଣେ ସହାୟକ ନର୍ସ ବାବେ କାମ କରୁଥିଲେ । ଉଭୟ ହନୁମାନ ନଗର ଅଞ୍ଚଳରେ ରହୁଥିଲେ ।

ଭେଙ୍କଟଶମ ଚଳିତ ମାସରେ ଅବସର ଗ୍ରହଣ କରିଥାନ୍ତେ । ପୋଲିସ ଅନୁସାରେ, ଅବସର ଗ୍ରହଣ ପରେ ମିଳିବାକୁ ଥିବା ଟଙ୍କା ଓ ସମ୍ପତ୍ତି ଅଂଶକୁ ନେଇ ଦମ୍ପତିଙ୍କ ମଧ୍ୟରେ କିଛିଦିନ ହେଲା ବିବାଦ ଲାଗି ରହିଥିଲା । ଅବସର ପରେ ଭେଙ୍କଟଶମଙ୍କୁ ପ୍ରାୟ ୮୦ ଲକ୍ଷ ଟଙ୍କା ମିଳିଥାନ୍ତା । ସେହି ଟଙ୍କା ପାଇଁ ଆରମ୍ଭ ହୋଇଥିଲା ଝଗଡ଼ା ।

ବିବାଦ ଭିତରେ ସୋମବାର ଏହି ପ୍ରସଙ୍ଗକୁ ନେଇ ପୁଣି ଝଗଡ଼ା ହୋଇଥିଲା । ସ୍ଵାମୀ, ସ୍ତ୍ରୀଙ୍କ ମଧ୍ୟରେ ଝଗଡ଼ାକୁ ନେଇ ରାଜମଣି ରାଗି ଯାଇଥିଲେ । ଘରେ ଥିବା ହେମଦସ୍ତା ଆଣି ସ୍ଵାମୀଙ୍କୁ ଆକ୍ରମଣ କରିଥିଲେ । ଭେଙ୍କଟଶମଙ୍କ ମୁଣ୍ଡ ଓ ଶରୀରରେ ଗଭୀର ଆଘାତ ଲାଗିବା ସହ ଘଟଣାସ୍ଥଳରେ ହିଁ ଆଖି ବୁଜିଥିଲେ ।

ଏଥିସହ ପଢ଼ନ୍ତୁ: ସ୍କୁଲ ପ୍ରିନ୍ସିପାଲଙ୍କ ନିନ୍ଦନୀୟ କାଣ୍ଡ, ମୁହଁରେ କାଳି ବୋଳିଲେ ଛାତ୍ରୀ 

ପତିହନ୍ତା ପତ୍ନୀ ଗିରଫ

ଖବର ପାଇ ତୁରନ୍ତ ହୁସନାବାଦ ପୋଲିସ ପହଞ୍ଚିଥିଲା । ମୃତଦେହ ଜବତ କରିବା ସହ ପୋଲିସ ଅଭିଯୁକ୍ତି ପତ୍ନୀ ରାଜମଣିଙ୍କୁ ଗିରଫ କରି ପଚରାଉଚରା କରୁଛି । ରାଜମଣିଙ୍କ ବିରୋଧରେ ହତ୍ୟା ମାମଲା ରୁଜୁ କରିଛି ପୋଲିସ ।