ଅର୍ଗସ ବ୍ୟୁରୋ :ଦିଲ୍ଲୀ ମେଟ୍ରୋର ପ୍ରତିଦିନ କିଛି ନା କିଛି ଭିଡିଓକୁ ନେଇ ସୋସିଆଲ ମିଡିଆରେ ଚର୍ଚ୍ଚା ଲାଗି ଲାଗି ରହିଥାଏ । କେବେ ଝଗଡା ହେଉଥିବାର ଭିଡିଓ ତ କେବେ ରିଲ୍ସ ଡ୍ୟାନ୍ସ ଭିଡିଓ ଭାଇରାଲ ହୋଇଥାଏ । ତେବେ ଗତ କିଛିଦିନ ହେବ ଦିଲ୍ଲୀ ମେଟ୍ରୋର ଏକ ଭିଡିଓ ଖୁବ ଭାଇରାଲ ହେବାରେ ଲାଗିଛି । ଯେଉଁଥିରେ ଦୁଇଜଣ ବ୍ୟକ୍ତି ଖୁବ ଜୋରରେ ଝଗ଼ଡା କରୁଛନ୍ତି । ଜଣେ ବୟସ୍କ ବ୍ୟକ୍ତି ଏବଂ ଆଉ ଜଣେ ଯୁବକ ଝଗଡା କରୁଥିବା ଦେଖିବାକୁ ମିଳିଛି ।
ଭିଡିଓରେ ଦେଖାଯାଇଛି ଯେ , ଉଭୟଙ୍କ ଭିତରେ ସିଟକୁ ନେଇ ଝଗଡା ଚାଲିଛି । ଏଥିରେ ଜଣେ ଅନ୍ୟଜଣଙ୍କୁ କହୁଛନ୍ତି, " ତମେ ମୋ ମୁଣ୍ଡରେ ବସିବ ନା କଣ ? ଏହା ପରେ ଆଉ ଜଣେ କହୁଛନ୍ତି, "ତମେ କଣ ବୋକା ?"  ସେ କହୁଛନ୍ତି, "ହଁ" । ସାମାନ୍ୟ ସିଟକୁ ଉଭୟଙ୍କ ମଧ୍ୟରେ ଅନେକ ସମୟ ଯାଏଁ ଝଗଡା ଲାଗି ରହିଥିଲା । ଏହାକୁ ନେଇ ପାଖରେ ବସିଥିବା କିଛି ଯାତ୍ରୀ ସେମାନଙ୍କୁ ବୁଝାଇଥିଲେ । ପରେ ଏହାର ସମାଧାନ ହୋଇଥିଲା ।

ଅଧିକ ପଢନ୍ତୁ ଭାରତ ଖବର

ଏହି ଭିଡିଓ "ଘର କେ କଲେଶ" ନାମକ ଏକ୍ସ ହ୍ୟାଣ୍ଡଲରେ ପୋଷ୍ଟ କରାଯାଇଛି । ଯାହାକୁ ଏପର୍ଯ୍ୟନ୍ତ ୪୦ ହଜାରରୁ ଅଧିକ ଲୋକ ଦେଖି ସାରିଛନ୍ତି । ଏ ଘଟଣା ନୂଆ ନୁହେଁ, ପୂର୍ବରୁ ମଧ୍ୟ ଏପରି ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଥିବା ଦେଖିବାକୁ ମିଳିଛି ।