ନୂଆଦିଲ୍ଲୀ: ପାକିସ୍ତାନର ଆତଙ୍କୀ ସଂଗଠନ ଲସ୍କର ଏ ତୋଇବା ଭାରତ ବିରୋଧରେ ବଡ଼ ଷଡ଼ଯନ୍ତ୍ର କରୁଛି । ଲାଲକିଲ୍ଲା ସହ ଦେଶର ଅନ୍ୟ ବଡ଼ ମନ୍ଦିର ରହିଛି ଲସ୍କର ଆତଙ୍କାବାଦୀଙ୍କ ଟାର୍ଗେଟ୍‌ରେ । ଏନେଇ ସୁରକ୍ଷା ଏଜେନ୍ସି ଆଲର୍ଟ ଜାରି କରିଛି ।

ସୁରକ୍ଷା ଏଜେନ୍ସି ପକ୍ଷରୁ କୁହାଯାଇଛି, ଦିଲ୍ଲୀର ଲାଲକିଲ୍ଲା ସମ୍ମୁଖରେ ବୋମା ବିସ୍ଫୋରଣ ପାଇଁ ଆତଙ୍କବାଦୀ ଷଡ଼ଯନ୍ତ୍ର ରଚିଛନ୍ତି । ଲାଲକିଲ୍ଲା ସହ ଚାନ୍ଦିନୀ ଚୌକ ମନ୍ଦିର ରହିଛି ଆତଙ୍କବାଦୀଙ୍କ ଟାର୍ଗେଟ୍‌ରେ ।

ଏଥିସହ ପଢ଼ନ୍ତୁ: ପୁଣି ବିମାନକୁ ମିଳିଲା ବୋମା ଧମକ, ଶୌଚାଳୟରୁ ମିଳିଲା ଧମକପୂର୍ଣ୍ଣ ଚିଠି

ଏଜେନ୍ସି ଅନୁସାରେ, ଲସ୍କର ଏ ତୋଇବା ଆଇଡି ବିସ୍ଫୋରଣ ପାଇଁ ଷଡ଼ଯନ୍ତ୍ର ରଚିଛି । ଫେବରୁଆରୀ ୬ ତାରିଖରେ ପାକିସ୍ତାନର ଇସଲାମାବାଦର ମସଜିଦ୍‌ରେ ହୋଇଥିବା ବିସ୍ଫୋରଣର ପ୍ରତିଶୋଧ ନେବାକୁ ଲସ୍କର ଆତଙ୍କୀ ଯୋଜନା କରୁଛନ୍ତି । ଲସ୍କର ଏ ତୋଇବାର ଟାର୍ଗେଟ୍‌ରେ ରହିଛି ଭାରତର ବଡ଼ ବଡ଼ ମନ୍ଦିର ।

ଲାଲକିଲ୍ଲା ନିକଟରେ ବିସ୍ଫୋରଣ

ଗତବର୍ଷ ଡିସେମ୍ବର ମାସରେ ଲାଲକିଲ୍ଲା ନିକଟରେ ବଡ଼ ଧରଣର ବିସ୍ଫୋରଣ ହୋଇଥିଲା । ବିସ୍ଫୋଟକ ଭର୍ତ୍ତି କାର୍‌ ସହ ନିଜକୁ ଉଡ଼ାଇ ଦେଇଥିଲା ଆତ୍ମଘାତୀ ବିସ୍ଫୋରଣକାରୀ ।

ଏବେ ପୁଣି ଥରେ ଲାଲକିଲ୍ଲା ନିକଟରେ ବିସ୍ଫୋରଣ ନେଇ ଗୁଇନ୍ଦା ସୂଚନା ପରେ ସୁରକ୍ଷା କର୍ମୀ ଆଲର୍ଟରେ ରହିଛନ୍ତି । ସୁରକ୍ଷା ବ୍ୟବସ୍ଥାକୁ ବଢ଼ାଇ ଦିଆ ଯାଇଛି । ଗତବର୍ଷ ଲାଲକିଲ୍ଲା ମେଟ୍ରୋ ବାହାରେ ବିସ୍ଫୋରଣ ପରେ ଡାକ୍ତରୀ ଆତଙ୍କୀ ମଡ୍ୟୁଲ୍‌ର ପର୍ଦ୍ଦାଫାସ୍ ହୋଇଥିଲା ।

ଉକ୍ତ ବିସ୍ଫୋରଣର ମାଷ୍ଟରମାଇଣ୍ଡ ଥିଲା ଡକ୍ଟର ଉମର-ଉନ୍-ନବି । ଡକ୍ଟର ଉମର ଅନ୍ୟ ଆତ୍ମଘାତୀ ଆକ୍ରମଣକାରୀଙ୍କୁ ଭର୍ତ୍ତି କରିବାକୁ ପ୍ରୟାସ କରିଥିଲା । କିନ୍ତୁ ପ୍ରୟାସରେ ସଫଳ ହୋଇନଥିଲେ ।

ଉମର ଦ୍ଵାରା ସଞ୍ଚାଳିତ ଏକ ସମାନ୍ତର ଆତଙ୍କୀ ମଡ୍ୟୁଲ୍‌ର ପର୍ଦ୍ଦାଫାସ୍ କରିଥିଲା ଶ୍ରୀନଗର ପୋଲିସ ଓ ଏନ୍‌ଆଇଏ । ଲାଲକିଲ୍ଲା ନିକଟରେ ବିସ୍ଫୋରଣ ହୋଇଥିବା ଗାଡ଼ିକୁ ହିଁ ଉମର ଡ୍ରାଇଭ୍ କରୁଥିଲା । ଯେଉଁ ବିସ୍ଫୋରଣରେ ୧୨ରୁ ଅଧିକକଙ୍କ ମୃତ୍ୟୁ ହୋଇଥିଲା ।

ଏଥିସହ ପଢ଼ନ୍ତୁ: ପୁଣି ଦିଲ୍ଲୀ ସ୍କୁଲକୁ ବୋମାରେ ଉଡ଼ାଇଦେବାକୁ ଧମକ; କ୍ଲାସରୁମ୍ ଖାଲି କଲା ପୋଲିସ

ମାମଲାରେ ଗିରଫ ହୋଇଥିବା ସନ୍ଦିଗ୍ଧଙ୍କୁ ପଚରାଉଚରା ବେଳେ ଡାକ୍ତରରୁ ଆତଙ୍କବାଦୀ ପାଲଟିବା ରଣନୀତିର ଖୁଲାସା ହୋଇଥିଲା । ଉକ୍ତ ତଥ୍ୟ ଆଧାରରେ ଏନ୍ଆଇଏ ଶୋପିଆନ୍‌ରୁ ୟାସିର ଅହମଦ ଡାରକୁ ବାନ୍ଧିଥିଲା ।

ପାକିସ୍ତାନରେ ବିସ୍ଫୋରଣ, ୩୧ ମୃତ

ବିଗତ ଦିନରେ ପାକିସ୍ତାନର ଶିୟା ମସଜିଦ୍‌ ବାହାରେ ଆତ୍ମଘାତୀ ବିସ୍ଫୋରଣ ହୋଇଥିଲା । ଯେଉଁଥିରେ ୩୧ ଜଣ ପ୍ରାଣ ହରାଇଥିଲେ । ବିସ୍ଫୋରଣ ପାଇଁ ଇସଲାମିକ ଷ୍ଟେଟ ସହ ଜଡ଼ିତ ଏକ ସଂଗଠନ ନିଜକୁ ଦାୟୀ କରିଥିଲା ।