ଅର୍ଗସ ବ୍ୟୁରୋ : ଲୋକସଭା ନିର୍ବାଚନର ପ୍ରଥମ ପର୍ଯ୍ୟାୟ ଏପ୍ରିଲରେ ଆରମ୍ଭ ହେବାକୁ ଯାଉଛି । ନିର୍ବାଚନକୁ ନେଇ ପ୍ରସ୍ତୁତି ଖୁବ ଜୋରସୋରରେ ଆରମ୍ଭ ହୋଇଛି । ପ୍ରତ୍ୟେକ ରାଜ୍ୟ ତଥା ଜିଲ୍ଲାରେ ନିର୍ବାଚନକୁ ନେଇ ପ୍ରସ୍ତୁତି ଜାରି ରହିଛି । ଏ ଭିତରେ ଏକ ନୋଟିସ ଜାରି କରିଛି ଉତ୍ତରପ୍ରଦେଶ ଗାଜିଆବାଦର ଜିଲ୍ଲା ନିର୍ବାଚନ ଅଧିକାରୀ । ଯାହାକୁ ନେଇ ଲାଗିରହିଛି ଚର୍ଚ୍ଚା । ଏହି ନୋଟିସ ଜିଲ୍ଲାର ସମସ୍ତ ପ୍ରାଇଭେଟ ଗାଡି ମାଲିକଙ୍କୁ ଦିଆଯାଇଛି । ନିର୍ବାଚନ ଡ୍ୟୁଟି ପାଇଁ ସେମାନଙ୍କ ଗାଡିକୁ ପୋଲିସ ଲାଇନରେ ଜମା କରିବାକୁ ନୋଟିସ ଦର୍ଶାଯାଇଛି ।

ଅଧିକ ପଢନ୍ତୁ election-24 ଖବର

ଏହି ନୋଟିସରେ ଲେଖାଯାଇଛି , କାର ମାଲିକ ନିଜ ଗାଡିକୁ ଏପ୍ରିଲ ୨୩ ତାରିଖ ସକାଳ ୧୦ ବେଳେ ପୋଲିସ ଲାଇନ ପ୍ରଭାରୀ ନିର୍ବାଚନ ଅଧିକାରୀଙ୍କ ନିକଟରେ ଜମା କରିବାକୁ ପଡିବ । ଗାଡିକୁ ସଠିକ ସ୍ଥାନରେ ରଖିବା ସହ ଏହାର ଖର୍ଚ୍ଚ ମଧ୍ୟ ନିଜେ ଗାଡି ମାଲିକ ହିଁ ଭରଣ କରିବ । ଯଦି ଗାଡିର କୌଣସି କ୍ଷତି ହୁଏ ତେବେ ଗାଡି ମାଲିକ ନିର୍ବାଚନ ଅଧିକାରୀଙ୍କୁ ଏ ସମ୍ବନ୍ଧରେ ସୂଚନା ଦେଇପାରିବେ । ତେବେ ଜିଲ୍ଲା ପ୍ରଶାସନ ଗାଡି ମାଲିକକୁ ଗାଡି ବାବଦକୁ ଟଙ୍କା ମଧ୍ୟ ଦେବ । ଲୋକ ପ୍ରତିନିଧିତ୍ବ ଅଧିନିୟମ ୧୯୫୧ ର ଧାରା ୧୬୦ ରେ ଉଲ୍ଲେଖ ରହିଛି ଯେ ନିର୍ବାଚନ ଦ୍ବାରା ସମ୍ବନ୍ଧିତ କୌଣସି କାର୍ଯ୍ୟ ପାଇଁ ପ୍ରାଇଭେଟ ଗାଡି ବ୍ୟବହାର କରାଯାଇପାରିବ ।

Argus News | argus news | Odisha Latest News, Breaking News, Trending News, Live TV