ଅର୍ଗସ ବ୍ୟୁରୋ : ବିବାହ ସମୟର ଏକ ମଜାଦାର ଫଟୋ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଯେଉଁଥିରେ ବର ଜଣକ ବିବାହ ବେଦିରେ ନିଜ ସାଙ୍ଗଙ୍କ ସହ ଲୁଡୁ ଖେଳୁଛନ୍ତି । ତାଙ୍କ ସହ ତାଙ୍କର ଦୁଇଜଣ ସାଙ୍ଗ ଲୁଡୁ ଖେଳୁଛନ୍ତି । ଯାହାର ଏକ ଫଟୋ ଏବେ ସମସ୍ତଙ୍କ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି ।

ବିବାହ ସିଜିନ ଯୋଗୁଁ ଏବେ ଦେଶର ଅନେକ ପ୍ରାନ୍ତରେ ବିବାହ ଚାଲିଥିବା ଦେଖିବାକୁ ମିଳିଛି । ଭିନ୍ନଭିନ୍ନ ସଂସ୍କୃତି ତଥା ପରମ୍ପରାର ଲୋକଙ୍କ ବିବାହ ଅନୁଷ୍ଠିତ ହେଉଥିବା ଦେଖିବାକୁ ମିଳିଛି । ରିପୋର୍ଟ ମୁତାବକ ପୁରା ଦେଶରେ ୪୮ ଲକ୍ଷ ପାଖାପାଖି ବାହାଘର ଅନୁଷ୍ଠିତ ହୋଇଛି । ଯେଉଁଥିରୁ ୬ ଲକ୍ଷ କୋଟି ଟଙ୍କାର ରାଜସ୍ବ ଲାଭ ହେବ ବୋଲି ଅନୁମାନ କରାଯାଉଛି । ତେବେ ଏହି ବିବାହ ସମୟରେ ଏକ ବେଙ୍ଗଲି ପରିବାରର ବିବାହରେ ଏପରି ଏକ ମଜାଦାର ଦୃଶ୍ୟ ଦେଖିବାକୁ ମିଳିଛି ।

Bro has his own priorities pic.twitter.com/CEVJnfPpvb
— Muskan (@Muskan_nnn) November 27, 2024

ଯେଉଁଠି ବର ବେଦିରେ ବସିଥିବା ଅବସ୍ଥାରେ ନିଜ ସାଙ୍ଗମାନଙ୍କ ସହ ଲୁଡୁ ଖେଳୁଛନ୍ତି । ବେଦିରେ ପଣ୍ଡିତ ଏବଂ ଜଣେ ଫଟୋଗ୍ରାଫର ବସିଥଇବା ନଜର ଆସିଛନ୍ତି । ଏହି ଫଟୋ ମୁସ୍କାନ ନାମକ ଜଣେ ଆଇଡି ଟ୍ବିଟରରେ ପୋଷ୍ଟ କରିଛନ୍ତି । ସେ ଲେଖିଛନ୍ତି, ଭାଇ ଜଣକ ନିଜ କାମରେ ବ୍ୟସ୍ତ ଅଛନ୍ତି । ତେବେ ଏହି ପୋଷ୍ଟକୁ ନେଇ କିଛିଜଣ ଭଲ କମେଣ୍ଟ କରିଥିବା ବେଳେ କିଛିଜଣ ଖରାପ କମେଣ୍ଟ ମଧ୍ୟ କରିଛନ୍ତି । ଜଣେ ଲେଖିଛନ୍ତି, " ସବୁବେଳେ ନିଜ ସଂସ୍କୃତି ପରମ୍ପରାକୁ ସମ୍ମାନ ଦେବା ଆବଶ୍ୟକ । ଏହା ଖେଳିବା ଭଳି ସ୍ଥାନ ନୁହେଁ " । ସେହିପରି ଆଉ ଜଣେ ଲେଖିଛନ୍ତି, "ଯଦି ମୁଁ ଝିଅଟିଏ ହୋଇଥାନ୍ତି, ତେବେ ସେଠାରୁ ଦୌଡି ପଳାଇଥାନ୍ତି ।" ଆଉ ଜଣେ ବ୍ୟକ୍ତି ଲେଖିଛନ୍ତି, ତାଙ୍କୁ ଖରାପ କମେଣ୍ଟ ଦବା ଆଦୌ ଉଚିତ ନୁହେଁ । କାରଣ ସେ ମାତ୍ର କିଛି ସମୟ ପାଇଁ ହିଁ ଖେଳୁଛନ୍ତି । ଏହି ପୋଷ୍ଟକୁ ଏବେ ଯାଏଁ ୪ ଲକ୍ଷ ୬୫ ହଜାର ଲୋକ ଦେଖିସାରିଛନ୍ତି ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV