ଅର୍ଗସ ବ୍ୟୁରୋ : ୨୫ ତମ କାର୍ଗିଲ ବିଜୟ ଦିବସରେ ସହିଦ ଯବାନମାନଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବୀର ସହିଦଙ୍କୁ ସ୍ମରଣ କରିବାକୁ ଦ୍ରାସରେ ନିର୍ମାଣ ହୋଇଥିବା କାରଗିଲ ଯୁଦ୍ଧ ସ୍ମାରକୀରେ ଜଣାଇଛନ୍ତି ଶ୍ରଦ୍ଧାଞ୍ଜଳି। ସେପଟେ ନୂଆଦିଲ୍ଲୀ ସ୍ଥିତ ଜାତୀୟ ସମର ସ୍ମାରକୀରେ ଶ୍ରଦ୍ଧାସୁମନ ଅପର୍ଣ କରିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । ୧୯୯୯ ମସିହା ଜୁଲାଇ ୨୬ ତାରିଖ ଏହି ଦିନ, ଭାରତୀୟ ସେନାର ସାହସୀ ସୈନିକମାନେ ପାକିସ୍ତାନ ବିପକ୍ଷରେ ବିଜୟ ହାସଲ କରିଥିଲେ । ଭାରତ ଏବଂ ପାକିସ୍ତାନ ମଧ୍ୟରେ କାର୍ଗିଲ ଯୁଦ୍ଧ ୬୦ ଦିନ ଧରି ଚାଲିଥିଲା । ପାକିସ୍ତାନୀ ସେନା ଗୁପ୍ତରେ କାର୍ଗିଲ ପାହାଡ ଉପରକୁ ଚଢି ଯାଇଥିଲେ । ଭାରତୀୟ ଅଞ୍ଚଳରେ କାର୍ଗିଲର ୧୫ ହଜାର ଫୁଟ ଉଚ୍ଚ ଶିଖରକୁ କବଜା କରି ନେଇଥିଲେ ପାକିସ୍ତାନୀ ସୈନିକ ।

ଅଧିକ ପଢନ୍ତୁ : ଆଜି ୨୫ ତମ କାର୍ଗିଲ ବିଜୟ ଦିବସ

କିନ୍ତୁ ଭାରତୀୟ ସେନ୍ୟ ଅଦମ୍ୟ ସାହସ ଦେଖାଇ କାର୍ଗିଲଙ୍କୁ ପାକିସ୍ତାନୀ ସେନାଙ୍କ କବଳରୁ ମୁକ୍ତ କରିଥିଲେ । କାର୍ଗିଲ ଯୁଦ୍ଧରେ ୫୦୦ରୁ ଅଧିକ ଭାରତୀୟ ସେନଙ୍କ ସ୍ମୃତିରେ ଏଠାରେ ଏକ ସ୍ମାରକ ନିର୍ମାଣ କରାଯାଇଛି । ଏହା ଭାରତୀୟ ସେନାଙ୍କ ପାଇଁ ଉତ୍ସର୍ଗୀକୃତ ।ଏହି ଅବସରରେ ସିଙ୍କୁନ୍ ଲା ଟନେଲ୍ ପ୍ରକଳ୍ପର ଶିଳାନ୍ୟାସ କରିଛନ୍ତି ମୋଦି । ଏହି ପ୍ରକଳ୍ପର ଲମ୍ବ ୪.୧ କିଲୋମିଟର ଅଟେ। ଏହି ପ୍ରକଳ୍ପ ସମାପ୍ତ ହେବ, ଏହା ଦୁନିଆର ସର୍ବୋଚ୍ଚ ଟନେଲ୍ ହେବ। ସିଙ୍କୁନ୍ ଲା ଟନେଲ୍ ସମାପ୍ତ ହେବା ସହିତ ଆମର ସୁରକ୍ଷା ବାହିନୀ ମଧ୍ୟ ବହୁତ ସାହାଯ୍ୟ ପାଇବେ କହିଛନ୍ତି ପ୍ରଧାନମନ୍ତ୍ରୀ।