ଅର୍ଗସ ବ୍ୟୁରୋ : ପୃଥିବୀ ବିନା ଆମର ସତ୍ତା ଅସମ୍ଭବ । ଏହାକୁ କିପରି ସୁରକ୍ଷିତ ରଖିବା ତାହାର ଦାୟିତ୍ବ ସମ୍ପୁର୍ଣ୍ଣ ଆମର । ଏକ ସୁସ୍ଥ ତଥା ସୁନ୍ଦର ପୃଥିବୀ ଗଢି ତୋଳିବାର ଦାୟିତ୍ବ ହେଉଛି ଆମର । ସେଥିପାଇଁ ପ୍ରତବର୍ଷ ଏପ୍ରିଲ ୨୨ ତାରିଖକୁ ବିଶ୍ବ ପୃଥିବୀ ଦିବସ ରୂପେ ପାଳନ କରାଯାଉଛି । ଚଳିତ ବର୍ଷର ଥିମ ରହିଛି ପ୍ଲାନେଟ ବନାମ ପ୍ଲାଷ୍ଟିକ ।(planet vs plastic) । ଅର୍ଥାତ ପୃଥିବୀକୁ କିପରି ଆମେ ସମ୍ପୁର୍ଣ୍ଣ ପ୍ଲାଷ୍ଟିକ ମୁକ୍ତ କରିବା ।

କେବଳ ଯେ ପ୍ଲାଷ୍ଟିକ ମୁକ୍ତ କରିବା ତା ନୁହେଁ, ଆହୁରି ଅନେକ ବିଷୟ ଉପରେ ଆମକୁ ଧ୍ୟାନ ଦେବାକୁ ପଡିବ । ଯେମିତିକି ପ୍ରଦୂଷଣ ମୁକ୍ତ, ଜୈବବିବିଧତା, ଜଳବାୟୁ ପରିବର୍ତ୍ତନ ଉପରେ ବିଶେଷ ଧ୍ୟାନ ଦେବାକୁ ପଡିବ । ଆମର ଏକ ଅନିୟମିତତା ତଥା ଅପ୍ରାକୃତିକ ଜୀବନଶୈଳୀ ଯୋଗୁଁ ପୃଥିବୀର ଅବସ୍ଥା ଦିନକୁ ଦିନ ବିଗିଡିବାରେ ଲାଗିଛି । ଯେଉଁଥିପାଇଁ ଆମେ ସମସ୍ତେ ଦାୟୀ । କେବଳ ବର୍ତ୍ତମାନର କିଛିଟା ସୁଖ ପାଇଁ ଅତ୍ୟଧିକ ପରିମାଣରେ ଜଙ୍ଗଲ ସଫା କରି ଆମେ ବିପଦକୁ ଡାକି ଆଣୁଛନ୍ତି । ଯାହା ଭବିଷ୍ୟତ ପାଇଁ ଅତ୍ୟନ୍ତ ଭଙ୍କର ସ୍ଥିତି ଉପୁଯାଇପାରେ । ତେଣୁ ଏସବୁ ପାଇଁ ସଚେତନତା ନିଶ୍ଚିତ ଆବଶ୍ୟକ ।

ଅଧିକ ପଢନ୍ତୁ ଦେଶ ଖବର

ଯୁଗ ବଦଳିବା ସହ ଆମର ଚାଲିଚଳନି ବ୍ୟବହାର ସବୁ ବଦଳିବାରେ ଲାଗିଛି। ଯେଉଁଠି ଅତ୍ୟଧିକ ଅତ୍ୟାଧୁନିକ ଜିନିଷ ବ୍ୟବହାର କରିବା ପୃଥିବୀ ପାଇଁ କାଳ ସାଜିଛି। ଯେମିତିକି କ୍ଷେତ ପାଇଁ ଅଧିକ ରାସାୟନିକ ସାର , କଳକାରଖାନାର ଅନର୍ଗଳ ବାହାରୁଥିବା ଦୂଷିତ ଧୁଆଁ, ଜଙ୍ଗଲ ସଫା, ଜଳର ଅପ ବ୍ୟବହାର ଆହୁରି ଅନେକ କିଛି । ଏସବୁର ପରିମାଣ ଆମକୁ ଅନେକ ମାତ୍ରାରେ କମାଇବାକୁ ପଡିବ । ଯେଉଁଠି ଆମର ସୁନ୍ଦର ସବୁଜିମା ପୃଥିବୀ ତାର ସତ୍ତା ହରାଇ ବସିଛି । ଯାହାକୁ ପୁଣିଥରେ ସବୁଜ ସୁନ୍ଦର କରିବାର ଆବଶ୍ୟକତା ରହିଛି । ତେଣୁ ଏହିସବୁ ବିଷୟରେ ଧ୍ୟାନ ଦେଲେ ଆମେ ଆମର ପୃଥିବୀକୁ ବଞ୍ଚାଇ ପାରିବା ।

Argus News | argus news | Odisha Latest News, Breaking News, Trending News, Live TV