ମୃତ୍ୟୁ... କେତେବେଳେ ବି ଆସିପାରେ । କାହାକୁ କିଛି ନକହି ଅଚାନକ । ଆଉ କ୍ଷଣିକରେ ସବୁ କିଛି ନେଇ ଚାଲିଯାଏ । ଯେମିତି ଏହି ଦୁର୍ଘଟଣାରେ ଦେଖିବାକୁ ମିଳିଛି । ଅଚାନକ ଏକ ବସ୍ ଆସିଲା ନଦୀ ଭିତରେ ପଶିଗଲା । ବସ୍‌ ଭିତରେ ଭର୍ତ୍ତି ହୋଇ ରହିଥିଲେ ଯାତ୍ରୀ । ରାସ୍ତାରୁ ନଦୀକୁ ଧସେଇ ପଶିଲା ବସ୍‌ । ଧିରେ ଧିରେ ନଦୀରେ ପୁରା ବୁଡ଼ିଗଲା । ୧୬ ଜଣ ଯାତ୍ରୀଙ୍କର ମୃତ୍ୟୁ ହୋଇଛି ।

ବସ୍‌ଟି ଯାତ୍ରୀ ମାନଙ୍କୁ ଧରି ଅଚାନକ ଆସି ନଦୀ ଭିତରେ ଧସେଇ ପଶିଗଲା । ବସ୍‌କୁ କେହି ଅଟକାଇ ପାରିଲେ ନାହିଁ। ଛଟପଟ ହୋଇ ଯାତ୍ରୀ ମାନଙ୍କର ମୃତ୍ୟୁ ହୋଇଯାଇଛି । କିଛି ଯାତ୍ରୀଙ୍କ ଭାଗ୍ୟ ଭଲ ଥିଲା ସେମାନେ ପାଣି ଭିତରୁ ପହଁରି ବାହାରି ଆସିଛନ୍ତି । ଆଉ କିଛି ଜଣ ଏବେବି ନିଖୋଜ ଅଛନ୍ତି ।

ବସଟି ଆସିଲା ସିଧା ନଦୀରେ ବୁଡ଼ି ଗଲା । ଆଉ କ୍ଷଣିକରେ ପାଣିରେ ଯାତ୍ରୀଙ୍କୁ ଧରି ବୁଡ଼ି ଯାଉଛି ବସ୍ । କାନ୍ଦ ବୋବାଳିରେ ଫାଟି ପଡ଼ୁଛି ପୁରା ପରିବେଶ ।
ସୂଚନା ମୁତାବକ ବାଂଲାଦେଶର ପଦ୍ମା ନଦୀରେ ବସ ଖସିପଡିବାରୁ ବଡ଼ ଧରଣର ଦୁର୍ଘଟଣା ଘଟିଛି ।

ବୁଧବାର ଅପରାହ୍ନ ପ୍ରାୟ ୫ଟା ୧୫ ମିନିଟ୍ ସମୟରେ ଘଟିଛି ଏହି ଘଟଣା। ଏକ ଯାତ୍ରୀବାହୀ ବସ ଫେରିରେ ଚଢ଼ିବାକୁ ଅପେକ୍ଷା କରିଥିବା ବେଳେ ଏହି ଅଘଟଣ ଘଟିଥିଲା । ପଛପଟୁ ଜୋରରେ ଧକ୍କା ହେବାରୁ ବସଟି ଭାରସାମ୍ୟ ହରାଇ ଗଭୀର ନଦୀ ମଧ୍ୟକୁ ଖସି ପଡିଥିଲା । ଯାତ୍ରୀ ମାନେ ବସ୍‌ ସହ ପାଣିରେ ବୁଡ଼ି ଯାଇଥିଲେ। ଫଳରେ ୧୬ ଜଣ ଯାତ୍ରୀଙ୍କର ମୃତ୍ୟୁ ହୋଇଛି। ଅନେକ ଯାତ୍ରୀ ନଖୋଜ ରହିଛନ୍ତି ।

ସେପଟେ ଖବର ପାଇ ଅଗ୍ନିଶମ ବାହିନୀ, ପୋଲିସ ଏବଂ ନୌସେନା ପକ୍ଷରୁ ବ୍ୟାପକ ଉଦ୍ଧାର କାର୍ଯ୍ୟ କରାଯାଇଥିଲା । ଉଦ୍ଧାରକାରୀ ଦଳ ନଦୀ ମଧ୍ୟରୁ ବସଟିକୁ ଉଦ୍ଧାର କରିବା ପରେ ସେଥିରୁ ୧୬ ଜଣଙ୍କ ଶବ ମିଳିଛି । ମୃତକଙ୍କ ମଧ୍ୟରେ ମହିଳା ଓ ଶିଶୁ ମଧ୍ୟ ରହିଛନ୍ତି । କିଛି ଯାତ୍ରୀ ପହଁରି କୂଳକୁ ଆସିବାରେ ସଫଳ ହୋଇଥିବା ବେଳେ ଅନ୍ୟମାନଙ୍କୁ ଖୋଜାଖୋଜି ଜାରି ରହିଛି ।

ପଢନ୍ତୁ ଏହି ଖବର: ଆନ୍ଧ୍ରରେ ଭୟଙ୍କର ଦୁର୍ଘଟଣା, ବସ୍‌ ଓ ଟ୍ରକ ମଧ୍ୟରେ ମୁହାଁମୁହିଁ ଧକ୍କା...ଚାଲିଗଲା ୧୨ ଜୀବନ