ଫ୍ରାନ୍ସରେ ଅନୁଷ୍ଠିତ G7 ଶିଖର ସମ୍ମିଳନୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମଧ୍ୟରେ ଏକ ଦ୍ୱିପାକ୍ଷିକ ବୈଠକ ଅନୁଷ୍ଠିତ ହୋଇଥିଲା । ଏହି ସମୟରେ ଟ୍ରମ୍ପ ଭାରତକୁ ସମର୍ଥନ କରି ଏକ ବଡ଼ ବୟାନ ଦେଇଛନ୍ତି ।

ସେ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କାର୍ଯ୍ୟକାଳ ମଧ୍ୟରେ ଯଦି ଭାରତ ଉପରେ ଆକ୍ରମଣ ହୁଏ, ତେବେ ଆମେରିକା ସାହାଯ୍ୟ ପାଇଁ ଠିଆ ହେବ । ଟ୍ରମ୍ପ କହିଥିଲେ, "ପ୍ରଧାନମନ୍ତ୍ରୀ ମୋଦି ଶାନ୍ତ ଦେଖାଯାଆନ୍ତି, କିନ୍ତୁ କଥା ହେବା ସମୟରେ ସେ ବହୁତ କଠୋର ।"

#WATCH | Evian, France | US President Donald Trump says, "As long as I am President, they (India) have a great friend in the White House...Everyone here loves India and they have tremendous respect for this (PM Narendra Modi) man."

(Video: Reuters) pic.twitter.com/Bsz8XqEBuh

— ANI (@ANI) June 17, 2026

ଟ୍ରମ୍ପ ମଧ୍ୟ ଉପସାଗରୀୟ ଅଞ୍ଚଳରେ ସମ୍ପ୍ରତି ଆମେରିକାର ସାମରିକ କାର୍ଯ୍ୟାନୁଷ୍ଠାନରେ ନିହତ ତିନି ଜଣ ଭାରତୀୟ ନାବିକଙ୍କ ମୃତ୍ୟୁ ପାଇଁ ସମବେଦନା ପ୍ରକାଶ କରିଥିଲେ । ବୈଠକ ସମୟରେ ଟ୍ରମ୍ପ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଶଂସା କରି କହିଥିଲେ, "ସେ ଜଣେ ଅତ୍ୟନ୍ତ କଠୋର ନେତା, କିନ୍ତୁ ସେ ବହୁତ ସୁନ୍ଦର ଦେଖାଯାଆନ୍ତି ।"
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପ୍ରଧାନମନ୍ତ୍ରୀ ମୋଦି ଏବଂ ଭାରତକୁ ପ୍ରଶଂସା କରିବା ସହ ବାଣିଜ୍ୟ ଚୁକ୍ତି ନେଇ ବଡ଼ ବୟାନ ଦେଇଛନ୍ତି । ଟ୍ରମ୍ପ ନିଜର ସ୍ୱତନ୍ତ୍ର ଶୈଳୀରେ ପ୍ରଧାନମନ୍ତ୍ରୀ ମୋଦୀଙ୍କୁ ପ୍ରଶଂସା କରି କହିଛନ୍ତି ଯେ, "ପିଏମ୍ ମୋଦୀ ଜଣେ ସମ୍ପୂର୍ଣ୍ଣ 'କିଲର୍' (Total Killer) ଏବଂ ବହୁତ ଜଣେ ଟାଣୁଆ ବ୍ୟବସାୟୀ (Tough Trader)।"

ଟ୍ରମ୍ପ କହିଛନ୍ତି, "ଯେପର୍ଯ୍ୟନ୍ତ ମୁଁ ଆମେରିକାର ରାଷ୍ଟ୍ରପତି ଅଛି, ହ୍ୱାଇଟ୍ ହାଉସରେ ଭାରତର ଜଣେ ମହାନ ବନ୍ଧୁ ରହିଛି। ଏଠାରେ ଉପସ୍ଥିତ ସମସ୍ତେ ଭାରତକୁ ଭଲ ପାଆନ୍ତି ଏବଂ ମୋଦିଙ୍କୁ ବହୁତ ସମ୍ମାନ କରନ୍ତି ।" ଭାରତ ଏବଂ ଆମେରିକା ମଧ୍ୟରେ ଏକ ବଡ଼ ଧରଣର ବାଣିଜ୍ୟ ଚୁକ୍ତି (Trade Deal) ସ୍ୱାକ୍ଷର ହେବାର ଅତି ନିକଟତର ବୋଲି ଟ୍ରମ୍ପ ସୂଚନା ଦେଇଛନ୍ତି ।