ଉତ୍ତରପ୍ରଦେଶରେ SIR ପ୍ରକ୍ରିୟା ପରେ ନିର୍ବାଚନ କମିଶନ ମଙ୍ଗଳବାର ଡ୍ରାଫ୍ଟ ତାଲିକା ପ୍ରକାଶ କରିଛନ୍ତି । ଏହି ଡ୍ରାଫ୍ଟ ତାଲିକା ପ୍ରଥମେ ଡିସେମ୍ବର ୩୧ ତାରିଖରେ ପ୍ରକାଶିତ ହେବାର ଥିଲା । କିନ୍ତୁ ଏହି ତାଲିକା ଜାନୁଆର ୬ରେ ପ୍ରକାଶ ପାଇଛି । ରାଜ୍ୟର ମୁଖ୍ୟ ନିର୍ବାଚନ କମିଶନ ଡ୍ରାଫ୍ଟ ତାଲିକା ପ୍ରକାଶ କରିଛନ୍ତି । ଏହି ପ୍ରକ୍ରିୟାରେ ଉତ୍ତର ପ୍ରଦେଶରୁ ୨.୮୯ କୋଟି ଭୋଟରଙ୍କ ନାମ ବାଦ ଦିଆଯାଇଛି । ଯାହାଫଳରେ ଏବେ ଉତ୍ତରପ୍ରଦେଶ ଭୋଟର ଲିଷ୍ଟରେ ୧­୨.୫୫ କୋଟି ଭୋଟର ରହିଛନ୍ତି ।
ନିର୍ବାଚନ ଅଧିକାରୀଙ୍କ ଅନୁଯାୟୀ ଯଦି କୌଣସି ଭୋଟରଙ୍କ ନାମ ଡ୍ରାଫ୍ଟ ତାଲିକାରୁ ବାଦ ପଡ଼ିଥାଏ ତେବେ ଭୟଭୀତ ହେବାର କୌଣସି ଆବଶ୍ୟକତା ନାହିଁ । ପ୍ରଥମେ ଡ୍ରାଫ୍ଟ ତାଲିକାରେ ଆପଣଙ୍କ ନାମ ଯାଞ୍ଚ କରିବା ପାଇଁ କମିଶନର ୱେବସାଇଟ୍ - voters.eci.gov.in/download-eroll?stateCode=S24 ପରିଦର୍ଶନ କରନ୍ତୁ । ଏଠାରେ ଆପଣ ଆପଣଙ୍କର EPIC ନମ୍ବର, ନାମ ଏବଂ ବିଧାନସଭା ଏବଂ ଜିଲ୍ଲା ପ୍ରବେଶ କରିପାରିବେ ।

ଯଦି ଆପଣଙ୍କ ନାମ UP SIR ରୁ କଟିଯାଏ ତେବେ ଏହା କରନ୍ତୁ:

ଯଦି କୌଣସି ଭୋଟରଙ୍କ ନାମ ଡ୍ରାଫ୍ଟ ତାଲିକାରୁ ବାଦ୍ ପଡ଼ିଛି । ତେବେ ସେମାନେ ଫେବୃଆରୀ ୬ ପର୍ଯ୍ୟନ୍ତ ସେମାନଙ୍କର ଦାବି କିମ୍ବା ଆପତ୍ତି ଦାଖଲ କରିପାରିବେ । ନୂତନ ଏବଂ ବାଦ୍‌ ଦିଆଯାଇଥିବା ଭୋଟରମାନଙ୍କୁ ଫର୍ମ ୬ ପୂରଣ କରିବାକୁ ପଡ଼ିବ । ଭୁଲ ନାମ ଥିବା ଭୋଟରମାନଙ୍କୁ ଫର୍ମ ୭ ପୂରଣ କରିବାକୁ ପଡିବ ଏବଂ ସଂଶୋଧନ ପାଇଁ ଫର୍ମ ୮ ପୂରଣ କରିବାକୁ ପଡ଼ିବ । ଏହା ଅନଲାଇନ କିମ୍ବା ଅଫଲାଇନରେ ଦାଖଲ କରାଯାଇପାରିବ । ଏଥିପାଇଁ ଜନ୍ମ ପ୍ରମାଣପତ୍ର, ଠିକଣା ଏବଂ ପରିଚୟ ପ୍ରମାଣ ଆବଶ୍ୟକ । ଆପଣଙ୍କ ଅଞ୍ଚଳର BLO ଙ୍କ ସହିତ ଯୋଗାଯୋଗ କରନ୍ତୁ ।

ଉତ୍ତର ପ୍ରଦେଶର ମୁଖ୍ୟ ନିର୍ବାଚନ ଅଧିକାରୀ ନବଦୀପ ରିନୱାଙ୍କ ଅନୁସାରେ, ଏହା ଏପର୍ଯ୍ୟନ୍ତର ସବୁଠାରୁ ବଡ଼ ଭୋଟର ତାଲିକା ସଂଶୋଧନ ଅଭିଯାନ । ବର୍ତ୍ତମାନ ପର୍ଯ୍ୟନ୍ତ ରାଜ୍ୟରେ ୧୫.୪୪ କୋଟି ଭୋଟର ପଞ୍ଜୀକୃତ ହୋଇଥିଲେ ଏବଂ SIR ପ୍ରକ୍ରିୟା ପରେ ୨.୮୯ କୋଟି ଭୋଟରଙ୍କ ନାମ କଟାଯାଇଛି ।

ନିର୍ବାଚନ କମିଶନଙ୍କ ଅନୁଯାୟୀ, ଉତ୍ତର ପ୍ରଦେଶର ଚୂଡ଼ାନ୍ତ ଭୋଟର ତାଲିକା ୬ ମାର୍ଚ୍ଚ, ୨୦୨୬ରେ ପ୍ରକାଶିତ ହେବ। କମିଶନ ଭୋଟରମାନଙ୍କୁ ଡ୍ରାଫ୍ଟ ତାଲିକାରେ ସେମାନଙ୍କ ନାମ ଯାଞ୍ଚ କରିବାକୁ ଏବଂ କୌଣସି ତ୍ରୁଟି କିମ୍ବା ବାଦ ପଡ଼ିଲେ, ନିର୍ଦ୍ଧାରିତ ସମୟସୀମା ମଧ୍ୟରେ ଦାବି କିମ୍ବା ଆପତ୍ତି ଦାଖଲ କରିବାକୁ ନିବେଦନ କରିଛନ୍ତି ।