ଅର୍ଗସ ବ୍ୟୁରୋ : ଆଗକୁ ଲୋକସଭା ନିର୍ବାଚନ। ଏବେ ଉତ୍ତରପ୍ରଦେଶରେ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବଙ୍କ ଘରକଳି ପଦାରେ ପଡ଼ିବାକୁ ଯାଉଛି । ୨୦୨୨ ବିଧାନସଭା ନିର୍ବାଚନ ପରି ଅବସ୍ଥା ଏବେ ସୃଷ୍ଟି ହୋଉଛି । ସୋସିଆଲ ମିଡ଼ିଆରେ ଚର୍ଚ୍ଚା ହେଉଛି ଅଖିଳେଶଙ୍କ ସ୍ତ୍ରୀ ଡିମ୍ପଲ ଯାଦବଙ୍କ ଗଡ଼ କୁହାଯାଉଥିବା ମୈନପୁରୀ ଲୋକସଭା ଆସନରେ ମୁଲାୟମ ସିଂ ଯାଦବଙ୍କ ଛୋଟ ବୋହୂ ଅପର୍ଣ୍ଣା ଯାଦବଙ୍କୁ ବିଜେପି ଟିକେଟ ଦେବ ବୋଲି ଚର୍ଚ୍ଚା ହେଉଛି । ଏପରି ହେଲେ ବଡ଼ ବୋହୂ ଏବଂ ସାନ ବୋହୂ ମୁହାଁମୁହିଁ ହେବେ ।

ଅଧିକ ପଢନ୍ତୁ ଭାରତ ଖବର

ଅପର୍ଣ୍ଣା ଗତ କିଛି ଦିନ ଧରି ବିଜେପିର ବଡ଼ ବଡ଼ ନେତାଙ୍କୁ ଭେଟିବାରେ ଲାଗିଛନ୍ତି । ସେ ପ୍ରଥମେ ବିଜେପିର ରାଷ୍ଟ୍ରୀୟ ମହାସଚିବ ସୁନୀଲ ବଂଶଲଙ୍କୁ ଭେଟିବାକୁ ଦିଲ୍ଲୀରେ ପହଞ୍ଚିଥିଲେ । ଏହାପରେ ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ପ୍ରଦେଶ ଅଧ୍ୟକ୍ଷ ଭୂପେନ୍ଦ୍ର ଚୌଧୁରୀଙ୍କୁ ମଧ୍ୟ ସାକ୍ଷାତ୍ କରିଥିଲେ । ତେବେ ଚର୍ଚ୍ଚା ହେଉଛି ଯେ, ବିଜେପି ଡିମ୍ପଲ ଏବଂ ଅଖିଳେଶଙ୍କୁ ଅସୁବିଧାରେ ପକାଇବା ପାଇଁ ଅପର୍ଣ୍ଣାଙ୍କୁ ପ୍ରାର୍ଥୀ କରିପାରେ । ମୁଲାୟମଙ୍କ ମୃତ୍ୟୁ ପରେ ବଡ଼ ବୋହୂ ଡିମ୍ପଲ ମୈନପୁରୀ ଆସନରୁ ସାଂସଦ ଅଛନ୍ତି । ୨୦୨୪ ଲୋକସଭା ନିର୍ବାଚନ ପାଇଁ ଡିମ୍ପଲ ମୈନପୁରୀରୁ ସମାଜବାଦୀ ପାର୍ଟି ପ୍ରାର୍ଥୀ ଅଛନ୍ତି ।