Argus News - ବନ୍ଦେ ଭାରତ ଟ୍ରେନ୍‌ ଖାଦ୍ୟରେ ପୋକ, ୧୦ ଲକ୍ଷ ଜରିମାନା ଲଗାଇଲା IRCTC

ବନ୍ଦେ ଭାରତ ଏକ୍ସପ୍ରେସରେ ଯାତ୍ରା କରୁଥିବା ଯାତ୍ରୀମାନଙ୍କର ବିଶେଷ ଯତ୍ନ ନେଇଥାଏ ଭାରତୀୟ ରେଳବାଇ । ପୂର୍ବରୁ ଯେତେବେଳେ କେହି ଟ୍ରେନରେ ନିମ୍ନମାନର ଖାଦ୍ୟ ପ୍ରସଙ୍ଗ ଉଠାଇଥିଲେ, ରେଳବାଇ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଏଥର ଅହମ୍ମଦାବାଦ ଏବଂ ମୁମ୍ବାଇ ମଧ୍ୟରେ ଯାତ୍ରା କରୁଥିବା ବନ୍ଦେ ଭାରତ ଏକ୍ସପ୍ରେସରେ ଖାଦ୍ୟରେ ପୋକ ଥିବା ଅଭିଯୋଗ ହୋଇଥିଲା । ଆଉ ଏହା ପରେ IRCTC ବିକ୍ରେତା କମ୍ପାନୀ ବିରୁଦ୍ଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛି ।

ଗତ କିଛି ଦିନ ଧରି IRCTC ଏବଂ ରେଳବାଇ ଖାଦ୍ୟରେ ପୋକ ଏବଂ ଅନ୍ୟାନ୍ୟ ସମସ୍ୟା ପ୍ରତି ବହୁତ ସମ୍ବେଦନଶୀଳତା ଦେଖାଇଛି । ଏଥର ଜଣେ ଯାତ୍ରୀଙ୍କ ଅଭିଯୋଗ ପରେ IRCTC ଟ୍ରେନରେ ଖାଦ୍ୟ ପରିଚାଳନା କରୁଥିବା ଭେଣ୍ଡରଙ୍କ ଉପରେ ୧୦ ଲକ୍ଷ ଟଙ୍କା ଜରିମାନା ଲଗାଇଛି ।

ଏହି ଘଟଣାକୁ ଲୋକଲୋଚନକୁ ଆଣିଥିଲେ ଆଦିତ୍ୟ ଡିଡ଼ୱାନିଆ ନାମକ ଜଣେ ଯାତ୍ରୀ । ସେ ସୋସିଆଲ୍ ମିଡିଆ ପ୍ଲାଟଫର୍ମ 'X'ରେ ତିନୋଟି ଫଟୋ ଓ ଗୋଟିଏ ଭିଡି ସେୟାର କରି ଡାଲିରେ ପୋକ ଥିବା ଦେଖାଇଥିଲେ । ସେ କହିଥିଲେ ଯେ ତାଙ୍କ କୋଚ୍‌ରେ ଦୁଇଥର ଏହି ସମସ୍ୟା ଦେଖିବାକୁ ମିଳିଥିଲା । ଯାହାପରେ ଯାତ୍ରୀମାନେ ଖାଦ୍ୟ ଖାଇବା ବନ୍ଦ କରିଦେଇଥିଲେ ।

Found an insect in Vande Bharat train food (Ahmedabad → Mumbai). Atleast 2 such cases in my coach, everyone stopped eating after that.

Vendor: M/S Brandavan Food Products (part of RK Group).@fssaiindia @AshwiniVaishnaw @RailMinIndia @IRCTCofficial

Just one request to the… pic.twitter.com/rNrfVaNN5b

— Aditya Didwania (@adityadidwania) April 6, 2026

ସେ ଭେଣ୍ଡର କମ୍ପାନୀ ‘M/S ବୃନ୍ଦାବନ ଫୁଡ୍ ପ୍ରୋଡକ୍ଟସ୍‌’ (ଆର୍‌କେ ଗ୍ରୁପ୍‌ର ଅଂଶ) ନାମ ଉଲ୍ଲେଖ କରି ଏବଂ FSSAI, ରେଳମନ୍ତ୍ରୀ ଓ IRCTCକୁ ଟ୍ୟାଗ୍ କରି କଠୋର କାର୍ଯ୍ୟନୁଷ୍ଠାନ ପାଇଁ ଦାବି କରିଥିଲେ ।

ଏହାପରେ IRCTC ତୁରନ୍ତ ପ୍ରତିକ୍ରିୟା ଦେଇ ଯାତ୍ରୀଙ୍କୁ ତାଙ୍କର PNR ଓ ମୋବାଇଲ୍ ନମ୍ବର ମାଗିଥିଲା ଏବଂ ମାମଲାକୁ ତଦନ୍ତ ପାଇଁ ପଠାଇଥିଲା । ପରେ ସଂସ୍ଥା ଜଣାଇଥିଲା ଯେ, ଏହି ଘଟଣାକୁ ଗୁରୁତ୍ୱ ସହ ନେଇ ଭେଣ୍ଡର ଉପରେ ୧୦ ଲକ୍ଷ ଟଙ୍କା ଜରିମାନା ଲଗାଯାଇଛି ।

ଏହା ସହ ସେହି ଭେଣ୍ଡରର ଲାଇସେନ୍ସ ମଧ୍ୟ ରଦ୍ଦ କରାଯାଇଛି । କିଚେନ୍‌କୁ ସିଲ୍ କରାଯାଇ ଡିପ୍ କ୍ଲିନିଂ ଓ ପେଷ୍ଟ କଣ୍ଟ୍ରୋଲ୍‌ କାମ ଆରମ୍ଭ ହୋଇଛି । IRCTC ଅସୁବିଧା ପାଇଁ କ୍ଷମା ପ୍ରାର୍ଥନା କରିଛି, କହିଛି ଯେ ସ୍ୱଚ୍ଛତା ଏବଂ ଯାତ୍ରୀ ସୁରକ୍ଷା ଏହାର ସର୍ବୋଚ୍ଚ ପ୍ରାଥମିକତା ।