Vijay Apologises / ଗୃହରେ ମନ୍ତ୍ରୀ କରିଦେଲେ ଏମିତି ଭୁଲ୍; ସଙ୍ଗେ ସଙ୍ଗେ ହାତ ଯୋଡ଼ି ଭୁଲ୍ ମାଗିଲେ ମୁଖ୍ୟମନ୍ତ୍ରୀ

ଚେନ୍ନାଇ: ବିଧାନସଭାରେ କ୍ଷମା ମାଗିଲେ ତାମିଲନାଡ଼ୁ ମୁଖ୍ୟମନ୍ତ୍ରୀ ଥଲାପତି ବିଜୟ । ଗୃହରେ ଟିଭିକେ ସରକାରଙ୍କ ଜଣେ ମନ୍ତ୍ରୀ ପୂର୍ବତନ ମୁଖ୍ୟମନ୍ତ୍ରୀ ଏମ୍ କରୁଣାନିଧିଙ୍କ ନାଁ ସିଧା ସଳଖ ନେଇ ନେଇଥିଲେ । ଯାହା ପରେ ତତ୍‌କ୍ଷଣାତ୍ ମୁଖ୍ୟମନ୍ତ୍ରୀ ବିଜୟ ହାତ ଯୋଡ଼ି କ୍ଷମା ପ୍ରାର୍ଥନା କରିଥିଲେ ।

ମନ୍ତ୍ରୀଙ୍କ ମନ୍ତବ୍ୟକୁ ବିଧାନସଭାରେ ଡିଏମ୍‌କେ ବିଧାୟକ ବିରୋଧ କରିଥିଲେ । କହିଥିଲେ, "ଏଭଳି ଭାବେ ପୂର୍ବତନ ମୁଖ୍ୟମନ୍ତ୍ରୀଙ୍କ ନାମ ନିଆଯାଇ ନଥାଏ । ତାଙ୍କ ନାଁ ଆଗରେ ସମ୍ମାନସୂଚକ ଶବ୍ଦ ଲଗାଇବା ଜରୁରୀ ଅଟେ ।"

ସଙ୍ଗେ ସଙ୍ଗେ ମୁଖ୍ୟମନ୍ତ୍ରୀ ଥଲାପତି ବିଜୟ ଛିଡ଼ା ହୋଇ ପଡ଼ିଥିଲେ ଏବଂ କହିଥିଲେ, "ପୂର୍ବତନ ମୁଖ୍ୟମନ୍ତ୍ରୀଙ୍କ ନାଁ ଯେଭଳି ନିଆଗଲା ତାହା ପ୍ରକୃତରେ ଭୁଲ୍ ଅଟେ । ତାଙ୍କ ତରଫରୁ ମୁଁ କ୍ଷମା ପ୍ରାର୍ଥନା କରୁଛି ।"

ଏଥିସହ ପଢ଼ନ୍ତୁ: ହସ୍ପିଟାଲରେ ପ୍ରସବ ବଦଳରେ ଘରେ ପ୍ରସବ କଲେ ମିଳିବ ଦଣ୍ଡ, ସରକାରଙ୍କ ନୂଆ ନିୟମ 

ତାମିଲନାଡ଼ୁର ଜଙ୍ଗଲ ମନ୍ତ୍ରୀ ଆରବୀ ରଞ୍ଜିତ, କରୁଣାନିଧିଙ୍କ ନାଁ କୌଣସି ସମ୍ମାନସୂଚକ ଶବ୍ଦ ନ ଲଗାଇ କହିଥିଲେ । ସେତେବଳେ ଗୃହରେ ଚର୍ଚ୍ଚା ବେଳେ ସ୍ଵାସ୍ଥ୍ୟ ସେବା ଅନୁଦାନକୁ ନେଇ ଚାଲିଥିଲା । ରଞ୍ଜିତ କୁମାର ଭୋଟ୍ ପାଇଁ ଟଙ୍କା ଦେବାକୁ ନିନ୍ଦା କରି କହିଥିଲେ, "ଗତ ନିର୍ବାଚନରେ କାଚିପୁରମରେ ପ୍ରତି ଭୋଟରଙ୍କୁ ୧୫୦୦ ଟଙ୍କା ବଣ୍ଟାଯାଇଛି । ଆମ ସରକାର ଟଙ୍କା ନ ବାଣ୍ଟି ଭୋଟ୍ ପାଇଛି ।"

ମନ୍ତ୍ରୀଙ୍କ ପାଇଁ ମାଗିଲେ କ୍ଷମା

ନିର୍ବାଚନ ସମୟରେ ଆପଣା ଯାଉଥିବା ରଣନୀତି ନେଇ ମନ୍ତ୍ରୀ ରଞ୍ଜିତ, ପୂର୍ବତନ ମୁଖ୍ୟମନ୍ତ୍ରୀଙ୍କୁ କରୁଣାନିଧି ବୋଲି ସମ୍ବୋଧନ କରିଥିଲେ । ଯାହାକୁ ଡିଏମ୍‌କେ ବିରୋଧ କରିବା ଆରମ୍ଭ କରିଥିଲା । ଡିଏମ୍‌କେ କହିଥିଲା, ସମ୍ମାନୀୟ ନେତାଙ୍କୁ ଏଭଳି କହିବା ଉଚିତ୍ ନୁହେଁ ।

ହଙ୍ଗାମା ବଢ଼ୁଥିବା ଦେଖି ମୁଖ୍ୟମନ୍ତ୍ରୀ ବିଜୟ ଛିଡ଼ା ହୋଇଥିଲେ । ମନ୍ତ୍ରୀଙ୍କ ବିବୃତି ମଝିରେ ମୁଖ୍ୟମନ୍ତ୍ରୀ କହିଥିଲେ, "ମୁଁ ମାନୁଛି ଯେଭଳି ଭାବେ ପୂର୍ବତନ ମୁଖ୍ୟମନ୍ତ୍ରୀଙ୍କ ନାମ ନିଆଗଲା, ତାହା ଭୁଲ୍ ଅଟେ ତାଙ୍କ ତରଫରୁ ମୁଁ କ୍ଷମା ମାଗୁଛି ।" ଯାହା ପରେ ସ୍ଥିତି ଶାନ୍ତ ପଡ଼ିଥିଲା ।