ଅର୍ଗସ ବ୍ୟୁରୋ : ଝଗଡାର ପ୍ରମୁଖ ସ୍ଥାନ ହେଉଛି ଦିଲ୍ଲୀ ମେଟ୍ରୋ । ଯିବା ଆସିବା ସମୟରେ ଅନେକ ଯାତ୍ରୀଙ୍କର ଏଠାରେ ମାଡଗୋଳ ଝଗଡା ହେଉଥିବା ଦେଖିବାକୁ ମିଳିଥାଏ । ଏପରି ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଥିବାର ଦେଖିବାକୁ ମିଳିଥାଏ । ଝଗଡା ସହ ଅନେକ ସମୟରେ ଦିଲ୍ଲୀ ମେଟ୍ରୋରେ ଡ୍ୟାନ୍ସ, ରିଲ୍ସ ବିଭିନ୍ନ ପ୍ରକାରର ଭିଡିଓ ନଜର ଆଶିଥାଏ । ଗତ କିଛିଦିନ ତଳେ ଏକ ଭିଡିଓ ସେହିପରି ଭଆଇରାଲ ହେବାରେ ଲାଗିଛି, ଯେଉଁଠି ଦୁଇଜଣ ବ୍ୟକ୍ତି ଖୁବ ଜୋରରେ ମାରପିଟ କରୁଛନ୍ତି । ସୂଚନା ମୁତାବକ ଏହି କିଠି ଟଙ୍କା ପାଇଁ ସେମାନେ ଉଭୟ ପରସ୍ପର ଭିତରେ ମାଡଗୋଳ ହେଉଥିବା ଦେଖିବାକୁ ମିଳିଥିଲା ।

ଅଧିକ ପଢନ୍ତୁ : ଦିଲ୍ଲୀ ମେଟ୍ରୋରେ ଭୟାନକ ଝଗଡା, ଭାଇରାଲ ହେଲା ଭିଡିଓ

ଏହି ସମୟରେ ପାଖରେ ଛିଡା ହୋଇଥିବା ତୃତୀୟ ବ୍ୟକ୍ତି ଜଣକ ଉଭୟଙ୍କୁ ଅଟକାଇବାକୁ ଚେଷ୍ଟା କରିଥିଲେ । ହେଲେ ସେମାନେ ନ ଅଟକି ସେହି ତୃତୀୟ ବ୍ୟକ୍ତିଙ୍କୁ ମାଡ ମାରିବାକୁ ଲାଗିଥିଲେ । ଏହି ଭିଡିଓକୁ ସୋସିଆଲ ମିଡିଆରେ " ଘର କେ କଲେଶ" ନାମକ ଏକ  ଟ୍ବିଟର ହ୍ୟାଣ୍ଡେଲ ଏକ୍ସରେ ଶେୟାର କରିଛି । ଏହି ଭିଡିଓକୁ ୧ ମିଲିଅନରୁ ଅଧିକ ଲୋକ ଦେଖି ସାରିଛନ୍ତି । ଏହାକୁ ନେଇ କିଛିଜଣ କମେଣ୍ଟ ଦେଇଛନ୍ତି, ପ୍ରକୃତରେ ଦୁଇଜଣ ମାଡଗୋଳ ଲାଗୁଥିବା ସମୟରେ ତୃତୀୟ ଜଣକ ଅଟକାଇବା ଆଦୌ ଉଚିତ ନୁହେଁ । ନହେଲେ ଏପରି ଅବସ୍ଥା ଭୋଗିବାକୁ ପଡିବ ।