ବର୍ତ୍ତମାନ ସମୟରେ କିଛି ଲୋକଙ୍କ ଭିତରେ ନାହିଁ ମାନବିକାତା... ହଜିଯାଇଛି ମଣିଷପଣିଆ । ଭୁଲିଯାଇଛନ୍ତି ସେ ବି ଜଣେ ନାରୀ । ଏମାନେ ମଣିଷ ନା ବହୁରୂପୀ ଏଣ୍ଡୁଅ । ଭଗବାନ ଏମାନଙ୍କ ମନରେ କଣ ସେଇ ସୁକ୍ଷ୍ମ ମାନବିକା ଏବଂ ସମ୍ବେଦନଶିଳର ଭାବନାକୁ ତିଆରି କରି ନାହାଁନ୍ତି । କେମିତି ଏମାନେ ଏତେ ଦୟା ହୀନ ହୋଇପାରନ୍ତି ।

ଗୋଟିଏ ୧୦ ବର୍ଷର ଝିଅକୁ ପ୍ରଥମେ ଅପହରଣ କରିନିଅନ୍ତି । ତାପରେ କୁନି ଝିଅଟିକୁ ନର ରାକ୍ଷାସ ମାନେ ଗଣ ଦୁଷ୍କର୍ମ କରନ୍ତି । ଆଉ ମନଭରିଗଲା ପରେ କୁନି ଝିଅଟିକୁ ଅତି ଅମାନୁଷିକ ଭାବେ ହତ୍ୟା କରିଦିଅନ୍ତି । ଏହି କଥାକୁ ଶୁଣିଲା ପରେ ଆପଣଙ୍କ ରକ୍ତ ଗରମ ହୋଇ ଯାଉଥିବ । ପ୍ରତିଶୋଧ ବହ୍ନି ମନଭିତରେ ଜଳିବାକୁ ଲାଗୁଥିବ । କିନ୍ତୁ ଏମାନେ ପୋଲିସ ଅଫିସର ଛୋଟି ଝିଅର ଦୁଷ୍କର୍ମ ଖବର ହସି ହସି ଦେଉଛନ୍ତି ।

ଜଣେ ମହିଳା ହୋଇ ମଧ୍ୟ ତାଙ୍କ ଭିତରେ ମମତା ବୋଲି ବୋଧେ କିଛି ଚିହ୍ନବର୍ଣ୍ଣ ନାହିଁ । ଗୋଟିଏ ମା' ତା ଝିଅକୁ ହରାଇ କାନ୍ଦୁଥିବା ବେଳେ ଜଣେ ମହିଳା ପୋଲିସ ଅଧିକାରୀ ମନ ଖୁସିରେ ହସୁଛନ୍ତି । ନଖ ନଖ କାମୁଡ଼ି ଠୋ ଠୋ ହୋଇ ହସୁଛନ୍ତି । ଉଚ୍ଚ ପଦସ୍ତ ପୋଲିସ ଅଧିକାରୀ ହୋଇ ମଧ୍ୟ ଦେଇଛନ୍ତି ନିର୍ଲଜତାର ପରିଚୟ । ଏମାନେ ମଣିଷ ନା ଆଉ କିଛି । ଭଗବାନ ଏମାନଙ୍କ ମନରେ କଣ ସେହି ସହାନୁଭୁତି ସେହି ମାନବିତାକୁ ତିଆରି କରିନାହାଁନ୍ତି ।

ତାମିଲନାଡ଼ୁ କୋଏମ୍ବଟୁରରେ ସେ କୁନି ଝିଅ ସହ ଯାହା ସବୁ ହେଲା ତା ଠାରୁ ଅତି ଲଜ୍ୟାଜନକ ଏହି ପୋଲିସ ମାନଙ୍କର ଆଚରଣ । ଦୁଷ୍କର୍ମ ହତ୍ୟାର ଖବର ଶୁଣିଲା ପରେ ଆମ ରକ୍ତ ଗରମ ହୋଇଯାଉଥିଲା । କିନ୍ତୁ ଏହି ସମ୍ବେଦନଶୀଳ ଘଟଣାକୁ ଏହି ପୋଲିସ ଅଧିକାରୀ ମାନେ ଏମିତି ଭାବରେ ହସିହସି ପ୍ରଫୁଲିତ ହୋଇ ସୂଚନା ଦେଲେ ଯାହା ସବୁଠାରୁ ଘୃଣ୍ୟ ।

ଏଥିସହ ପଢ଼ନ୍ତୁ: ନାବାଳିକାକୁ ଦୁଷ୍କର୍ମ ପରେ ନିର୍ମମ ହତ୍ୟା; ଘଟଣାର ୭୭ଦିନରେ ଦୁଷ୍କର୍ମକାରୀକୁ ଫାଶୀଦଣ୍ଡ

ଗୋଟିଏ ନିରୀହ ଝିଅ ସହ ଏମିତି ଘୃଣ୍ୟ କାଣ୍ଡ ଘଟିଗଲା ହେଲେ ଏଭଳି ବ୍ୟବହାର ଯାହା ତଣ୍ଟି ଫାଡ଼ି ଚିତ୍କାର କରି କହିଲା କି ପୋଲିସ ପ୍ରଶାସନ ତାର ମଣିଷପଣିଆକୁ ହରାଇ ଦେଇଛି । କୋଏମ୍ବଟୁରର ଏହି ଭିଡିଓ ଏବେ ପୋଲିସର ପ୍ରକୃତ ସତ ଦେଖାଇବା ପାଇଁ ପୁରା କାଫି ।

ଗୋଟିଏ ପରିବାର ପୁରା ବର୍ବାଦ ହୋଇଗଲା ଗୋଟିଏ ଝିଅର ଜୀବନ ଚାଲିଗଲା । କିନ୍ତୁ ଏହି ପୋଲିସ ଅଫିସର ମାନେ ୩୨ ଦାନ୍ତ ଦେଖାଉଛନ୍ତି । ନଖ କାମୁଡ଼ି ହସୁଛନ୍ତି । ମୋବାଇଲ ଦେଖୁଛନ୍ତି । ଏ ହସ ନୁହେଁ ଏ ହେଉଛଉି ପୋଲିସ ପ୍ରଶାସନ ମରିଯାଇଥିବା ଆତ୍ମା । ଅପରାଧି ମାନଙ୍କୁ ଗିରଫ କରି ଜେଲରେ ପୁରାଯାଇଛି । କିନ୍ତୁ ଏଭଳି ବ୍ୟବହାର ସମସ୍ତଙ୍କ ମନରେ ଦୁଃଖ ଆଣି ଦେଇଛି ।