ପଶ୍ଚିମବଙ୍ଗ ବିଧାନସଭା ନିର୍ବାଚନର ପ୍ରଥମ ପର୍ଯାୟ ଭୋଟିଂ । ୧୫୨ଟି ବିଧାନସଭା ଆସନରେ ୫୯୦ରୁ ଅଧିକ ପ୍ରାର୍ଥୀଙ୍କ ଭାଗ୍ୟ ଇଭିଏମରେ ସିଲ୍ ହୋଇଛି । ଆଜି ସକାଳୁ କଡା ସୁରକ୍ଷା ବ୍ୟବସ୍ଥା ମଧ୍ୟରେ ଆରମ୍ଭ ହୋଇଥିଲା ମତଦାନ । ତେବେ ପଶ୍ଚିମବଙ୍ଗ ବିଧାନସଭା ନିର୍ବାଚନ ୨୦୨୬ ପୁଣି ଥରେ ଦେଶର ଦୃଷ୍ଟି ଆକର୍ଷଣ କରିଛି । ଦିନସାରା ହିଂସା, ବୋମାମାଡ଼ ଏବଂ ସଂଘର୍ଷର ଖବର ଚର୍ଚ୍ଚାରେ ଥିଲେ ମଧ୍ୟ ପଶ୍ଚିମବଙ୍ଗରେ ଏଥର ବମ୍ପର ଭୋଟିଂ ହୋଇଛି । ସନ୍ଧ୍ୟା ୫ଟା ସୁଦ୍ଧା ରାଜ୍ୟରେ ପ୍ରାୟ ୯୦ ପ୍ରତିଶତ ମତଦାନ ରେକର୍ଡ କରାଯାଇଛି । ଯାହା ଏକ ବଡ଼ ରେକର୍ଡ ।

ପଶ୍ଚିମବଙ୍ଗରେ ୯୦ ପ୍ରତିଶତ ମତଦାନ

ନିର୍ବାଚନ କମିଶନଙ୍କ ପ୍ରାରମ୍ଭିକ ଡାଟା ଅନୁଯାୟୀ, ଶେଷ ଘଣ୍ଟାରେ ମତଦାନ ହାର ସାଧାରଣତଃ ୨ ରୁ ୩ ପ୍ରତିଶତ ବୃଦ୍ଧି ପାଏ । ପ୍ରଶ୍ନ ହେଉଛି, ପଶ୍ଚିମବଙ୍ଗ ଏଥର ଐତିହାସିକ ୯୫ ପ୍ରତିଶତ ମତଦାନରେ ପହଞ୍ଚିପାରିବ କି ? ସନ୍ଧ୍ୟା ୫ଟା ସୁଦ୍ଧା ରାଜ୍ୟରେ ୮୯.୯୩ ପ୍ରତିଶତ ମତଦାନ ରେକର୍ଡ କରାଯାଇଛି । ଦିନ ଆରମ୍ଭରୁ ଅନେକ ଅଞ୍ଚଳରେ ଲମ୍ବା ଧାଡ଼ି ଦେଖିବାକୁ ମିଳିଥିଲା। ଗ୍ରାମାଞ୍ଚଳରୁ ସହରାଞ୍ଚଳ ବୁଥ୍ ପର୍ଯ୍ୟନ୍ତ, ମହିଳା, ବୟସ୍କ ଏବଂ ଯୁବକମାନେ ବହୁ ସଂଖ୍ୟାରେ ମତଦାନ କେନ୍ଦ୍ରକୁ ଆସିଥିଲେ ।

#WATCH | West Bengal | EVMs are being sealed by polling officials as the voting for the #WestBengalLegislativeAssemblyelection2026 concludes; Visuals from a polling booth in Malda

As of 5 pm, the approximate voter turnout of 89.93% has been recorded in phase 1 of the elections… pic.twitter.com/j9ZnBcLj2K

— ANI (@ANI) April 23, 2026

ନିର୍ବାଚନ ସମୟରେ ଅନେକ ସ୍ଥାନରେ ହିଂସା ଘଟିଥିଲା

ତେବେ ପଶ୍ଚିମବଙ୍ଗରେ ପ୍ରଥମ ପର୍ଯ୍ୟାୟ ମତଦାନ ସମ୍ପୂର୍ଣ୍ଣ ଶାନ୍ତିପୂର୍ଣ୍ଣ ନଥିଲା । ମୁର୍ଶିଦାବାଦ, ନୱାଡା ଏବଂ ଅନ୍ୟାନ୍ୟ ସମ୍ବେଦନଶୀଳ ଅଞ୍ଚଳରେ ବୋମା ଆକ୍ରମଣ, ପଥର ଫିଙ୍ଗା ଏବଂ ରାଜନୈତିକ କର୍ମୀଙ୍କ ମଧ୍ୟରେ ସଂଘର୍ଷ ଜାରି ରହିଥିଲା । ପରିସ୍ଥିତି ନିୟନ୍ତ୍ରଣ କରିବା ପାଇଁ କେନ୍ଦ୍ରୀୟ ବାହିନୀ ଏବଂ ପୋଲିସକୁ ଅନେକ ସ୍ଥାନରେ ହସ୍ତକ୍ଷେପ କରିବାକୁ ପଡିଥିଲା । ଏହି ଘଟଣାଗୁଡ଼ିକ ନିର୍ବାଚନର ନିରପେକ୍ଷତା ଏବଂ ସୁରକ୍ଷା ଉପରେ ପ୍ରଶ୍ନ ଉଠାଇଥିଲା ।

ସେହିପରି ତାମିଲନାଡ଼ୁରେ ମଧ୍ୟ ଚଳିତ ଥର ବମ୍ପର ଭୋଟିଂ ହୋଇଛି । ସନ୍ଧ୍ୟା ୫ଟା ସୁଦ୍ଧା ନିର୍ବାଚନ କମିଶନ ଦେଇଥିବା ତଥ୍ୟ ଅନୁସାରେ ୮୨.୨୪ ପ୍ରତିଶତ ଭୋଟିଂ ରେକର୍ଡ କରାଯାଇଛି ।