Argus News - ପଶ୍ଚିମବଙ୍ଗ ଭୋଟ୍ ପୂର୍ବରୁ ବଡ଼ ଝଟକା ! ତାଲିକାରୁ ବାଦ୍‌ ପଡ଼ିଲେ ୯୦ ଲକ୍ଷ ଭୋଟର

ପଶ୍ଚିମବଙ୍ଗ ନିର୍ବାଚନ ପୂର୍ବରୁ ବଡ଼ ଝଟକା । ଭୋଟର ତାଲିକାରୁ ବାଦ୍ ପଡ଼ିଲେ ୯୦ ଲକ୍ଷ ଭୋଟର । ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ କାଉଣ୍ଟଡାଉନ୍ ଆରମ୍ଭ ହୋଇଥିବାବେଳେ ନିର୍ବାଚନ କମିଶନଙ୍କ ସ୍ପେଶାଲ୍ ଇଣ୍ଟେନସିଭ୍ ରିଭିଜନ ବା SIR ପ୍ରକ୍ରିୟାକୁ ନେଇ ଏବେ ସାରା ରାଜ୍ୟରେ ତେଜିଛି ବିବାଦ ।

ପଶ୍ଚିମବଙ୍ଗରେ ଦୁଇଟି ପର୍ଯ୍ୟାୟରେ ମତଦାନ ହେବାକୁ ଯାଉଛି । ଏପ୍ରିଲ ୨୩ରେ ୧୫୨ଟି ଆସନ ଓ ଏପ୍ରିଲ ୨୯ରେ ୧୪୨ଟି ଆସନ ପାଇଁ ଭୋଟ୍ ଗ୍ରହଣ କରାଯିବ । ରିପୋର୍ଟ ଅନୁଯାୟୀ, SIR ପ୍ରକ୍ରିୟା ପରେ ମୋଟ ୯୦.୮ ଲକ୍ଷ ନାମ କଟିଛି । ଯାହା ମଧ୍ୟରୁ ପ୍ରାୟ ୨୭.୧ ଲକ୍ଷ ଲୋକଙ୍କୁ ସମ୍ପୂର୍ଣ୍ଣ ଅଯୋଗ୍ୟ ଘୋଷଣା କରାଯାଇଛି ।
ଏହି ପ୍ରସଙ୍ଗକୁ ନେଇ ଟିଏମସି ଓ ବିଜେପି ମଧ୍ୟରେ ରାଜନୈତିକ ଯୁଦ୍ଧ ଆରମ୍ଭ ହୋଇଛି । ମୁଖ୍ୟମନ୍ତ୍ରୀ ମମତା ବାନାର୍ଜୀ କେନ୍ଦ୍ରୀୟ ବାହିନୀର ନିୟୋଜନକୁ ନେଇ ପ୍ରଶ୍ନ ଉଠାଇଥିବାବେଳେ, କେନ୍ଦ୍ରମନ୍ତ୍ରୀ ରାଜନାଥ ସିଂ ଏହାକୁ ଦୁର୍ଭାଗ୍ୟଜନକ ବୋଲି କହିଛନ୍ତି । ନିର୍ବାଚନ କମିଶନ ଏକ ସ୍ୱୟଂଶାସିତ ସଂସ୍ଥା, ଏହା ଉପରେ ଆଙ୍ଗୁଠି ଉଠାଇବା ଅନୁଚିତ୍ ବୋଲି କହିଛନ୍ତି ରାଜନାଥ ।

ଆସନ୍ତା ମେ' ୪ ତାରିଖରେ ନିର୍ବାଚନ ଫଳାଫଳ ପ୍ରକାଶ ପାଇବ । ଆଜି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ସମେତ ବିଜେପି ସାଂସଦ ବାଂଶୁରୀ ସ୍ବରାଜ, ହରିୟାଣା ସିଏମ ନାୟବ ସିଂହ ସୈନି, ଟିଏମସି ପୋଲ୍ ଖୋଲିବା ସହ ଏଥର ରାଜ୍ୟରେ ପରିବର୍ତ୍ତନ ନିଶ୍ଚିତ ବୋଲି ଦାବି କରିଛନ୍ତି ।