India News / ମୋଦିଙ୍କ ପାଇଁ କାହିଁକି ଗୁରୁତ୍ବପୂର୍ଣ୍ଣ ୩, ଖୋଲିଲେ "୩ ଅଙ୍କ"ର ରାଜ୍...
Key Points
ଅର୍ଗସ ବ୍ୟୁରୋ: ଦେଶରେ ମୋଦି ସରକାରଙ୍କ ତୃତୀୟ କାର୍ଯ୍ୟକାଳ ଆରମ୍ଭ ହୋଇଛି। ତୃତୀୟ ଥର ପ୍ରଧାନମନ୍ତ୍ରୀ ଭାବେ ଶପଥ ନେବା ପରେ ଆଗାମୀ ଦିନ ପାଇଁ ତାଙ୍କର ଯୋଜନା ଆହୁରି ୩ଗୁଣ ବଢିଯାଇଛି । ତେବେ ସମସ୍ତଙ୍କ ମନରେ ପ୍ରଶ୍ନ ଆସେ, ମୋଦି ୩ ସଂଖ୍ୟାକୁ କାହିଁକି ଗୁରୁତ୍ବ ଦିଅନ୍ତି । ତାର ଉତ୍ତର ମୋଦି ମସ୍କୋରେ ଥିବା ଭାରତୀୟଙ୍କ ସହ କଥା ହେବାପରେ ଦେଇଛନ୍ତି ।
ଦୁଇଦିନିଆ ଅଷ୍ଟ୍ରିଆ ଏବଂ ଋଷିଆ ଗସ୍ତରେ ଯାଇଛନ୍ତି ପ୍ରଧାନମନ୍ତ୍ରୀ । ସେଠାରେ ରଷରେ ଥିବା ପ୍ରବାସୀ ଭାରତୀୟଙ୍କୁ ଭେଟିଛନ୍ତି ମୋଦି । ସେମାନଙ୍କ ସହ ଭାରତର ଉନ୍ନତି , ଆଗାମୀ ବିକଶିତ ଭାରତ ପାଇଁ କାର୍ଯ୍ୟସୂଚି ଏବଂ ଭାରତ ସହ ଋଷିଆର ଘନିଷ୍ଠ ସମ୍ପର୍କ ଉପରେ ଆଲୋଚନା କରିଛନ୍ତି ।
ମୋଦି କହିଛନ୍ତି , ତାଙ୍କୁ ଏବେ ଆହୁରି ୩ ଗୁଣା ଅଧିକ କାମ କରିବାକୁ ପଡିବ । କାରଣ ଅର୍ଥନୀତିରେ ଦେଶକୁ ବିଶ୍ବର ତୃତୀୟ ସ୍ଥାନକୁ ଆଣିବା ପାଇଁ ଅଧିକ କାମ କରିବାର ଆବଶ୍ୟକତା ରହିଛି । ଦେଶର ଯୁବପିଢୀଙ୍କ ମଧ୍ୟରେ ଅନେକ ଦକ୍ଷତା ରହିଛି । ଗତ ୧୦ ବର୍ଷ ଭିତରେ ଅନେକ ପରିବର୍ତ୍ତନ ଆସିଛି । ଆଗାମୀ ଦିନରେ ମଧ୍ୟ ଏହି ପରିବର୍ତ୍ତନ ଜାରି ରହିବ ।
ତେବେ ନିଜର ୩ ଅଙ୍କ ବିଶିଷ୍ଟ ବିଶେଷତ୍ବକୁ ନେଇ ମୋଦି କହିଛନ୍ତି, ସେ ଦେଶରେ ତୃତୀୟ ଥର ପାଇଁ ପ୍ରଧାନମନ୍ତ୍ରୀ ହୋଇଛନ୍ତି, ସେଥିପାଇଁ ସବୁ କାମ ସେ ୩ ଗୁଣା ଅଧିକ ବେଗରେ କାମ କରିବେ । ମୋଦି ୩.୦ର ପ୍ରଥମ ଲକ୍ଷ୍ୟ ହେଉଛି ଦେଶକୁ ବିଶ୍ବର ୩ ଅର୍ଥନୀତି ଦେଶରେ ସ୍ଥାନିତ କରିବା । ଯେଉଁଭଳି ଭାବେ ଭରତର ଅର୍ଥନୀତି ମଜବୁତ ହୋଇଛି, ଏହା ବିଶ୍ବର ୩ୟ ଅର୍ଥନୀତିକ ଦେଶ ହେବାକୁ ବେଶି ସମୟ ଲାଗିବନି ।
📱 Get Argus News App
✨ସେହିପରି ମୋଦିଙ୍କର ଆଉ କିଛି ଯୋଜନା ମଧ୍ୟ ୩ ଅଙ୍କ ସହ ଜଡିତ ରହିଛି । ଯେପରି ମୋଦି କହିଛନ୍ତି, ୩ କୋଟି ଲକ୍ଷପତି ଦିଦି ତିଆରି କରିବା ମଧ୍ୟ ମୋଦି ସରକାରର ଲକ୍ଷ । ଏବଂ ଭାରତରେ ୩ କୋଟି ଆବାସ ଯୋଜନା ତିଆରି କରିବା ମଧ୍ୟ ଲକ୍ଷ ରଖାଯାଇଥିବା କହିଛନ୍ତି ପ୍ରଧାନମନ୍ତ୍ରୀ ।
ମୋଦି ଆହୁରି ମଧ୍ୟ କହିଛନ୍ତି, ଗତ ୧୦ ବର୍ଷରେ ଭାରତରେ ଯେଉଁ ବିକାଶ ହୋଇଛି, ତାହା କେବଳ ଟ୍ରେଲର, ଆଗକୁ ଆହୁରି ବହୁତ କିଛି କରିବା ବାକି ଅଛି ।
140 କୋଟି ଭାରତୀୟ ବର୍ତ୍ତମାନ ଏକ ସଂକଳ୍ପ ନେଇ ଭାରତକୁ ଏକ ବିକଶିତ ଦେଶ କରିବାର ସ୍ୱପ୍ନକୁ ପୂରଣ କରିବାକୁ ଚାହୁଁଛନ୍ତି ଏବଂ ଏଥିରେ ଦେଶ ବାହାରେ ରହୁଥିବା ଭାରତୀୟମାନେ ମଧ୍ୟ ସମର୍ଥନ ରହିଛି ବୋଲି କହିଛନ୍ତି ।
Related Topics
Explore more stories