Kiara Advani / କିଆରାଙ୍କୁ ନେଇ ଚିନ୍ତାରେ ଥିଲେ ସୁପରଷ୍ଟାର ୟଶ୍

ମୁମ୍ବାଇ,୧୫/୦୮: ବଲିଉଡ୍ ଅଭିନେତ୍ରୀ କିଆରା ଖୁବଶୀଘ୍ର ବଡ଼ ପରଦାରେ ଏକ ବଡ଼ ଧମକା ସହ ଫେରୁଛନ୍ତି । ସେ ଆଗାମୀ ବହୁପ୍ରତୀକ୍ଷିତ ଚଳଚ୍ଚିତ୍ର ‘ଟକ୍ସିକ୍: ଏ ଫେରିଟେଲ୍ ଫର ଗ୍ରୋନ୍-ଅପ୍ସ’ ରେ ସୁପରଷ୍ଟାର ଯଶଙ୍କ ସହ ମୁଖ୍ୟ ଭୂମିକାରେ ନଜର ଆସିବେ । ସାମ୍ପ୍ରତିକ ଏକ ଅଡିଓ ଲଞ୍ଚ୍ ଇଭେଣ୍ଟରେ ୟଶ୍ କିଆରାଙ୍କ କାମ ପ୍ରତି ନିଷ୍ଠା ଏବଂ ପରିଶ୍ରମକୁ ପ୍ରଶଂସା କରିବା ସହ ସେଟ୍ରେ ତାଙ୍କ ଗର୍ଭାବସ୍ଥା ସମୟର କିଛି ରୋଚକ ଓ କଥା ସେୟାର କରିଛନ୍ତି ।

‘ଆମେ ବାଉନସର୍ ଓ ବଡିଗାର୍ଡ ସାଜିଥିଲୁ’
ୟଶ୍ କହିଛନ୍ତି ଯେ ଫିଲ୍ମର ସୁଟିଂ ଅତ୍ୟନ୍ତ କଠିନ ଥିଲା, ବିଶେଷ କରି ବର୍ଷା ଏବଂ ଆକ୍ସନ୍ ଦୃଶ୍ୟଗୁଡ଼ିକ ପାଇଁ କିଆରାଙ୍କୁ ବେଶ୍ ପରିଶ୍ରମ କରିବାକୁ ପଡ଼ିଥିଲା । କିଆରା ଗର୍ଭବତୀ ଥିବା ସତ୍ତ୍ବେ ଫିଲ୍ମ ପାଇଁ ନିଜର ଶତପ୍ରତିତ ପ୍ରତିବଦ୍ଧତା ଦେଖାଇଥିଲେ । ମଜାଳିଆ ଅନ୍ଦାଜରେ ଯଶ କହିଛନ୍ତି, “କିଆରାଙ୍କ ସ୍ୱାସ୍ଥ୍ୟ ଓ ସୁରକ୍ଷାକୁ ନେଇ ମୁଁ ଏବଂ ଡାଇରେକ୍ଟର୍ ଗୀତୁ ମୋହନଦାସ୍ ସବୁବେଳେ ବେଶ୍ ସତର୍କ ରହୁଥିଲୁ । ସେଟ୍‌ରେ ଆମେ ଦୁହେଁ ପ୍ରାୟତଃ ତାଙ୍କର ‘ବାଉନସର୍ ଏବଂ ବଡିଗାର୍ଡ’ ଭଳି ଯତ୍ନ ନେଉଥିଲୁ ।” କିଆରାଙ୍କ ଏହି ପରିଶ୍ରମ ଫିଲ୍ମଟିକୁ ଆହୁରି ସ୍ୱତନ୍ତ୍ର କରିଛି ବୋଲି ୟଶ୍ ମତ ପ୍ରକାଶ କରିଛନ୍ତି ।

ଫିଲ୍ମର ‘ତବାଇ’ ଗୀତ ରିଲିଜ୍ ହେବା ପରେ କିଆରାଙ୍କୁ ସୋସିଆଲ ମିଡିଆରେ କିଛିମାତ୍ରାରେ ସମାଲୋଚନା ଓ ଟ୍ରୋଲ୍‌ର ସମ୍ମୁଖୀନ ହେବାକୁ ପଡ଼ିଥିଲା । ଗୀତରେ ୟଶ୍ ଏବଂ କିଆରାଙ୍କ ମଧ୍ୟରେ କିଛି ଇଣ୍ଟିମେଟ୍ ସିନ୍ ଥିବାରୁ ଏହାକୁ ନେଇ ବିବାଦ ଦେଖାଦେଇଥିଲା । କିନ୍ତୁ ପରେ ଫିଲ୍ମର ଟ୍ରେଲର୍ ଆସିବା ପରେ ଦର୍ଶକମାନେ କିଆରାଙ୍କ ଅଭିନୟକୁ ବେଶ୍ ପ୍ରଶଂସା କରିଥିଲେ । ପୂର୍ବରୁ ଏକ ଇଭେଣ୍ଟରେ ୟଶ୍ ମଧ୍ୟ କିଆରାଙ୍କ ସପକ୍ଷରେ ବାହାରି କହିଥିଲେ ଯେ ଜଣେ କଳାକାର ନିଜର ଆସ୍ଥା ଓ ନିଷ୍ଠା ଅନୁସାରେ କାମ କରିବା ଉଚିତ୍ ଏବଂ ସମୟ ସାଙ୍ଗକୁ ଦର୍ଶକମାନେ ଏହାକୁ ଗ୍ରହଣ ମଧ୍ୟ କରନ୍ତି।

ପଢନ୍ତୁ ଏହି ଖବର: ରୁମରେ ଗୋଟିଏ ବିଛଣା ଥିଲା ଏବଂ ମୁଁ ନର୍ଭସ ହୋଇଗଲି, ପୂଜା କହିଲେ ମନର କଥା

କେବେ ରିଲିଜ୍ ହେବ ‘ଟକ୍ସିକ୍’ ?
ଗୀତୁ ମୋହନଦାସ୍‌ଙ୍କ ନିର୍ଦ୍ଦେଶନାରେ ପ୍ରସ୍ତୁତ ଏହି ଗ୍ୟାଙ୍ଗଷ୍ଟର ଆକ୍ସନ୍ ଡ୍ରାମା ଫିଲ୍ମରେ ଯଶ ଏକ ଡବଲ୍ ରୋଲ୍‌ରେ ନଜର ଆସିବେ । ଏହି ଫିଲ୍ମରେ ୟଶ୍ ଓ କିଆରାଙ୍କ ବ୍ୟତୀତ ନୟନତାରା, ହୁମା କୁରେସି, ତାରା ସୁତାରିଆ ଏବଂ ରୁକ୍ମିଣୀ ବସନ୍ତ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି । ବିଭିନ୍ନ କାରଣରୁ ଫିଲ୍ମର ରିଲିଜ୍ ତାରିଖ ବାରମ୍ବାର ଟଳିଥିଲା । ପୂର୍ବରୁ ଏହା ମାର୍ଚ୍ଚ ୧୯ ଏବଂ ପରେ ଜୁନ୍ ୪ରେ ଆସିବାର ଥିଲା, କିନ୍ତୁ ବର୍ତ୍ତମାନ ମେକର୍ସମାନେ ଏହାର ଚୂଡ଼ାନ୍ତ ବିଶ୍ୱବ୍ୟାପୀ ରିଲିଜ୍ ତାରିଖ ୨୬ ଅଗଷ୍ଟ ୨୦୨୬କୁ ସ୍ଥିର କରିଛନ୍ତି । କନ୍ନଡ଼ ଏବଂ ଇଂରାଜୀ ଭାଷାରେ ଏକସାଙ୍ଗେ ସୁଟିଂ ହୋଇଥିବା ଏହି ଫିଲ୍ମ ହିନ୍ଦୀ, ତେଲୁଗୁ, ତାମିଲ ଏବଂ ମାଲାୟାଲମ୍‌ ଭାଷାରେ ମଧ୍ୟ ଡବ୍ ହୋଇ ମୁକ୍ତିଲାଭ କରିବ । ୨୦୨୨ର ବ୍ଲକବ୍ଲର୍ ପରଦା କମ୍ପାଇଥିବା ‘KGF ଚ୍ୟାପ୍ଟର ୨’ ପରେ ବଡ଼ ପରଦାରେ ଏହା ଯଶଙ୍କର ପରବର୍ତ୍ତୀ ବ୍ରହ୍ମାସ୍ତ୍ର ହୋଇଥିବାରୁ ପ୍ରଶଂସକଙ୍କ ମଧ୍ୟରେ କ୍ରେଜ୍ ଦେଖିବାକୁ ମିଳିଛି ।