Parked Car Child Death / ଖେଳୁଖେଳୁ ପଡ଼ୋଶୀ କାର ଭିତରେ ପଶିଲା ଶିଶୁ, ଚାଲିଗଲା ଜୀବନ

ମୁମ୍ବାଇ: ମହାରାଷ୍ଟ୍ରର ଯବତମାଲ ଜିଲ୍ଲାର ଚିଖାଲୱର୍ଦ୍ଧା ଗାଁରେ ଏକ ଦୁଃଖଦ ଘଟଣା ଘଟିଛି । ଚାରି ବର୍ଷୀୟ ଅଂଶ ସୂରଜ କେଲଝରକର ଘର ବାହାରେ ଖେଳୁଥିବା ସମୟରେ ପାଖରେ ଠିଆ ହୋଇଥିବା ଏକ କାର ଭିତରେ ଚାଲିଗଲା ଜୀବନ । ପ୍ରବଳ ଗରମରେ ଏତେ ସମୟ ଧରି କାର ଭିତରେ ଫସି ରହିବାରୁ ତାର ଅବସ୍ଥା ଖରାପ ହୋଇଯାଇଥିଲା । ପରିବାର ସଦସ୍ୟମାନେ ତାକୁ ଚେତାଶୂନ୍ୟ ଅବସ୍ଥାରେ ପାଇ ଡାକ୍ତରଖାନାକୁ ନେଇଗଲେ, ଯେଉଁଠାରେ ଚିକିତ୍ସା ସମୟରେ ତାକୁ ମୃତ୍ୟୁ ହୋଇଥିଲା।

• କଣ ପୂରା ଘଟଣା ?

ଅଂଶ ଘର ସାମ୍ନାରେ ଖେଳୁଥିଲା । ହେଲେ ସତେ ଯେମିତି ପଡ଼ୋଶୀଙ୍କ କାର ଭିତରେ ଲୁଚି ରହିଥିଲା ଯମ । ଖେଳୁଖେଳୁ କିଏ ଡାକିବା ପରି ଅଂଶ କାର ଭିତରକୁ ଯାଇଥିଲା । ହେଲେ ଆଉ ସେଠାରୁ ବାହାରି ପାରିନଥିଲା । ବାହାରକୁ ବାହାରି ନ ପାରିବାରୁ ସେ ବହୁତ ସମୟ ପର୍ଯ୍ୟନ୍ତ ଭିତରେ ଫସି ରହିଥିଲା । ଯେତେବେଳେ ଅଂଶକୁ ବହୁତ ସମୟ ପର୍ଯ୍ୟନ୍ତ ଦେଖାଗଲା ନାହିଁ, ତାଙ୍କ ପରିବାର ତାଙ୍କୁ ଖୋଜାଖୋଜି ଆରମ୍ଭ କଲେ । ଏହାପରେ ତାକୁ କାର ଭିତରେ ଅଚେତ ଅବସ୍ଥାରେ ପାଇଲେ ।

• ଚିକିତ୍ସା ସମୟରେ ଅଂଶର ମୃତ୍ୟୁ

କୁନି ଶିଶୁର ପରିବାର ଲୋକ ତୁରନ୍ତ ତାକୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରିଥିଲେ । ତା ଅବସ୍ଥା ଗୁରୁତର ଥିଲା ଏବଂ ଡାକ୍ତରମାନେ ଚିକିତ୍ସା ଆରମ୍ଭ କରିଥିଲେ । କିନ୍ତୁ ସମସ୍ତ ପ୍ରୟାସ ସତ୍ତ୍ୱେ ଦୁର୍ଭାଗ୍ୟବଶତଃ ଚିକିତ୍ସା ସମୟରେ ତାର ମୃତ୍ୟୁ ହୋଇଥିଲା । ଏହି ଘଟଣା ଚିଖଲୱର୍ଦ୍ଧା ଗାଁରେ ଶୋକର ଛାୟା ଖେଳାଇ ଦେଇଛି । ଅଭିଭାବକଙ୍କ ଟିକିଏ ଅସାବଧାନତା ଯୋଗୁଁ କୁନି ପିଲାଟିର ଜୀବନ ଚାଲିଯାଇଛି । ଘରେ ବାହାରେ ଏମିତି ଖେଳୁ ଖେଳୁ ଅଂଶର ମୃତ୍ୟୁ ଘଟିବ ବୋଲି କେହି କେବେ କଳ୍ପନା ବି କରିନଥିଲେ । 

ପଢନ୍ତୁ ଏହି ଖବର: ଛାତ ଉପରେ ଖେଳୁଥିବା ବେଳେ ପାଣିଭର୍ତ୍ତି ବାଲ୍ଟିରେ ପଡ଼ି ଏକ ବର୍ଷର ଶିଶୁର ମୃତ୍ୟୁ

କିଛି ଦିନ ପୂର୍ବରୁ ଏପରି କିଛି ସମାନ ଘଟଣା ଘଟିଥିଲା । ଫରିଦାବାଦର ଜୀବନ ନଗର ପାର୍ଟ-୨ ଅଞ୍ଚଳରେ ଇଦଗାହ ନିକଟରେ ଘରର ଛାତ ଉପରେ ଖେଳୁଥିବା ବେଳେ ପାଣିଭର୍ତ୍ତି ବାଲ୍ଟିରେ ମୁହଁ ତଳକୁ କରି ପଡ଼ିଯିବାରୁ ଏକ ବର୍ଷର ଶିଶୁ ଆର୍ୟନଙ୍କ ମୃତ୍ୟୁ ଘଟିଥିଲା । ଦୀର୍ଘ ସମୟ ପରେ ପରିବାର ଲୋକେ ଘଟଣା ସମ୍ପର୍କରେ ଜାଣିଥିଲେ । ତୁରନ୍ତ ଶିଶୁକୁ ହସ୍ପିଟାଲ ନିଆଯାଇଥିଲେ ମଧ୍ୟ ଡାକ୍ତର ତାକୁ ମୃତ ଘୋଷଣା କରିଥିଲେ । ଘଟଣା ପରେ ପରିବାରରେ ଶୋକର ଛାୟା ଖେଳିଯାଇଛି ।