ଅର୍ଗସ ବ୍ୟୁରୋ : ଉତ୍ତରପ୍ରଦେଶର ମହାଷ୍ଟମୀ ଏବଂ ମହାନବମୀ ପାଇଁ ସରକାରୀ ଛୁଟି ଘୋଷଣା କରିଛନ୍ତି ଉତ୍ତରପ୍ରଦେଶର ଯୋଗୀ ସରକାର। ତେବେ ଅତ୍ୟାବଶ୍ୟକ ସେବା ଜାରି ରହିବ । ଶାରଦୀୟ ନବରାତ୍ର ଅବସରରେ ଅଧିକାଂଶ କର୍ମଚାରୀ ୯ ଦିନ ଧରି ବ୍ରତ ରଖି ମାଆଙ୍କର ଉପାସନା କରିଥାନ୍ତି। ହିନ୍ଦୁମାନଙ୍କ ପାଇଁ ମହାଷ୍ଟମୀ ଏବଂ ମହାନବମୀ ଅଧିକ ଗୁରୁତ୍ବପୂର୍ଣ୍ଣ । ଏଥିପାଇଁ ସରକାରୀ କର୍ମଚାରୀମାନଙ୍କ ପାଇଁ ବ୍ରତ ରଖିବାରେ ଅସୁବିଧା ହେଉଥିଲା ।  ଯେଉଁଥି ପାଇଁ ସରକାରୀ କର୍ମଚାରୀଙ୍କ ସଂଘ ପକ୍ଷରୁ ସରକାରୀ ଛୁଟି ଲାଗି ଦାବି ହେଉଥିଲା ।

ଅଧିକ ପଢନ୍ତୁ ଭାରତ ଖବର

ଯେଉଁ ଦାବି ରଖିଛନ୍ତି ଉତ୍ତରପ୍ରଦେଶ ସରକାର ।  ଅଷ୍ଟମୀ, ନବମୀ ପାଇଁ ମୁଖ୍ୟମନ୍ତ୍ରୀଙ୍କ ଦ୍ବାରା  ଛୁଟି ଘୋଷଣା କରାଯାଇଥିବାରୁ କର୍ମଚାରୀ ସଂଘ ସରକାରଙ୍କୁ କୃତଜ୍ଞତା ଜଣାଇଛନ୍ତି । ରାଜ୍ୟ କର୍ମଚାରୀ ସଂଯୁକ୍ତ ପରିଷଦ ପକ୍ଷରୁ ମୁଖ୍ୟମନ୍ତ୍ରୀଙ୍କ ପ୍ରତି କୃତଜ୍ଞତା ଜ୍ଞାପନ କରାଯାଇଛି । ସେହିପରି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ହୃଦୟରୁ ଧନ୍ୟବାଦ  ଜ୍ଞାପନ କରିଛି ଲକ୍ଷ୍ନୌ ବ୍ୟବସାୟୀ ସଂଘ ।