ପୁରୀ: ନକଲି ଶିକ୍ଷକଙ୍କ ହାତରେ ଛାତ୍ରଛାତ୍ରୀଙ୍କ ଭବିଷ୍ୟତ । ଫେକ୍ ସାର୍ଟିଫିକେଟରେ ସରକାରୀ ଚାକିରୀ କରୁଛନ୍ତି ଶିକ୍ଷକ । RTI ତଥ୍ୟ ପରେ ସାମ୍ନାକୁ ଆସିଲା ପ୍ରକୃତ ସତ । ବାରମ୍ବାର ଅଭିଯୋଗ ପରେ ମଧ୍ୟ ହୋଇନି କାର୍ଯ୍ୟାନୁଷ୍ଠାନ । ପୁରୀ ଜିଲ୍ଲା ସରକାରୀ ବିଦ୍ୟାଳୟ ମାନଙ୍କରେ ଛାତ୍ରଛାତ୍ରୀଙ୍କୁ ପାଠ ପଢ଼ାଉଛନ୍ତି ମାଳମାଳ ନକଲି ଶିକ୍ଷକ । ନକଲି ଶିକ୍ଷକଙ୍କ ଗନ୍ତାଘର ପାଲଟିଛି ପୁରୀ ଜିଲ୍ଲା ।

ଅର୍ଗସ୍ ହାତରେ ପୁଣି ଲାଗିଛି ମାଳ ମାଳ ନକଲି ଶିକ୍ଷକଙ୍କ ଜାଲ ସାର୍ଟିଫିକେଟ୍ । ନକଲି ସାର୍ଟିଫିକେଟ୍ ଦେଇ ଅପାଠୁଆ ପଢାଉଛନ୍ତି ପାଠ । କଣାସ ବ୍ଲକ ତିଗିରିଆ ବଡ କାଳୁଚରଣ ହାଇସ୍କୁଲର ପ୍ରଧାନ ଶିକ୍ଷକ ଚିତରଞ୍ଜନ ପ୍ରଧାନ ଯୁକ୍ତ ତିନି ସାର୍ଟିଫିକେଟ୍ ରେ ଜାଲିଆତି କରି ନିଯୁକ୍ତି ପାଇଥିବା ଅଭିଯୋଗ ହୋଇଛି ।

ସେହିପରି ବ୍ରହ୍ମଗିରି ବ୍ଲକ କାଳିକ ଉଚ୍ଚ ପ୍ରାଥମିକ ବିଦ୍ୟାଳୟ ବଡବେଣାକୁଦିର ସହକାରୀ ଶିକ୍ଷକ ପ୍ରତାପ କୁମାର ସ୍ବାଇଁ ଗୋଟିଏ ଶିକ୍ଷା ବର୍ଷରେ ଯୁକ୍ତ ତିନି ଏବଂ ସିଟି ସାର୍ଟିଫିକେଟ୍ ହାତେଇଥିବା ଅଭିଯୋଗ ହୋଇଛି । ସେପଟେ ନହରବାଲି ସ୍କୁଲ ସହକାରୀ ଶିକ୍ଷୟିତ୍ରୀ ବୟସ ଏବଂ ନାମରେ ଚଞ୍ଚକତା କରିଥିବା ହୋଇଛି ଅଭିଯୋଗ । ବାଲିହରଚଣ୍ଡି ବିଦ୍ୟାନିକେତନ ହାଇସ୍କୁଲ ପଲଙ୍କ ଜନାର୍ଦ୍ଦନ ପେଣ୍ଠୋଇ ଜାତିଗତ ପ୍ରମାଣ ପତ୍ରରେ ଜାଲିଆତି କରି ନିଯୁକ୍ତି ହୋଇଥିବା ଅଭିଯୋଗ ହୋଇଛି । ହନ୍ତୁକ ହାଇସ୍କୁଲରେ ମଧ୍ୟ ଅନେକ ଶିକ୍ଷକ ଜାଲ୍ ସାର୍ଟିଫିକେଟ୍ ଦେଇ ବର୍ଷ ବର୍ଷ ଧରି ପାଠ ପଢାଉଛନ୍ତି । କେବଳ ସେତିକି ନୁହେଁ ପୁରୀ ବଳଗଣ୍ଡି ହାଇସ୍କୁଲର ସହକାରୀ ଶିକ୍ଷୟତ୍ରୀ ନିହାରିକା ଜଗଦ୍ଦେବ ଯୁକ୍ତ ତିନି ସାର୍ଟିଫିକେଟରେ ଜାଲିଆତି କରିଥିବା ଦସ୍ତାବିଜ୍ ଅର୍ଗସ ହାତରେ ଲାଗିଛି ।

ଆହୁରି ପଢନ୍ତୁ ଓଡିଶା ଖବର...

Argus News | argus news | -Argusnews Home: Odisha Latest News, Breaking News, Trending News, Live TV and more