Argus News - ରେଂଜରୋଭ୍ ଦୁର୍ଘଟଣା ମାମଲା: କାହିଁକି ଗିରଫ ହେବେ ନି ବିଶାଳ ?
- Home
- Odisha
- %E0%AC%B0%E0%AD%87%E0%AC%82%E0%AC%9C%E0%AC%B0%E0%AD%8B%E0%AC%AD%E0%AD%8D%E2%80%8C%20%E0%AC%A6%E0%AD%81%E0%AC%B0%E0%AD%8D%E0%AC%98%E0%AC%9F%E0%AC%A3%E0%AC%BE%20%E0%AC%AE%E0%AC%BE%E0%AC%AE%E0%AC%B2%E0%AC%BE%3A%20%E0%AC%95%E0%AC%BE%E0%AC%B9%E0%AC%BF%E0%AC%81%E0%AC%95%E0%AC%BF%20%E0%AC%97%E0%AC%BF%E0%AC%B0%E0%AC%AB%20%E0%AC%B9%E0%AD%87%E0%AC%AC%E0%AD%87%20%E0%AC%A8%E0%AC%BF%20%E0%AC%AC%E0%AC%BF%E0%AC%B6%E0%AC%BE%E0%AC%B3%20%3F
ରେଂଜରୋଭ୍ ଦୁର୍ଘଟଣା ମାମଲା: କାହିଁକି ଗିରଫ ହେବେ ନି ବିଶାଳ ?
By: Sarbeswar Mohapatra
Odisha, Politics| Tue, Nov 7 | 9:22 am
Highlights
- ଦାମୀ ଗାଡି ନେଲା ଜୀବନ
- କାହିଁକି ବନ୍ଧା ହେବେନି ବିଶାଳ ?
- ଭଉଣୀ ବିଧାୟିକା ବୋଲି ନାଁ କୋଟି କୋଟି ସମ୍ପତ୍ତିର ମାଲିକ ବୋଲି ?
ଅର୍ଗସ ବ୍ୟୁରୋ : ଭୁବନେଶ୍ଵର ପାୱାର ହାଉସ ଛକରେ ହୋଇଥିବା ହିଟ୍ ଆଣ୍ଡ ରନ୍ ମାମଲାକୁ ନେଇ ବିବାଦରେ ବିଶାଲ । ପୂର୍ବତନ ମନ୍ତ୍ରୀ ନବ ଦାସଙ୍କ ପୁଅ ତଥା ବର୍ତ୍ତମାନର ଝାରସୁଗୁଡା ବିଧାୟିକାଙ୍କର ଭାଇ ହୋଇଥିବାରୁ କୁଆଡ଼େ ତଥ୍ୟ ଥିଲେ ବି କାର୍ଯ୍ୟାନୁଷ୍ଠାନ ଗ୍ରହଣ ଲାଗି କୁନ୍ଥୁକୁନ୍ଥୁ ହେଉଛି ପୋଲିସ । ସେପଟେ ବଢିଲା ଝିଅକୁ ହରାଇ ମୁଣ୍ଡ ବାଡେଇ କାନ୍ଦୁଛି ମାଆ, ଛାତି ପିଟି କାନ୍ଦୁଛନ୍ତି ବାପା ।
ଘନଉଛି ରେଞ୍ଜ ରୋଭର ବିବାଦ । ଏହି ବହୁଚର୍ଚ୍ଚିତ ଦୁର୍ଘଟଣାରେ ବିଜେଡି ବିଧାୟିକାଙ୍କ ଭାଇ ବିଶାଲ ଦାସଙ୍କୁ ମିଳୁଛି ସୁରକ୍ଷା କବଚ । ଦିନ ଦ୍ଵିପ୍ରହରରେ ବାଇକକୁ ପିଟିଥିଲା ରେଞ୍ଜରୋଭର । ଆଉ ଦୁର୍ଘଟଣାର ଶିକାର ହେବା ପରେ ଆଖି ବୁଜିଥିଲେ ଲୋପାମୁଦ୍ରା । ଆଉ ଏବେ ବି ମେଡିକାଲରେ ଜୀବନ ବଂଚାଇବାକୁ ଗାଡି ଚାଳକ କରୁଛନ୍ତି ସଂଘର୍ଷ । ହେଲେ ଗାଡି କେମିତି ଦୁର୍ଘଟଣା ହେଲା ? ଦୁର୍ଘଟଣା ଦିନ ଗାଡିରେ କିଏ କିଏ ଥିଲେ ? କାର୍ଯ୍ୟାନୁଷ୍ଠାନ ନେବାକୁ ପୋଲିସ କାହିଁକି ଡେରି କରୁଛି ? ସେନେଇ ସାଧାରଣରେ ପ୍ରଶ୍ନ ଉଠୁଥିବା ବେଳେ ବିଜେଡିର ଖାସ୍ ବିଧାୟିକାଙ୍କ ବିଶାଳ ଭାଇ ହୋଇଥିବାରୁ ତାଙ୍କୁ ସାତଖୁଣ୍ଡ ମାଫ୍ ବୋଲି ଚର୍ଚ୍ଚା ଜୋର ଧରିଛି ।
ମଙ୍ଗଳବାର ରାଜଧାନୀର ରାଜରାସ୍ତାରେ ରେଞ୍ଜ ରୋଭର ଧକ୍କାରେ ତିନି ଦିନ କାଳ ଜୀବନ ସହ ଯୁଝି, ଯୁଝି ଯାଜପୁର ବରୀ ଅଞ୍ଚଳର ଲୋପାମୁଦ୍ରା ଆଖି ବୁଜିଛନ୍ତି । OD-23-K-0006 ନମ୍ବର ବିଶିଷ୍ଟ ଏକ ରେଞ୍ଜ ରୋଭର ଧକ୍କାରେ କଟକର ଏକ ଘରୋଇ ହସ୍ପିଟାଲରେ ଲୋପାମୁଦ୍ରାଙ୍କ ଜୀବନ ଯିବା ପରେ ଭୁବନେଶ୍ୱରର ଘରୋଇ ହସ୍ପିଟାଲରେ ଜୀବନ ସହ ଲଢୁଛନ୍ତି ଅବସରପ୍ରାପ୍ତ ସିଆଇଏସ୍ଏଫ୍ ଯବାନ କାହ୍ନୁଚରଣ ନାୟକ । ଗୁରୁତ୍ଵପୂର୍ଣ୍ଣ କଥା ହେଲା ସାଧାରଣ ଦୁର୍ଘଟଣା ହେଲେ ପୋଲିସ ତତ୍ପରତା ଦେଖାଏ, ଗାଡି ଚାଳକଙ୍କୁ ଆରମ୍ଭ କରି ମାଲିକଙ୍କୁ ଥାନାକୁ ଡକାଏ । ଦରକାର ପଡିଲେ ଗିରଫ । ହେଲେ ପୂର୍ବତନ ମନ୍ତ୍ରୀ ପୁଅଙ୍କ ଗାଡି ଧକ୍କାରେ ଜଣଙ୍କର ଜୀବନ ଯିବା ପରେ ବି କାହିଁକି ଆକ୍ସନ ମୋଡକୁ ଆସୁନି ପୋଲିସ ସେନେଇ ଚର୍ଚ୍ଚା ଜୋରଦାର ଚାଲିଛି । ତେବେ ପୂରା ଘଟଣାରେ ବିଧାୟିକା କିମ୍ବା ବିଶାଳଙ୍କ ପ୍ରତିକ୍ରିୟା ମିଳିପାରିନାହିଁ ।
Sponsored By!
No ad found
Related Articles :