ଢେଙ୍କାନାଳ: ଅନ୍ଧ ବିଶ୍ୱାସର ଅନ୍ଧ ଗଳିରେ ମଣିଷ । ମୃତ ଲୋକର ଖପୁରୀକୁ ନେଇ ଶ୍ମଶାନରେ ଚାଲିଛି ତନ୍ତ୍ର ସାଧନା । ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ଆଳତୁମା ଗାଁ ରାମିଆଳ ନଦୀ ପଠାରେ ଥିବା ଶ୍ମଶାନରେ କେହି ଅସାଧୁ ମଣିଷର ଖପୁରୀ ରଖି ତନ୍ତ୍ର ସାଧନା କରୁଥିବାର ଦେଖିବାକୁ ମିଳିଛି ।

ଆଜି ବି ଅନ୍ଧ ବିଶ୍ୱାସ ଓ କୁସଂସ୍କାରରେ ଜଡିତ ରହିଛି ମଣିଷ । ହୀନ ମାନସିକତା ଯୋଗୁଁ ବିଜ୍ଞାନ ଯୁଗରେ ତନ୍ତ୍ର ଓ ମନ୍ତ୍ର ସାଧନା ଉପରେ ଭରସା କରୁଛନ୍ତି । ଏଭଳି ଖପୁରୀକୁ ନେଇ ପୂଜାର୍ଚ୍ଚନା କରିବା ନିହାତି ପକ୍ଷେ ଅଞ୍ଚଳବାସୀ ଉପରେ ବଡ଼ ପ୍ରଭାବ ପଡିଛି । ଲୋକମାନେ ମଣିଷ ଖପୁରୀକୁ ପୂଜାର୍ଚ୍ଚନା କରାଯାଉଥିବା ନେଇ ଚିନ୍ତା ପ୍ରକଟ କରିଛନ୍ତି ଗ୍ରାମବାସୀ । ତେବେ ଗତ ଜୁନ ମାସ ୧୫ ତାରିଖ ଦିନ ଆଳତୁମା ଗାଁର ଦ୍ରୌପଦୀ ନାଥଙ୍କ ଦେହାନ୍ତ ହୋଇଥିଲା । ତାଙ୍କ ମୃତଦେହକୁ ପରିବାର ଲୋକେ ବିଧି ବିଧାନ ଅନୁଯାୟୀ ରାମିଆଳ ନଦୀ କୂଳରେ ଥିବା ତାଙ୍କ ଜମିରେ ପୋତି ଦେଇଥିଲେ ।

ଏବେ କେହି ଅସାଧୁ ତାଙ୍କ ପୋତା ଯାଇଥିବା ଶରୀରକୁ ବାହାର କରି ସେଠାରେ ନୂଆ ଲୁଗା, ସିନ୍ଦୁର, ଧୂପ, ଦୀପ ,ଚାଉଳ ଓ ଫୁଲ ଦେଇ ପୂଜାର୍ଚ୍ଚନା କରିଥିବାର ଦେଖିବାକୁ ମିଳିଛି । ଏ ନେଇ ଆଳତୁମା ଗାଁରେ ଲୋକଙ୍କ ମଧ୍ୟରେ ଆତଙ୍କ ସୃଷ୍ଟି ହୋଇଥିବା ଦେଖିବାକୁ ମିଳିଛି ।

ଆହୁରି ପଢନ୍ତୁ ଅପରାଧ ଖବର...

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV