Crocodile Sighting / ନଦୀରେ ଗାଧୋଇବାବେଳେ ଦେଖାଗଲା ୧୦ ଫୁଟିଆ କୁମ୍ଭୀର...ଆଉ ତା'ପରେ

ଗାଧୋଇବା ପାଇଁ ନଦୀକୁ ଯାଇଥିଲେ, ହେଲେ ହଠାତ୍ ସାମ୍ନାରେ ପଡ଼ିଲା ପ୍ରାୟ ୧୦ ଫୁଟିଆ ବିଶାଳ କୁମ୍ଭୀର । ଏଭଳି ଭୟାନକ ଦୃଶ୍ୟ ଦେଖି ଭୟଭୀତ ହୋଇପଡ଼ିଲେ ନଦୀକୁ ଯାଇଥିବା ଲୋକେ । ଗଜପତି ଜିଲ୍ଲା ଗୋଷାଣୀ ବ୍ଲକ ବାଘସଳା ଗାଁ ନିକଟ ମହେନ୍ଦ୍ର ତନୟା ନଦୀରେ କୁମ୍ଭୀର ଦେଖାଯିବା ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି । ଖବର ପାଇ ବନ ବିଭାଗ ଘଟଣାସ୍ଥଳରେ ପହଞ୍ଚି ଲୋକଙ୍କୁ ସତର୍କ କରିବା ସହ କୁମ୍ଭୀରର ଗତିବିଧି ଉପରେ ନଜର ରଖିଛି। 

ଏହାସହ ପଢ଼ନ୍ତୁ: ରାତି ଅନ୍ଧାରରେ ହଠାତ୍ ସାମ୍ନାକୁ ଆସିଲା ବାଘ! ମୋବାଇଲରେ କଏଦ ହେଲା ଦୃଶ୍ୟ

ଗଜପତିର ମହେନ୍ଦ୍ର ତନୟା ନଦୀରେ କୁମ୍ଭୀର ଆତଙ୍କ । ନଦୀରେ ଗାଧୋଇବାକୁ ଯାଇଥିବା ବେଳେ ଦେଖାଦେଲା ପ୍ରାୟ ୧୦ ଫୁଟିଆ କୁମ୍ଭୀର । ଘଟଣାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଛନକା ପଶିଛି । ଗଜପତି ଜିଲ୍ଲା ଗୋଷାଣୀ ବ୍ଲକ ବାଘସଳା ଗାଁ ନିକଟ ମହେନ୍ଦ୍ର ତନୟା ନଦୀରେ ଗତକାଲି ସନ୍ଧ୍ୟାରେ ଏହି କୁମ୍ଭୀର ଦେଖାଯାଇଥିଲା । ନଦୀକୁ ଗାଧୋଇବାକୁ ଯାଇଥିବା ଲୋକେ କୁମ୍ଭୀରକୁ ଦେଖିବା ପରେ ଭୟଭୀତ ହୋଇପଡ଼ିଥିଲେ ।

ଏନେଇ ଗ୍ରାମବାସୀ ବନ ବିଭାଗକୁ ସୂଚନା ଦେଇଥିଲେ । ସୂଚନା ପାଇ ବନ ବିଭାଗର କର୍ମଚାରୀ ଘଟଣାସ୍ଥଳରେ ପହଞ୍ଚି ନଦୀ କୂଳରେ ଥିବା ଲୋକଙ୍କୁ ଡାକବାଜି ଯନ୍ତ୍ର ସାହାଯ୍ୟରେ ସଚେତନ କରିଛନ୍ତି । ବିଶେଷକରି ନଦୀରେ ଗାଧୋଇବା କିମ୍ବା ନଦୀ ଭିତରକୁ ଯିବା ସମୟରେ ସତର୍କ ରହିବାକୁ ବନ ବିଭାଗ ପକ୍ଷରୁ କୁହାଯାଇଛି । କୁମ୍ଭୀରଟି ନଦୀରେ ଥିବାରୁ ତାହାର ଗତିବିଧି ଉପରେ ବନ ବିଭାଗ ନଜର ରଖିଛି।